زوجي .......والراتب

[ياكثر الغيورين]

السلام عليكم ورحمه الله وبركاته

عندي مشكله وماني لقيا لها حل وان شاء الله القا الحل عندكن اخواتي

مشكلتي هي ان زوجي دايما يبي ياخذ راتبي له واذا قلت له لا مااعطيك الراتب

يسكت شوي وبعدها يطلب ثاني مره الراتب :eh_s(14): مع العلم انه الحمدالله موناقصه شي
راتبه قوي وشغله تمام التمام ......بس لانه هو اللى وظفني صاري لي
الحين تقريبا موظفه اربع شهور وعلى راتب 3000 ريال يبي ياخذ كل الراتب له
وانا مااخذ ولافلس ماعندي الا (حافز) راتب من الدوله يمشي لي لااني ماسجلت
بنظام الوزاره اني توظفت عشان مايخصمونه علي :eh_s(1):
وللعلم اني ماخذ ولاريال من راتب مال الوظيفه كل شي اصرف من حافز 2000 ريال
روحتى للسوق وطلعاتي وكشختي وبطايق جوالي وشحن الكنكت يعني معاناه
وهو مايصرف ولاريال بس اكل البيت :eh_s(2)::eh_s(2)::eh_s(2):
والله تعبت من هذي الحاله .....وهو متزوج وعنده عيال صبيان وبنات
بالشهر يعطي لاامهم 4000 ريال وطبعا متي مايبون فلوس منه على طول يعطيهم وانا لو اقول له
يقولي وين فلوسج قصده على حافز :eh_s(2)::eh_s(2): والحين مهددني اذا مااعطيه الراتب مافي طلعه
اضل قاعده بالبيت والحين صار لي تقريبا اسبوع مااطلع من البيت كله عشان الراتب حتى صديقاتي مااقدر اروح عليهم :eh_s(2)::eh_s(2):

وانا بصراحه ماابي اقول لاهلي عشان ماتصير مشاكل بينهم :eh_s(1):


اتمني اني القا عندكن الحل

الله يوفقكن جميعاً

 

[ام فواازي]

خليج على رايج ولاتعطينه راتبج حلوه والله واذا هو موضفج شكو ياخذه هذا تعبج وقومتج الصبح ودوامج لا تعطينه فترة وبيطخ عنه يمكن لانج عطيتيه اول الاشهر تعود انه ياخذه خليه يولي هو الرجال الصرف عليه

 

[Mrs Al-Nasser]

حلوه هذي يزعل ويعاقبج اذا ما عطيتيه !
لا حبيبتي خليج على رايج
انا ما أايد الوحده تعطي ريلها الا اذا كان محتاج
أو اذا كان الشي حقهم اثنينهم واهوا ما عنده حلوه المساعده
بس مو اهوا عنده وياخذ مني !

 

[ديانا سبنسر]

لاتعطينه لين يفهم ان هذا تعبج وانتي اولى فيه

 

[أجمل إنسـآنـه ~]

ياااربيي ليه جذذذذذذذذذذذذذذي الرجال قامو يخونووون وحريمهم يسرفون عليييهم وياخذوون معاش حريمهمم لييشش,,!!!!!!!!


الله يستر من هالزمنن بس,~<!!!




ولأ تعطينهةة ولأ فلسسسسس هاااذذاا حققققج خير ياخذهةةة,~,!

 

[جذابه بنت ذيابه]

حبيبتي

لا تعطينه وخلج على رايج بعدين يتعووود

 

[ظبية بوظبي]

اولا روحي اقطعي حافز لا يدرون وتدخلين في مشاكل بتندمين عليها
واصلا ممكن يعتبر حرام تاخذينه لان هي خاصه للعطلنجين
ثانيا بخصوص زوجج
حلوه هذي انتي لج الكرف وهو ياخذها بارده مبرده ...والله عندي كلمه واقفه في نحري ابغا افجرها بس بسكت
عيوني انتي خليج على موقف واحد ثابت
لا يكون موقفج متذبذب
ترى حتى الاطفال لو شافوا ان امهم قبضتها ماهي فولاذيه عليهم .. يقومون يسوقون العبث

اما لو كنتي ثابته على موقفج وكلامج
مره على مره بياس وبستسلم وبيرضخ لموقفج
ترى المساله يا غالب ولا مغلوب
فهو يبغا رضخج انتي
لكن هيهات
حلوه هذي معترف بمرته وعياله وانتي مخليج احتياط وتسلايه وطلباتج وحتياجاتج ما كنها بواجب عليه
يا لبي يضحك يعني فوق ما هو مب معترف الا بالاكل بعد ياخذ تعبج وشقاج
فلوسج تاخذينها
ولا تتخاذلين لين ما بيتعب وبيستحي على نفسه وبعدها بتمشي الحياه
بس طبعا نوعيه التصرف هي الي تخلي الواحد ي ينجح ولا يفشل
يعني ممكن وحده تطبق كلامي بس بـ wrong way
يعني مافي اسلوب تاخذه بالصوت بالعناد بكلمات غلط
وفي الي تتخذ موقف بطريقه فيها احترام للنفس
فيستحي على نفسه وبيستجيب للمطلوب
موفقه قلبي
واستعيني بالله
ترى هالموضوع ماهو بهين

