زوجي وتليفون

[الله يرحمني]

بنات منبطه جبدي منغثه زوجي قهرني الاخ طلع يودي خواته السوق دقيت اساله اذا يبي فطور او بيفطر عند اهله لان مرات يفطر عندي ومرات لا ماقلت شي قلت تبي فطور قال بذمه هذا سؤال وسكر التليفون بوجهي ليش شنو الغلط الي قلته قهرني ماراح اطوفها له صج بط جبدي

 

[الله يرحمني]

استغفرالله واتوب اليه

 

[sona87]

هدي بالج يمكن يكون معصب من شي

اذا رجع البيت كلميه بكل هدوء وفهميه اللي سواه غلط

لاتكبرين السالفه يقلبي
علشانج وعلشان بيتج

 

[اه ع قلبي]

هدي اعصابج ودزي مسج له تستفسرين

 

[al-musk]

والله حاله .. مادري يعني هم اذا ردو بادب واخلاق وهدووء شنو راح ينقص من عمرهم

 

[queenbeeuty]

الله يصبرك حبيبتي الدنيا رمضان و العيد قرب طوفي و اشرحيلووو شنو قصدك و اللله يوفقك في حياتك و هنيكي مع زوجك

 

[فوفو22]

اذا بنحاسبهم على كل كلمه ونظره

ولا وحده بتقعد ببيتها

يا ماما استخدمي اسلوب التغافل

اقري عنه عجيب وتعيشين طول عمرج ريلاكس

فوفو

 

[موج-البحر]

ساليه عن السبب

يمكن على قولة البنات كان معصب وفهميه ان انتي مالج ذنب اذا عصب من شي

يحط الحرة فيج ​

 

[Model Look]

مثل ريلي

ذاك اليوم الساعه ٤ رايح الدوام قالي ابي سلطه حق الفطور قلت له الحين رد علي لا وصدقت عاادي جان خالتي تقولي الحين يبي !! وانا صدقته

عادي طوفي

شكثر اطوف انا

 

[ياغفور اغفر لي]

شوفي انا طبعي اذا قالي كلمة ع طول ابجي زعووووله حيل
واقول كلام ماله داعي واتضايق حيل لو كلمة عادية او تصرف صدر منه ع حسن نية

وبعدين صرت اغث روحي ويخرب يومي ع شنووو

طووووفي كثر ماتقدرين سوي نفسج مافهمتي

 

[قطوووة]

طاف لا تدققين

 

[Moe love]

هدي باااالج وتعوذي من الشيطاااان الريااااال صاااايم وكلهم جذي بسرعه يعصبوووون //// إذا كان يدخن وصاااايم سااامحيه لانه مااايتحمل من غير نوكتين

 

[kuwaitya_zoGaa]

تعوذى من ابليس انتي الحين شايشه

 

[ام اريج 22]

ايييييييييي لاطوفينها عادي لاجاء عطيه داك الكف اللي ينسيه اسمه هده مشكله تعرضينها لنا روحيله تفاهمي معاه وحليها ههههههههههههههه

 

[!الجادل الصعب!]

والله حركه تغث ..!
بس مآ يسوآ تهآوشون عشآنهآ ..
اذا محتره للدرجه هذي عآتبيه عليها لمآ يجي بهدوء ..
قولي كنت بتطمن عليك وبشوف بتفطر عندي او عندهم وبس

 

[دلع العتبان]

قلبه متروسه خخخخ

شكلج غيوره حيييل الله يعينج والله عبالي صايدته مع وحده شتسوين يؤ

الله يكون بعونج ​

 

[خالف تعرف]

لايتعود يصكره بويهج

 

[PuPa^^SWeeT]

الدنيا صيام و مودي خواته السوق


بالذمة يعني شنو الجنه اللي تتوقعينه فيها لوووووول


الرياييل مايحبون السوق و صايم بعد ؟؟؟؟ قنابل بيقط عليج


طوفي حبيبتي و سوي الفطور

 

[FeShinGoOo]

يتفلسف جدام خواته

اذا رد طنشيه ولاتفتحين الموضوع وحقريه ولاكلمه

بروحه راح ايي ويبررلج الي صار

 

[ربي سبحانك]

عادي لاتكبرين الموضوع حبيبتي