زوجي وعوار الراس

[Anestazya]

مرحباا بنات



مشكلة زوجي انه يعاني من صداع بشكل فظيع منو يعرف حرمه تعالج بالاعشاب يعني تحط له صبخه مدري لبخه المهم تقيس راسه عشان يعرف

 

[حمام شاقني فنه]

يروح يفحص بالاول عشان تعرفون سبب الوجع الي براسه
موشرط يكون فري يمكن فيه شي ثاني

يمكن الشقييقه يكفيه شرها ان شالله ويمكن بدايه تسمم من شغله ويمكن داخل راسه برد ويمكن التهاب بالقنوات الداخليه بالاذن ترى بدايته رااس وبعدين يصير بالاذن

خل يفحص بالاول نصيحه




مااعرف حريم

رفع

 

[Anestazya]

شكراا حبيبتي انا اتوقع فيه شقيقه لان العوار صوب واحد بس هو مايبي الطبيب كلش

 

[نورهـ]

مرحبا
حبيبتي انا حالتي اللعن من زوجج انا من يومني صغيره وانا اعاني الشقيقه اللي هي عوار بجهه وحده ووجع بلااذن احيانا ووجع فضيع بالعين والشقيقه مالها علااج بس يقدر يمنعها ماتجيه بشغلاات يقدريسويها اللي هي الاابتعاد عن الشوكلااته بانواعها والكافيين والاا بتعاد عن السهر والاابتعاد عن الااكل كثير البهار هذي كلها سويتها وبدا يخف مني الصداع النصفي ,

يقولون لقو علاج باوروبا بس على مايوصلنا يبيله قروون :dddds:واتمنى اكون افدتج

 

[غنوة ستايل]

شوفي ياقلبي انا ريلي شبيه حاله ريلج
بس اهوا يجي معاه اشياء ثانيه ..
اول شي يبرد هوا ( سواء صيف او شتاء )
بعدين تنتفخ المعده و عوااار الراااااس و يقعد يومين ثلاث ما ياكل اكل . واذا اكل بس يرجع ـ عزج الله ـ
و يتم معاه اسبوع اثنين عواااار بالراس .. وحياتي كلها على الحاله هذه 3 سنواااات
اندور على علاج .. ما خلينا اخصائي معده .. وغيره لان الكل يقول ان السبب في عوار الراس المعده
وانا نفسي ادري ان المعده هي سبب عوااار الراس..
عشان جذي الحل الوحيد اللي لقيته ان اول ما بطنه يعوره وينتفخ معاااه و راسه يبدأ يعوره اعطيه دوا ( مسهل ) بس تكرمين يروح الحمام يوم وشوي تلاقينه تعدل وصار راسه زين ...
جربي الطريقه اذا كان ريلج مثل ريلي عوار راس مصاحب للبطن ..

 

[ضماي انت]

شوفي عوار الراس مو شرط من شقيقه
خاصه اذا سويتي فحوصات وماطلع فيج شي معناته تتجهين للقرآن
ساعات من القرين وساعات سحر وساعات لبس خاصه مثل الحالات اللي قلتوها
انا كان يصيدني صداااااااااع البندول ماينفع فيه ومعدتي تألمني ونتفخ بطني لدرجة ماقدر اتنفس واشيا ثانيه
وتعالجت بالقرآن وطلع الشي اللي ابطني وحمدالله
نصيحة دورو شخص موثوق في علاجه انه بالقرآن والاعشاب وتسبيح بذكر الله
بس لاحظوا ان في اوقات يكون الشخص طبيعي وفي وقت يعتفس مره وحده لان هالاشيا بعض ضعاف النفوس يسونها على حسب تحرك الافلاك ... وياااااااااارب يكون الشي طبي ماحب احد يذوق اللي ذقته
الله يشافيهم

 

[أم عبد العزيز]

اضم صوتي لضماي أنت .... يا جماعة ترى ما في أحسن من القرآن ... عليه بالمعوذتين والإخلاص
والحجامة والحجامة والحجامة ... ترى حتى لو كانت فيه عين أو سحر يبين .... والله يشفيه
وهذا ما يغني ان يروح الطبيب

 

[۩۩ الجـــــود ۩۩]

يقيس الظغط ويتاكد منه

الله يشفيه

 

[sweeta77]

حبيبتي سلامته
غالبا الرجال يحتاجون يتبرعون بالدم علشان يروح منهم عوار الراس
لان دمهم ما يتجدد مثل الحريم بالدوره الشهريه
خليه يروح يتبرع وما عليه الا العافيه

 

[♥ ســ Q8 ـــاره ♥ ..]

