زوجي والفيس بوك

[كويتيه بنت قناص]

السلام عليكم..

بنات انا قبل جم شهر..دخل علي زوجي وقعد يسولف معاي ربعي مسجلين بالفيس بوك ومدري شنو

جان يقوم بو الشباب ويبطل ايميله ولا رساله جايتله من الفيس انه تو مسجل..جان اقوله وين قاعدين تدخله

قالي والله ما اعرفه بس شفت ربعي سجلوا فيه وقلت سجلوني معاكم..وقالي اشرحيلي اكثر هذا شنو..قلتله

مثل الشات طبعا انا بخرعه حيييل عشان لايدخله..وطبعا رفيجتي تقول انه اوصخ من الجات..المهم قالي خلاص

مايصير خاطرج الا طيب..مراح ادخله..انصدمت الحين الا بنت خالتي تقول زوجج يدخل اسمه موجود خليتها

تدخل عليه..كل اصدقائه صبيان..هو تكااانه بس انا خايفه الشيطان موجود..وخاصه انه هو الحين مسافر ..

شلوون اتعامل معاه اذا رجع اقوله؟؟؟؟؟؟

الانسان مايضمن نفسه..اليوم اصدقائه رياجيل باجر ممكن بنات

 

[كسر.قلبي.زماني.]

رد : زوجي والفيس بوك

الريال طول عمره جذي
مايتسنع

يقولج رح ابطل بس ما يبطل

 

[miss_q8ya]

انا مااشوف ان الفيس بوك في شي غلط ولا في وجه مقاااارنه بينه وبين الجاات

بس انتي الي حطيتي ابال ريلج ان موقع تعاارف

كا انا وريلي مسجلين في ومسوين قروب حق العاايله في

في العااااب وايد واغلب الي يدشونه وادمنو علي علي الالعاب الي في

فنهائياااا مافي اي شي يخوف منه ومافي احد الحين ماعنده اكاونت بالفيس بوك فخلي يصير من جدامج لايصير من وراج لا وسوي اكاونت ودشي معاا بعد

 

[njoom1]

رد : زوجي والفيس بوك

حبيبتي دام مسوي جدام عيونج وتشوفينه احسن ... من ان يكون من وراج
وانا مع مس كويتيه الحين الفيس بوك اغلب اللي يسجلون فيه عشان الالعاب

وانتي قلتيها الفرند عنده كلهم شباب خلاص لا تفكرين وايد وتعبين نفسج

 

[زهراء الركابي]

رد : زوجي والفيس بوك

خلي عينج علللللللليه لا تعطينه مجال

 

[m9r83a]

الفيس بوك غيير والجاات غييير
وفيه فرق وايد بينهم
وكل شي له ايجابيات وسلبياات والشخص اللي يستخدم الموقع اهوا بنفسه يقدر يخلي آكاونته بالفيس بوك ايجابي ويبتعد عن الغلط
وحتن لو ضاف بنات وياه كاصدقاء انا ماااشوف فيها شي
لان اهوا اللي يفرض نوع العلاقة بينه وبينهم
وعلى فكرة لو انتي تجربين تدشين الفيس بوك تلاقيين الشين والزين
حتى المطاوعه عندهم بروفايلات الحين وصفحات
الفيس بوك موقع عادي مثله مثل غيره

 

[ام-اسماء]

رد : زوجي والفيس بوك

ممممممم

 

[عيون القرناس]

رد : زوجي والفيس بوك

الله يهديه

 

[فاقده ابوهاااا]

رد : زوجي والفيس بوك

والله انا اقولج قطعي عرج وسيحي الدم والريال ما ينعطى ويه واذا قالج راح ادش الفيس بوك قوليله انا بعد يعني شوفي انا ريلي كان يدش النت واايد علشان البورصه وقمت انا ادش واحتر جان اقوله دام انت قاعد عالنت انا راح ادش واذا صكيت الكمبيوتر راح اصكه واتفقنا على هالشي يعني محد يسوي شي من ورا الثاني والربع اكبر خراب اليوم يدش الجات ويكلم ربعه باجر يكلم ربعهم وعقبه رفيجاتهم وبعدين ربج اعلم

 