 

[Môre N!Ce]

هو اللي يشتغل ولا انتِ ......؟

وش هالرجاجيل :|

الله يعينج عليه

 

[سارة ة]

رياجيل اخر زمن
يمووتون عل ريحه الفلس

 

[al-musk]

صج مايستحي .. اشكره عاد عيني عينك

 

[نـعـومـه]

خوووووش والله

استغفرالله ياربي

قوليله الشرع يقول مايجوز الزوج ياخذ راتب زوجته وتبي تاخذ راتبي خلاص انا باخذ راتبك كله شرايك ؟؟

شوفيه شيقول

بس ناقشيه بكل ذكاء وعقل مو صراخ عشان يحس

 

[عسل مرت قيمر]

مو من حقه

كلميه بصراحه

قوليله هذا تعبي وقومتي من الصبح


وعندي احتياجات خاصه

اصلن المفروض اهوا يعطيج مصرف


مو ياخذ منج

 

[رنيم الروح]

حبيبتي اذا مو ناااقصه شي ولا عليه ضغوط اخذيها نصيحة اخت لا تعطينه عوديه على لا راتبي لا وحتى لو زعل لا تعطينه والله اذا تعود ماراح تقدرينه بعدين

 

[ياكثر الغيورين]

حبيباتي كلامكن كله صح وجربت معاه كل شي بس للاسف مافي شي ينفع :eh_s(16):
وهو الحين مسافر عند زوجته الثانيه :eh_s(14):..... الحين مقرره انني اترك الوظيفه واروح عند اهلي بهالاسبوع
وماعلي منه لحد مايتعدل معاي عدل ولايشوف لنفسه صرفه :eh_s(14):

بس صج رجاجيل هالوقت صايرين كلهم مثل بعض مايفرقون عن بعض باي شي :eh_s(4):

شاكره ردود كل الحلوات


تحياتي

 

[Patcholli]

حبيبتي اولشي قوليلها مالك شي عندي ودامك فاتح بيتين ومتزوج ثنتين يعني معاشك راهي ومكفي
ثاني شي قوليله انت لازم تعدل بيني وبين مرتك مثل ماتعطيها تعطيني هذا الشرع يقول جذي ولا بس يعرفون من الشرع انه حلل 4 ويطنشون فباجي التطبيق ؟؟
ثالث شي قوليله دق على اي شي دين واسأله عن الي انت ناوي تسويه بيقولك مايجوز تاخذ راتب مرتك بدون حق وبالغصب
رابع شي واذا مافاد كلمي اهلج خل يوقفونه عند حده لانه مايستحي وماينفع معاه السكوت

 

[ياكثر الغيورين]

سويت مثل ماقلتي بس مافي شي ينفع معاه اما بخصوص اهلى ماابي اقول لهم
لاني بصراحه ماابي ادخلهم بمشاكلي واخاف يكبرون الموضوع بزياده
خلاص انا قررت اترك الوظيفه وهو كيفه يسوي اللى يبي

مشكروه حبيتي

 

[Patcholli]

تهدمين مستقبلج عشان ريلج ؟؟ تحرمين روحج من المعاش عشانه ؟؟
والله اختي حرام بالعكس لي كلمتي اهلج بيوقفونه عند حده بعض الامور تستلزم تدخل الاهل خل يعرف انهم ظره وسند حقج السالفه كبيره لاتستهينين فيها واذا طلعتي من الوظيفه ووقف عنج المصروف عناد شراح تسوين حزتها ؟؟

حبيبتي هذا حقج ليش تتنازلين عنه ؟؟

 

[Perfume]

انا مع patcholli
انا ماعندي مانع اساعد ريلي اذا كان كفوو وتكانة وعنده ظروف بس اساعد بكيفي مو اهوا يجبرني
حبيبتي ظروري تخلين ابوج يكلمه انه يحط لج مصروف حالج حال زوجته هالسوالف تحتاج حزم

 

[Combat]

على فكرة الي تسوينه هذا خداع وغش
يعني انتي تاخذين اعانة عاطل وانتي موظفة
علشان كذا ربي مطمع زوجك فيك ومو مبارك لك بفلوس الوظيفة
طمعتي بالاعانه والراتب وزوجك طمع فيك
اسمحيلي هذي الصراحة وكلمة حق لازم اقولها
بغض النظر عن كون المبلغ كلة على بعض 5000 مايسوى اصلا تصير فلوسك حرام بسبة 2000 مبلغ تافة

 

[منووله مشعل]

الله يعينج عليه ...

انا من راي البنات لاتعودينه وخليه يزعل لين يعرف انه غلطااان وماله حق بمعاشج ...

والله يهدي سركم يارب ...