زوجي وعقدتي النفسيه

[خاتم ذهب]

السلام عليكم

بدخل بالموضوع علي طول لانه حدي حدي ضاااااااايقه وحاسه بدماااااااااااااااااااااااااار شامل
وابي وحده بنت خير تعطيني الحل وراح ادعيلها ليل نهاااااااااااااااااااااار


بنات صايره ماعندي ثقه بنفسي كلش خصوصا مع ريلي خنا اقولكم مواقف صارتلي مسببتلي ازمه نفسيه لا طلت معاه واشوف هل البنات اللي جسمها اينن لا بعد لابسه الضيج يحوشني احبااااط وبس ارقاب عين زوجي (حاله نفسيه) مع انه زوجي مايقلل من احترامي ويحبني ولا عمره جرحني او قالي انج متينه وانا ادري بس مشكله بنات حتي لو مايقول اكيد الريال يحب مرته جسمها يكون حلوو وبعدين كل ماطلعت معاه وشفت وحده جسمها حلوه علي بالي يطالعها حمدلله والشكر صج عقده نفسيه وازعل ويحوشني احباط واقوله كلام اللي اشوفه تطلع عينه ويقولي لو بطالع اصلامااخاف من احد اطالع بس انا مو جذي وانا من داخل مو مقتنعه بكلامه حتي لو يحلفلي
قاعده احس هل الايام مالي خلق صاير فيني بروود من ناحيته طبعا بسبه العقده اللي عندي شووروو عليه شنو الحل :bbbiu:

 

[خاتم ذهب]

بنات وزني 76 وابي وزني 55 شنو اسوي ابي اضعف علشان ترد ثقتي بنفسي

 

[sdoma]

حياتي شوفي انتي لازم تصير عندج اراده واكيد كل رجال بالعالم يبي زوجته تكون جسم وجمال وحتي المرا تمني ان يكون زوجه
جمال وجسم صح وانتي لاااااااااااااااااااااااااازم تهتمين بنفسج وتخلين عندج اراده ولاتتعب نفستج ولا شي بس سوي رجيم
والعبي رياضه وانشالله بتضعفين ولاتعقدين زوجج بعدين يزهق منج

 

[إستبرق]

لاتعقدين الريال وانتي بكلامج هذا يمكن راح تخلينه يفكر ويدقق فيج وبغيرج
اصلن لازم ماتحسسينه انج مو واثقه من شكلج
واذا هالدرجه متضايقه قوي نفسج وسوي رجيم
وربي يبعد عنكم الشر

 

[غيابك حلم]

حبيبتي ضروري تكون عندك ثقه بنفسك
وشوفي لك برنامج تخسيس أو أشتركي بنادي رياضي
اهم شي زوجك لا يحس بتوترك من هذا الموضوع
وبالتوفيق إن شاء الله

 

[أحلى عيون]

حبوبه انا كنت نفسج كنت نادرا اطلع مع زوجي ولله الحمد من نزلت تقريبا ٣٢ كيلووووو وانا مااخلي مكان ماطلع معاه تخيلي اماكن اقسم بالله اول مره اروحها معاه رحت وياه كافيهات مجمعات بكل مكان يقولي من تمشين معاي وانا خايف عليج واسمي عليج



مره كنا في رمضان بيت اهل زوجي واخوانه واهله صارلهم ٦ اشهر من بدايه رجيمي ماشافوني

وكان اذا خلصوا فطور نتجمع كلنا بالصاله نشرب شاي تدري شنو سوي منعني من الطلعه قالي خايف اخواني يحسدونج

اختي والله انا كنت اموت علي شي اسمه اكل وحلفت علي نفسي اني اسوي رجيم والتزم فيه ومااخربط تبارك الرحمن ٦ اشهر نزلت ٣٢ كيلو رحت عند عياده فوزيه العوضي وشريت جهاز جري في البيت ودخلت مع بنات المنتدي في قروبات



خلي عندج الاراده اهم شي واتركي عنج اليوم او باجر واستمري وانا كل مانزل وزني اسجد سجدة شكر لله




اي سؤال انا بالخدمه

 

[كويت الاناقه]

موفقه ياارب

 

[ملكة الغيد]

نفس معاناتي عاد انا اسمن منج و زني 80 يارب نحفنا بصحه و عافيه يارب تكون اجسامنا احلى من

"
"
"
"

ياااااااااااااااااااااااارب ​

 

[نوف كويتيه]

انشاء الله تقدرين تكونين للافضل يارب

دمتي بخير

 

[" ام حمود "]

