زوجي والطلعات

[غيروك يا زمن]

الســلام عليكم

عمري 21 سنه ومتزوجه وعندي بنت عمرها شهرين ..
اعاني من نقطه معينه من زوجي ...
وهي الطلعات لبغيت اطلع اروح زياره او جمعه بنات او اهل مايرضى احيانا و
اذا رضى حدي ساعتين ..ساعتين ما تكفي ..خصوصا زياره جمعه الاهل مره كل اسبوعين
وانا ساكنه بالمنطقه اللي فيها اهلي واهله بمنطقه ثانيه..

ناقشته كثير ..كل يقول انا مالي احد بهالمنطقه طلعي معاي اقوله ابي اشوف ناس يقولي
طلعي معاي ...روحي عندج امج .وامي في نفس الحي تقريبا يوم وترك عندها ساعه تقريبا او ساعتين

احس مليت ...ابي اطلع اشوي اغير جو و اشتاق له شوي
احيانا اخلاقي معاه تصير زي الزفت مالي خلقه
​

 

[كليـ دلعـ]

ساحليه

حنني عليه بس موبهواش

حنني باسلوب حلووو

دقي كثر الدق يفج الالحااااام


الكلام الطيب اييب كل خير

 

[الأميرة جوري]

بتفاهم والاتفاق مو هواش كل شي ينحل

 

[cat^q8]

قوليله بنام عندهم يوم احسن من زيارة خاصه اذا مكانهم بعيد

وكل شي بالتفاهم لا تعقدين الامور

وطبيعي الريال اول سنتين زواج يصك عالمرة شوي

بعدين يفج عنها الله لا يقووول بس اقصد يخليها على راحتها بعد فترة اكثر

 

[فوفو22]

حبوبه بنتك ام شهرين بعد سنتين رح تغصبه على اطاله الوقت من ساعتين الى 6

صبري شوي

فوفو

 

[صديقت قوقل]

تذكري!!

الرجل لاسآحلتيه ,,,طفل,,
ولارآقيتيه ,,,جبل,,


وانتي وشطااارتج

 

[" ام حمود "]

حبيبتيء صبري شويء
كل شيء راح يتغير

 

[((غلاي))]

بالعكس زوجج يبيج بقربه
و انا اشوفها ميزه حلوه
طلعي انتي معاه دايم و اهلج زوريهم
و اذا زوجج طالع خليزورونج

 

[Rose-Qatar]

الله يعينج ادعي واستغفري

 

[توكلت على الله 22]

صبري وحني عليه

بهدووووء مو بصرااخ

 

[popa]

يغار عليج ويحبج شيسوي بعد

 

[الكويت&الكويت]

صبري مالج الا الصبر
ساعات الرجال يتنحون
احمدي ربج يخليج تروحين لامج وخواتج كل يومين
انا اول سنتين يقول تروحين لاهلج الساعه ست المغرب وتردين تسع
لا واصدمج
اهلي جيرانا يعني بيني وبينهم طوفه بس
يعني لا يودي ولا يجيب
لدرجه مره صادفت مره اخوي بيت اهلي
وتوها جايه وتسولف معاي وصارت تسع وربع والاقي الاخ داق تلفون ويسفل انا ماقتلج تسعه ضبط انتي بالبيت؟؟!!
والله قمت وخليت مرت اخوي ولي يومج متفشله منها
الرجال لاتنح تنح مالج الا الصبر
واشغلي نفسج باشياء ثانيه*

 

[لمى الهاجري]

هو ما منعج قالج طلعي معاي تراحج محوظة

 

[مناير ...!]

طلعي معاه

 

[أعشقه]

المفروض تفرحين ياختي ان زوجك يبيك دايم معه ويبيك تطلعين معه
الله لا يغير عليكم

 

[fan fojy]

طلعي معاه تمشي غيري جو عقب ساحليه يوديج لاهلج يعني مره معاه مره عند اهلج
وانتي وشطارتج
باللسان الحلو المراه تكسب الرجال

 

[روحي_تحبكM]

ياحظج ياليت زوجي مثل زوجج
انا ريلي مقزرها طلعات واحن عليه اطلع معاه اويوديني مكان يتعذر
سبحانه الله كل واحد مشاكله تختلف

 

[إحساس شرقاوية]

والله نفس مشكلتي أنا أعاني من هالموضوع


يبيني 24 ساعه معاه عاد أنا في بعد كثرت نووووم

بالذات اذا بروح جمعه بنات خالتي والا أهلي أصير حلوه وينشب

 

[خطاابه]

شسالفه ..في وحده ريلها ما يخليها
تطلع برا البيت اكثر من ساعتين ...شمعنا ساعتين ؟
الله يعينج.. وقولي له انت تقعد بالديوانيه اكثر من 8 ساعات يوميا ..
يمكن يحس ان الوقت يمشي بسرعه بالسوالف

 

[مستحيل اخونك]

قوليله بنام عندهم يوم احسن من زيارة خاصه اذا مكانهم بعيد

وكل شي بالتفاهم لا تعقدين الامور

وطبيعي الريال اول سنتين زواج يصك عالمرة شوي

بعدين يفج عنها الله لا يقووول بس اقصد يخليها على راحتها بعد فترة اكثر

صح والله صادقه​