حبيبتي خطاه السوء بس توني اشوف بالتلفزيون ان الصداع غالبا مايكون مؤشر للجلطات

او امراض القلب


الله لايقوله ان شاء الله بس حطو بالكم


وشوفي ام بي سي الاخبار الساعه 9 يمكن تستفيدين

 

[حضن امى]

اخواتى انا نفس الحالة بصفه يوميا اروح الطبيب علشان الابرة
ولك الحمد والشكر لقيت العلاج لانى وصلت الى مرحلة انى انتحر بسبب الصداع اللى يجينى لدرجه الجنون يمكن اكثر
الحجااااااااااااااااااااااااااااااااااااااااااااااااااااااااااااااااااااااااااااااااااامه اخواتى انا كل 3شهور اروح احجم ولك الحمد احسن من اول بكثير انا مااقول ماعندى صداع بس خف عن اول اكثر من 80% وانا اسوى عند دكتورة رشا والله يابنات رحت وكلى خوف لانى جبااااااااااانه من الموس تصدقون تطلع منى الدم وتشرط كأنها تمسح عليج وصرت زبونتها وتقرا عليج قران كريم وهى تشتغل وتطلع الدم وتحسين بالنتيجه بعد يومين من الحجامه وفيه ناس بنفس اليوم وعندها رجال بالعياده بس ماسألتها اذا يسوى حجامه
عموما اخواتى ابى الدعاء بالفرج والضيفه اللى انا فيها لانى حيل مهمومه
تسوى الحجامه بالعياده ب 10 دنانير وفى البيت ب 20 دينار وموفقين وماتشوفون شر

 

[دلع شاعر]

الله يشفينا ويشفيه يارب ...

الصداع بالكبير والصغير .. وانا معاي من وانا صغيره ييعورني بجهه وحده على عيني .. واذا سهرت ولااا ومانمت عدل اتعب منه

يبيله راحه بال ونووووم .. وعسى ربي يصلح حالنا ويريح بالناا .. في مرهـ بالظهر تسوي صبخات والله واحد من جماعتنااا بموت من راسه واصبخت عليه وقايست راسه طلع عنده 8 صانتي واصبخته .. وسبحان الله الله ثم صبختهاا ان شاء الله بجرب صبختهاا .. والحجامه بعد حيييل يمدحونهااا ..

 

[حمرة الورد]

الله يشافيه

 

[سوالف اريج]

انا سويت عند وحده بحرينيه تجى من البحرين تقعد 3 ايام ويصير عندهااااااا زحمه ومرات تقعد اسبوع تسوى حجامه وتطلع الدم الفاسد

 

[غرايب]

نصيحتي لج خليه يسوي حجااااااااامه ويقرأ الأذكار

الحجامه نعمه ناااس وااجد مستهينين فيها

وخليه يعالج عند عطار أبو طلال بالأندلس لأن أبو طلال يعرف بهالسوالف ما شاء الله عليه الله يطوول بعمره

 

[غرشة عطر]

مايشوف شر
زوجي صداع يوميا لدرجه اذا جاه مايقدر يركع ويصلي تخيلي طلع ضغط مرتفع والحين ياكل حبوب الضغط ومرتاح الحمدلله

انا صداع قوي ولكن مع تنميل بالجسم والراس دشيت حالة ربع غيبوبه ودشيت المستشفي يوم وطلعت دربات طبعا موعارفين شفيني علي طول رحت لعياده دكتور شاطر شههههههق من نتيجه تحليلي نقص حاااااااااااااد بالحديد يعني انيميا ونقص حااااااد بالكالسيوم وفيتامين دال قال لي زين مادشيتي غيبوبه واشلون تحملتي انا مابي اتذكر شنو صار لي يعني كنت اتشهد وانا بالطريق للمستشفي حتي ولدي عمره 15 يبكي جدامي وعيوني طايره لي فوق وماحس فيهم الحين كورس حديد وفيتامينات وكالسيوم شهرين وراجع

تاكدوا من الضغط و من الحديد والكالسيوم يابنات ديروا بالكم

 

[الاخلاص]

نشكر عرضكم لتجاربكم
انا بعد زوجي معور قلبي راسه يعوررررره حيل

 

[حضن امى]

وانا بعد ادعولى رد على عوار راسى
احس شى يمشى فى قمة راسى مثل الدود
وانا الحين فى الفراش من التعب وموقادرة اتحمل وماادرى شنو اسوى

 

[Sara !]

اثاري الكل يعاني منه !!
انا ما ارتاح الا لمن اخذ ابره من المستوصف و زهقت من هالحاله !!

ودي اروح افحص بس ماعرف وين اروح بالضبط !! صارلي ٥ اسنين علا هالحاله او الحين راد علي ابقوه واحس ابعوار بالمعده مع ترجيع تقريبا نفس حالة ريلج

قوليلنا شيصير معاج و انا ان عرفت شي ان شا الله افيدج

والله يشافي الجميع

 

[المريوم]

هلااااااا حبيبتى اعرف استشاريه ممتازه اسمها هدير تسوى جلسه بس تهبل والله تجى البيت تاخد 20 جربيهااا تسوى بعد مساج السياتشو للتخلص من الاكتئاب والتوتر وعلاج بالطاقه والشفاء من الله رقمها 99290727 مصريه حبوبه ماشالله شاطره