زوجي وبنات النتدى

[dalo0o3ah_kw]

السلام عليكم

شخباركم بنات

زوجي مشارك في منتدى معروف واهو مميز فيه وبسبب هذا التميز كل يوم اشوف بنات يتحرشون على الخاص واهو يرد بشكل عادي ويسولف معاهم ويدري اني كل يوم ابطل الرسايل واقراها المشكلة ساعات احس ان اهو الي يفتح المجال للكلام والسوالف بس كنت بعرف هل اسكت يعني هذا شي طبيعي واطنش ولا اكلمه مع اني كلمته من قبل يقول كل شي قدامج قلت له يعني تتحداني وتبي تضايقني وبس كنت بعرف رايكم بالموضوع

​

​

 

[هذا مزاجي]

حبيبتي الرجال مامنهم امان انا كل شي زوجي يصارحني فيه
حتى لما بنت تخزه يقوللي ولما بنت تتصل عليه هم يقوللي
وكنت بيني وبين نفسي اقول ياحلاة زوجي مايخبي عني شي
بس اكتشفت انه خاين :eh_s(11):
يعني الرجال لما يشوف البنات يخزونه يستانس ويتمنى يكلمهم ويتعرف
لما اكون معاه يسوي روحه ثقيل بس من وراي الله اعلم
شقاعد يسوي :bbbiu:
مااقول الا حسبي الله ونعم الوكيل على كل زوج خاين وظالم لمرته .,
ديري بالج على زوجج يمكن يجيه رسايل بالمنتدى يمسحهم وانتي ماتدرين
الله يسخره لج بس والله الرجال مامنهم امان :eh_s(10):

 

[رواضي قطر]

الرجااااال ماله امااااااان والله حااولي تبعدين من المنتدى والشيطان شااطر ليحين مامات

 

[دلع انثه]

احس انه مصارحج وكل شي جدامج
بس خلج حذرة

 

[غلاتي غلا]

يمكن يكون علي نياته ويمكن يكون لا
الله اعلم

 

[انثى الكويت]

اهو عادي يشترك بالمنتدي
بس صارحيه قولي له اغار
انا اقولج الريال يخون صارت فيني يبينون انهم كلش وحلف وحالتهم حاله
واخرتها يخون يمكن ريلج ما يخون بس لا يروح بهذاك الدرب وكل شي يطوله

 

[BoxCouture]

غريبه ماودي اعلق بس ... يعني البنات بالمنتدى يدرون انه واحد ولا مشارك باسم بنت

 

[ابدا يالغالي مانساك]

حبيبتي زوجج ثقه والحمدلله
لاكن م و تحطي الثقه
اقولج شلوون
هو زين معترلفللج
وانتي عاد خليه مو كل شوي تشككيه بحاله
تراءهم مايحبون هالحركااات

انتي لاكنتي بتشوفي
شوفي وياه وسولفي
معاااه عن المنتدي

ولهيه بشي خليه يتررررركه
وان شالله يتركه خير شر
يارب ياكريم

 

[DooLy88]

يمكن يمسح من المسجات
اساسا قولي له انت ريال مو ياهل علشان تدش منتديات ومسجات خاصة
خله يدش ويكتب بتوقيعه ان مايبي مسجات خاصة
ويكتب بالتوقيع شي يدل على انه متزوج

وان ماوافق قولي له ماتسوي هالشي علشان زوجتك؟ واذا اهو على نياته مافي له عذر علشان مايوافق
اما اذا رفض واصر على رفضه اكيد السالفة فيها ان
خلج مفتحة حبيبتي
وبقول لج صج ترا الريال ماله امان
لين يبي يخون نسى العشرة والسنين والايام الحلوة وتضحيات زوجته

انا كاني اقول لج زوجي الحمممدلله والشكر ماله بسوالف البنات
همه السيارات والنوم
بس يبقى ريال
ماقول لج اشك فيه - لا اسم الله علي
بس على قولتهم مفتحة باللبن وحذرة

 

[مزاجي حب]

خلج منتبه له وحسسيه بهالشي خل ييخافج ويحسب لج حساب ...

 

[جيكره(و)تتغلى25]

هو زين يعترفلج

ويمكن يبي يعطيج الامان انه قايل لج كل شي

بس لو انا ماارضى سوالف مسجات ولا غيره شالضروره بالموضوع لا شغل ولا غيره كله خرابيط وحرام

خوفيه قوليله هد هالسوالف لا ربي يبليك بواحد يتسلط علينا بيخاف

 

[ورده الكرستال]

الله يعينج انا زوجي عنده منتدى ولا فكرت افتح رسايله


اشتري راحتي اهو من اني اعيش بهم

 

[a7la roro]

انا اقول الريال مامنهم اماااااااااااااااااااان
لكن ليش تجيبين لروحج وجع القلب خلي يولي
واخرتها بيمل ومره لج

 

[chakletaA]

ههههههههههههههههههههههههههههههههههههههههههههههههههههههههههههههههههههههههه انا من ضمن البنات
خاصهه اصار مزيون وشيخ المنتدى لازم القز فدييتهههه بس