زوجي ومرت حماي

[الشمعه اللمعه]

السلام عليكم
ياريت تفسرون لي هالحلم لانه حيرني وتعبني حيييل وماكنت افكر بشي قبل لا أنام وأنا مو حامل وحالتي الدينية الحمدالله زينه
حلمت اني قاعدة انا وخالتي ام زوجي وخوات زوجي وزوجة حماي في غرفة خالتي وكانت مرة حماي فاصخه حجابها وبعدها دخل زوجي الغرفه وسلم علي خواته بس ماأذكر اذا باسهم او لا بس اذكر انه سلم علي زوجة اخوه وباسها وباسته وكأن الوضع طبيعي ولا لبست حجابها ولا نزلت جم دراعتها لانها كانت رافعه جم دراعتها مع العلم بأنها بنت خالهم وانا لما شفت جذي انصدمت وماقدرت اتكلم بقولهم شلون او شنو فيه ماقدرت من صدمتي وقاعدة اقول انا ادري انها تزوجت اخوه واهو صغير عمرة 8 او9 سنين قصدي عن زوجي وتقريباً ربا مع عيالها بس هم هذا مايعطيه الحق انه يسلم عليها واهي شلون ترضي بجذي واهي الحاجه المصلية

وشكرا

 

[الشمعه اللمعه]

دلع العتبان ومفسرة الاحلام جزاكم الله خيير ابي تفسير الحلم شاغل بالي هالحلم

 

[مفسرة الاحلام]

ويه اختي وش شاغل بالك فيه !!

لا لا مو معقوله يعني متوقعه فى شي بين زوجك ومرت حماك !!

الله يهداك بس ويصلح بالك هذا منام منام مو صدق مو معناته انه بالواقع كذا


عموما ان صدقت الرؤيا هذا حمل لمرت حماك ببنت والعلم عند الله

 

[الشمعه اللمعه]

جزاج الله خير علي التفسير
انا اصلاً مستحيل اتوقع شي بين زوجي ومرة حماي لانه كبر عيالها بس في ضروف يمر فيها زوجي وخفت من تفسير الحلم ومرة حماي ولدها متزوج