زوجي والزوارات ...؟!!

[قمورة الكويت]

السلام عليكم

شخبااااااركم حبايبي

​

اتمنى اشوف منكم تجاااااوب باول موضوع اكتبه...

بنات انا متزوجه صار لي سبع شهور يعني سنة عدم التفاهم على قولتهم
وزوجي عصبي حيل ومايطوف ولا سالفه ويكبرهاااااا حييييل دايم هوشاتنا على شي اتفه من التاااااااافه
ويكبرها بشكل موطبيعي مع انه يحبني ويموت فيني..
وامس كنت بروح عند عمامي وهو عادته كل جمعه يتغدى عند خواله ويرد البيت العصر امس قالي ماراح ارد البيت اليوم امشي اقطج عن اهلج وروحي معاهم المغرب انا طفرررررررت حيل مو اول مره يسويهااا دايم مايحب يوديني ويجيبني يقول تبين تطلعيني من عز وناستي بالدوانيه مع انه يوميااااا بالدوانيه مليت والله احس للحين جنه عزوبي ماجنه برقبته مرااا. يوديها ويجيبها طلعاتي عند اهلهم اروح مع خالتي والسايق وعند اهلنا يقطني عند اهلي اروح. وارد معاهم مليت لي متى جذي ابي اعوده هو يوديني ويجيبني واذا قلت له جذي قال يالله اوديج الساعه 6 منو يروح زواره الساعه6 والله تعبت من التفاهم معاااه تخيلوا ساعات يقول خلي اخوج الصغير يمرج مافيها شي واذا تكلمت وناقشته اطلع انا الغلطاااااااااانه دايماً

الحين هو طالع الفنار وبعدها بيروح دوانيه وانا معزومه على عشاااا مادري شسوي ابي شوركم لاتقولولي سوقي ابيه يحس ان عنده مرااا اذا سقت راح يتكل علي بكل شي​

​

 

[miss mnora]

مااقول الا الله يهدييييه والله يسخره لج ياااااااااااااااااااااااااااااااااااااااااااااااااااارب

 

[يكفيني حنانك..]

حبيبتي مو شرط كل المشاوير يوديك هو
يعني عادي روحي مع اهلك مع خواتك بس طبعا لاتعودينه يشيل يده منك نهائيا
لاكن اذا مققصر بالمره الله يعينك

 

[قمورة الكويت]

رد : زوجي والزوارات ...؟!!

مشكوووره ع المرور حياااتي
والله يسمع منج ياااااااااااااااارب

 

[al-musk]

قوليله ودي العشا توديني انت قبل الدوانية وبس شوفي شيقول ..

 

[قمورة الكويت]

رد : زوجي والزوارات ...؟!!

غلااا زوجي مشكوووره ع المرور حياتو

المشكله انه شااااايل ايده بالمره تخيلي حتى اذا بنطلع سينما اومجمع طلعاتنا يااا الصبح او العصر المغرب اانا بالبيت وبعدهاا يروح الدوانيه حتى طلعاتنا احس انه هم على قلبه يعني اسمي طلعتج وبس

 

[نفهمها صح]

رد : زوجي والزوارات ...؟!!

عيشي حياتج وسوقي وطنشي
بتعبيين ....
والله لوو مسمووح لنا بسعوديه سواقه
كان علوووووووووووووم

 

[قمورة الكويت]

رد : زوجي والزوارات ...؟!!

((( المسك وو. نفهمها صح)))

مشكووورين ع المروور نورتو

 

[ضحكه طفل]

رد : زوجي والزوارات ...؟!!

الله يسخره لج يارب

 

[قمورة الكويت]

رد : زوجي والزوارات ...؟!!

ضحكة طفل
مشكووره ع المروور
والله يسمع منج انشالله

 

[انا لحبيبي .]

رد : زوجي والزوارات ...؟!!

الله يهدي بالك يارب

بس اذا ما بدك تعوديه .. روحي عند اهلك واحكيلو مافي حد يرجعني البيت اخواني طالعين مشوار ومافي حد فاضيلي ​

 

[ام الوردة]

ريحي بالج وسوووقي

ولا منة الناس

 

[سوسن1980]

رد : زوجي والزوارات ...؟!!

الله يهديه ويسخره لك مع الوقت راح يحس بالمسؤليه وخصوصا بعد مايجيكم اولاد

 

[وآحشنــي زمآنـك]

رد : زوجي والزوارات ...؟!!

الله يعينــج ..




قوليله الله لاا يهينك قبل لاا تطلع قطني ومتى ماا خلصت مرني أوو مو مشكله بالرجعه ترجعين مع أهلج ..

 

[أم لطووف]

حبيبتي عادي مرة إنتي ومره إهوو إنتي لاتحسسينه إنه غصبن عليك لازم تطلعني لا جذي بيكره خليه هو يقولج يالله خل نطلع عرفتي..

 

[صمــت_ALsHfaaH]

عندنا وعندج خييير

بس الفرق ان انا ماعندي اخوووان ماعندي الا ابوي الله يطولي بعمره وهم رجال كبير

واهو يوديني للضروريات مثل مستشفى واهلي ونااادررا مايوديني مشاويري كله ابوي حتى ايام دراستي كان يرد متاخر وينااام

وابوي الي يوديني لمحاضراتي

الله يعينا يالغاليه

 

[الأميرة الحزينة]

الله يعينج .. بس تبين نصيحتي؟ سوقي اريحلج والله جان بتنطرينه سالفته طواله ماتخلص دواوينه .. انا كل يوم ادعي حق امي وابوي انهم درسوني وسقت وانا عندهم لوووول والله لا طلع وخلاج دقيتي سيارتج سلف ورحتي ولا منته خخخخ :rerrerek::rerrerek:

 

[noynoy]

مادري احس الريل مو سايق يودي و ييب مرته كل مكان
يعني بحدود المعقول
لازم تسوقين و تعتمدين عى نفسج
حدي مستغربه من موضوعج

 

[فوفو22]

اذا تبين الوناسه والقعده على المزاج

روحي بروحج او بواسطة اي احد الا الزوج

لان الزوج دايما يتقيد بموعد معين مما يسبب لج ازعاج

قالحل بيدج وباختيارج

فوفو

 

[زوجة عزيز]

رد : زوجي والزوارات ...؟!!

الله يعينج نفس زوج خالتي مايوديها مكان كله احنا انوديها معانا مسكينه الله يسخره لج ان شاء الله