[حجيه هيونه]

رد : زوجي والفيس بوك

لاتكبرينها براسه اهو شاف ربعه ويبي يدش معاهم

خليه اهو اخرته راح يمل منه

 

[Killer^Girl]

خلي الريال يتنفس شويه مع ربعه !
شفيه الفيس بوك
ترا حدج فاهمه غلط
مافيه شي
الي يبي خرابيط يدل مكانها بكل مكان موجوده مو بس بالفيس بوك

 

[DooLy88]

اي اول شي رياييل شوي شوي ياخذ عالوضع ويتعلم وتعجبه السالفة
شوي والا بنات عاد بعدين محد يقدر يوقفه لان تعود وعجبه الوضع وصار شي مقدس قولي له من الحين انج مفتحة باللبن وفاهمة كل شي وعارفة - وقولي له ان دخلت لي حساب ثاني معاك - بس قلت لك لاتدش خلاص لاتدش - ترضى اسوي شي انت موراضي عنه واسويه بالغصب؟ اكيد ماترضى بس انا اقدر اسويه - وموقاعدة اسويه احتراما لك - فاحترمني واترك عنك سوالف المراهقين

 

[Pearl Qatar]

امبييييه


لا والله بالعكس الفيس بوك مب وصخ ولاشي .. ومب نفس الشات

الحين مافي احد ماعندهـ فيس بوك .. هو مب نفس الشات يعني نفس المدونه .. تحطين صور ، تكتبين أشياء ، فيه العاب تلعبينها أون لاين وتكون مع الربع

وبعدين ريلج قالج ان عنده فيس بوك يعني ماكذب عليج ولاخش عليج

شوفي حبيبتي عادي ~ هو واثق فيج اكيد بيعطيج اليوز ماله ادشين منه


ترا عادي الفيس بوك حده سخيف ومافيه خطر


موفقه حبيبتي

 

[DooLy88]

احس اغلب اللي واقفين مع زوجج ويقولون عادي تلقينهم لان اهما مسجلين بالفيس بوك
ويمكن اهما وازواجهم بعد من جذي يجوفونه شي عادي

وايد قاعدين نقرا بالمنتدى عن مشاكل هالتيس بوك انا كان عندي وكنسلته وزوجي ماخليته يحب هالشغلات الحمدلله
مادري ليش الريال لما يدش النت مايصدق على الله ويسوي سوالفه << هالحجي من المنتدى تعلمته
والا اذا بيدش قعدي قعدة على راسه ويفضل انه مايدش - والربع اهما ساس الخراب

 

[blue diamond]

انا عندي أكاونت بالفيس بوك بس ناسيته لاني ما ادش كلش
بس مع هذا خلوا الرياييل يتنفسون شوي
والله حسستوا الرياييل انهم قاعدين بالسجن لا تروح هالمكان... لا تسوي جذي ... اقعد في البيت ... لا تشبك .... لا يكون عندك ايميل .... لا يكون عندك أكاونت بالفيس بوك

اشصاير بالدنيا خلوا عندكم ثقه برياييلكم حسستوا الرياييل ان الزواج عباره عن سجن وكبت للحريات
والله اللي يبي يخون يخون وما يهمه شي
والخيانه موجوده بكل مكان مو مقصوره على مكان واحد بس
وترا الكبت يولد الانفجاااااار

رايي لصاحبه الموضوع خلي ريلج يدش الفيس بوك عادي ويتكلم مع ربعه وبلعب ويسوي اللي يبي بس بنفس الوقت حسسيه انه انتي واثقه فيه ولا يخيب ظنج فيه

 

[chakletaA]

اووووووووووووووووووووووووووووووووه من غيره البنات
ياويلي مابي اغار عليه
اووووووووووووووووووووووووووووووووووووووووووووووووووف
نقطه ضعف الريال يحر المره وانا مابي اخلي اكبر همي زوجي
مثل ما انا عندي فيس بوك هم هوووووو
اتمنى اتمنى الشيطان والشك يوخرون عن دربي
لان اذا اجمعوا مافكه الا ميت

 

[عاشقة_الجمال]

الحمدلله ريلي ما يعرف لا فاس بوك ولا يوهو ولا سامنجر