شوفي يالغاليه .. انتي تقريبا نفسي فيني عقده نفسيه مو من زوجي زوجي كله يقولي يالبطه لما يقولي جذي والله انقهرر صج مااحب احد يقوليء جذي
وقررت اسوي رجيم لازم يكون عندح ارررررررادة قوووويه
لانه بدون اراده ماراح تضعفين والله ..
شوفي انا امتن منج لاني تونيء والده وزايده حييل مو شوويه
وزنيء كاان 106 احباااااااااااط لاتشوفيني كارهه نفسي والله المهم سويت رجيم اللي يحطونه بالمنتدى رجيم الاناناس والكيوووووووي والله والله هالعصير تدرين
شنو يضعف شكلج يبين انج ضعفاانه
سويت هالرجيم الاناناس والكيووي باسبوعين الحين وزنيء 97 و3جرامات
وساعتين رياضه بعد ..
طبقي هالنظام الرجيم راح تضعفين حييل حتى شكلج يبين
انا قاعده اكمل عليييه لما اوصل بالوزن اللي ابيييييه
موفقه ياقلبيء ..

 

[الفدنه]

اول شي بقولج الحل الريجيم والرياضه وبعدين المحافظه ع النتيجه
ووزنج معقول مو مصيييييبه يعني تقدرين بعون الله تنزلينه
ثاني شي بقولج شي وخليه ترجيه باذنج
ركزي معاي وتحمليني ابي مصلحتج
الرجال ممكن يحب وحده بطه وممكن يعيش العمر كله معاها
واشكثر عندنا امثله بالحياه والكويت متروسه حريم متان
بس مستحييييييييل ومن عاشر المستحيلات
الرجال يتحمل وحده ماعندها ثقه بنفسها وشكاكه ونكديه
حبيبتي ديري بالج على نفسج من افكارج
لانه بهالطريقه بالتفكير لمن تضعفين
بتدورين عيب ثاني بنفسج وتقطين اللوم عليه
وبتدشين دوامه مالها اخر
الرجال عمره ماخان مره عشان شكلها صدقيني
انتي قولي باضعف عشان نفسي وصحتي
وسوري ع القرقه

 

[خاتم ذهب]

مشكووووورين بنات حبيباتي علي النصايح
و يارب انزل الوزن الزايد اللي عندي وتتغير حياتي ادعولي الله يساعدني

 

[om mishaal]

احنا الحريم نطالع بعض ولو شفنا وحده جسمها جميل نطالعها بقوة
تبين الريال ما يطالع والله ما عندج سالفة يعني انتي تطالعين ونبينه يغمض عيونه؟
انحفي ونزلي وزنك بدون لا تراقبين زوجك خله يطالع مثل ما يبي دامه محترمج ومقدرج
الله يهداج بس

 

[راوية**]

الحمد لله انه بس وزنك هو سبب مشكلتك مو شي أكبر حبيبتي الحل بسيط دايت رياضه ثقه بالنفس عدم الاحباط واهم شي حبي نفسك كيف ما كانت بتكوني أجمل وحده وكوني دائمة الابتسام لانه بينعكس على نفسيتك وبالتالي وزنك وبشرتك وكل شي ،،،، وان شاء الله تكوني بنضره أجمل وحده في العالم ,,,,,,,,,,,,,

 

[حياة زوجي]

ماشاء الله عليكم
قريت الردود بصراحه يشجع الوحده يكون عندها اراده
ياحلو بناتنا هذول بنات الكويت عزيمه واراده واذا حطت براسها شى سوته
ماكو احلا من الرشاقه واللبس والرمضان على الابواب والقيمات والاكلات الدسمه
بنات عندكم شهرين حاولو تجتهدون وراكم العيد واستقبالات رمضان واللبس والسنع
وترا اللبس حلو على الجسم الرشيق يظهر اكثر
شدو حيلكم وشدو الحزام وللرشاقه سر :eh_s(15)::eh_s(15)::eh_s(15):

 

[فجر_الكويت]

ان شاء الله تضعفين بصحه وعافيه يارب

 

[خاتم ذهب]

بلشت رجيم راح يصيريلي اسبوع وراح استمر ماراح اخليه يطالع غيري

 

[جــــود]

لازم يكون عندج اراده وتسوين رجيم عشان انتي ترتاحين نفسيا

 

[التاجره الامينه]

نظمي اكلج بس

بدون رجيم لا تعبين روووحج وتحرقين اعصابج معاه

تنظيم الاكل وادخال الخضروات والفواكهه بنظامج الغذائي وتبتعدين عن النشويات البطاطس والخبز العيش

 

[ام مراوي]

الااااي حمستوني بسرعه انة بعد ابي اولد عالشان اسوي رجيم