زوجي والسفر

[روح المطر*]

السسلام عليكم
يسعد مسااااء الكل
نزلت موضوعي هذا ووابي منكم استشارات وبشوف أراء غيري ...


أبي أسافر :eh_s(2):
هذا حلمي من يوم انخطبت وكنت احاول في خطيبي بس كان متردد ومرات يقول ماعندي ميزانيه وفعلا بعد الزواج ماسافرت ...

وصرت اسمع فلانه سافرت وفلانه سافرت
واحس بغصه بقلبي ويشهد الله اني اغبطهم ولا عمري حسدت وحده منهن .

ألحين ياربي لك الحمد والمنه
رزقت بوظيفه الله يباركلي فيها وفي رزقها ..
ولي اكثر من شهر أشاور نفسي
هل أسفر نفسي واحقق امنيتي وامتع نفسي وأدلعها
علما لو سافرت امكانات زوجي ماتسمح يعني بتكفل انا بالسفريه من والى ويمكن يساهم بشي بسيط جدا جدا جدا ...

استشرت اخواتي قالوا لو تشوفينه يستاهل هو سسسافري
وصراحه احيانا اقول يستاهل واحيانا مشاكل بيينا واقول لا والله اروح أمتعه على حسابي
علما أحيانا يدينه ماسكه شوي ومايعطيني ويقول عندك راتبك

واحيانا اقووووول بسافر وافلها بستفيد من راتبي دام اني توي ماعندي التزامات وصرفيات

أبي مشورتكم تكفون :eh_s(2):​

 

[فوولي]

نص االتكاليف عليج ونصه عليه

لا تسفرينه ع حساااااااااااااااااااااااااااااااااااااابج
اذا يستاهل دفعي النص بس

 

[روح المطر*]

مشكوره فووووولي
بس ميزانيييته ابد ماتسمح انه يدفع النص ابدااااااااااااااااااا

 

[iLLuMinaTion]

الله يعين

 

[سماء الاحساء]

النص بالنص افضل وشوفي انتي اذا يستأهل

 

[Patcholli]

اذا واثقه ومتأكده ان ريلج ماعنده حرام لاتظغطين عليه وتقدرين تسافرين ويا اهلج اذا متحسفه تسفرينه
وبالنسبه لي احكم عالريال اذا يستاهل او لا من ناحية كرمه معاي ومعاملته لي واسلوبه
اذا ريلي زين ليش لا
والمشاكل مو مقياس كلنا نمر بمشاكل هذا مو مقياس ان ريلج يستاهل او لا

 

[روح المطر*]

مشكورات حبيباتي
الله يسخر لكم ازواجكم

 

[روح المطر*]

ابي ردووود اكثر

محتاره كثير انا اقول دام ربي انعم علي اللهم لك الحمد ليش ماأمتع نفسي وأسافر
وسفرتي ويا أهلي عددهم كبير ومايرضون ابد يعني حل صعب

 

[زوجة عزيز]

وليش تسفرينه ليش ؟ سافري معا اهلج ابرك لج شوفي مواقفه وياج يقولج عندج راتبج مع انه المفروض مايقول هالكلام وشوفي باقي مواقفج معاه ولا اتعلمينه عليج

 

[اذوب بكلامه]

بصراحه ومن غير زعل
في حريم يحاسبون الزوج على الريال
وهي تفكر الف مره قبل
لا تحط في بيتها او على عيالها او حتى زوجها ريال
البخل ذابخهم
الحين اذا ماسافرتي وونستي نفسك وزوجك وش بتسوين بالفلوس ؟!! ترى مابتاخذين شي معاك القبر
زوجك من اول ماتزوجتي وهو يصرف والحين يوم توظفتي ماتبينه يتونس على حسابك !!

 

[روح المطر*]

أذوب بكلامه
ياقلبي انا أساعده وبعد وظيفتي ماصرت أطلبه ألا حقي وكسوتي بس
اموري الثانيه صرت انا أدفعها ووظعي ماشي تمام الحمدلله
وكذا كان مبدئي اذا ماونست نفسي ومتعتها اش بستفيد بفلووسي
بس اللي حوالي شوشروني من كلامهممم وصاروا يجيبولي قصص وسوالف من ناعمه الهاشمي وكلام كثير
يارب تسعدنا وترزقنااا

 

[يتيمة جابر العز]

شنو موقف ناعمه الهاشمي من الموضوع ؟؟

 

[قلب الزعابي]

عشان خاطر نفسي بسافر وبدلع نفسي وهو مجرد محرم بس وبكسب فيه اجر ههههه
طبعن اذا ماعنده فلوس او ما يستأهل هع
موفقه

 

[Mrs.H]

والله السفرة لج انتي.. وانتي اللي مشتهية تسافرين، باجر الله يرزقج بعيال ان شاءالله وحمل و ولادة وبتتحسفين انج ماسافرتي

وعموما السفر مو ضرورة على شان الريال يدفعها.. تعتبر من الكماليات،، لاتخلين كلام الناس يعمي قلبج ويخليج تطمعين بالفلوس واخرتها كلهم يسافرون وانتي قاعدة

 

[اميره1980]

عندي فكرة
ليش ما تجمعون كل شهر مبلغ انتي وياه و تسافرون سفرة سنعة ؟؟
اتفقي وياه شهريا انكم تجعون بالبيت و حطي صندوق او بالتجوري و حطي داخل التجوري ظرف و حطي فيه الفلوس و التزمو بالمبلغ شهريا و اعتبروه مثل قسط البنك

 

[الغضى]

حاولي هو يجمع شوي ويقط وياج
واذا ماقدر
روحي سافري وهو وياج محرم ومتعي نفسج
وغيري جو وخلي نفسيتج تغير وياه ,,,, عشان السفرة الجايه عليه يتحمس اكييييد

 

[شطانه طفله]

دفعي جزء واهوا جزء بس غللللللللللللللط تسافرين وتخلينه لاتفكرين تسوينها الريال مو مال تخلينه فتره بروحه يلعب لعب

 

[ناتشوو]

استخيري
مهما كان لا تتحسفين
لان هدفج تستانسين
عطيه خبر
خل يجمع من الحين كل شهرحتى لو تدفعين
انت اكثر منه
بس يتحمل المسؤولية معاج
ها جم تقدر تحط
علشان
نشوف الميزانية

 

[moatefa]

وعليكم السلام ورحمة الله

يعني انتى فى امكانية تسافري بدون زوجج ؟ والله لو صج ما صارت ... حريم اخر زمان

 

[زوجة حياتي]

حبيبتي الزواج تعاون مايخالف تسافرين معه على حسابج هذا ريلج مو احد غريب
روحي سافري معه واستانسووو
ربي يسعدج