زوجي ومصروف البيت

[فديتكم 77]

مرحبا

بنات انا عندي مشكله مع مصاريف
سالفه\\\\\ انا لما تزوجت كنت موظفه توني وشهاتي تبلوم
يعني معاشي ع قدي
زوجي مخلي معاش سايق علي
ومصاريفي شخصيه
ومصاريف المواجيب

والحين انا ابي خدامه تعبت من شغل بيت
شقتي كبيره وتعبت من تنظيفيها
قلته ابي خدامه
قالي معاشهااا عليج:rgewrg:

 

[مارشميلو..]

لا طبعا معاشها عليه لا تتنازلين مو حلوه يشيل ايده من كل شي شنو مهنته رجال بالاسم

 

[مناير ...!]

واهو شنو يدفع بالضبط؟؟؟

 

[بــــدره]

الله يعينج

 

[سارة ة]

اااااااااااااب

 

[shy rose]

اهو حاطتج قدام الامر الواقع
وترك كل شي من البداية عليج
لانه ماشاف رفض منك من البدايه
لكن ..
المفروض تحطين سياسه بميزانيه البيت ومصروفه شي هو يدفعه وشي انتي
ناقشيه وشوفي وش لك وش عليك ..

 

[Patcholli]

شنو السبب هل عنده مشاكل ماليه ..؟؟

 

[فديتكم 77]

مرحباا

سوري ماكملت موضوع
مدري شلون نزل موضوع
لانه امس انقطع نت


بنات انا صارلي سنه وخمس شهور
ماعندي عيال
هو عليه بس مصروف ماجلت بيت
وبس


بنات سوالي شلون اعوده يصرف
بغيت اسال موظفه زوجك يعطيك مصروف لج

 

[فديتكم 77]

هو كل يقول انه مديون
وعندي التزمات
انا ادري انه يجذب وعرف كم عنده
بس استحي اقوله انك جذاب


اذا زوجك كثير جذب
شلون الحل معاه

 

[د. فاطمة]

الله يهديه لج يارب

 

[ليان200]

حبيبتي قوي عينك يقوى بختك ترا انتي مو ملزومة تصرفين علية قولي ترا ادري ان عندك بس عيب تستغل طيبيتي وتفكر فكرة ماعندك جالسة تشمي علي وانا مادري ترا ادري ان عندك بس ماتبي وحاولي معة واذا مانفع سمعية هالكلام
وقولي بعد ترا قوامة الزوج تتحقق بشيئين المصرف وقوة البدن اذا انت ماقمت بهالحقين لاتلومني اذا ماقمت بباقي حقوقك ترا مالك قوامة علي الا لمن تسوي هالشي

 

[فديتكم 77]

الله بجزاكم خير
بس ماقلتولي شلون تعودينه ع صرف
اذا انتي موظفه كم يعطيج

 

[monikaaa]

اول شي انا طالبه فا ما عندي معاش غير مصروفي كل شهر منه و اعانة الجامعه بس مرات زوجي يسوي سوالف يبي ادفع من مصروفي حتى لو كنت معاه و انا عارفه قصده ان بيعودني انا ادفع مو بس اهوا بس انا ما حبيت هالحركه !!!

للعلم انا حيل مسرفه واحب اشتري بس اهوا مو بخيل بس حريص شوي و ينطرني انا اطلب منه ما يعطيني زياده من نفسه

فا نصيحتي لج تخلصي من هالمشكله دامج تعتبرين توج باديه حياتج الزوجيه

اذا اكو شي ناقص و حتى لو عندج فلوس لا تدفعين نطريه اهوا يدفع كله قوليله ما عندي

حطيلج حساب ثاني من وراه و خلي البنك يستقطعون من معاشج عشان اذا بيجيك يشوف ان

صج ما عندج ترا الرياييل ما ينعطون ويهه بسالفة الفلوس :rgewrg:

ترا اذا ماقدرتي تظبطين السالفه الحين والله بعد سنين حتى ماجلة البيت ماراح يشتريها

ديري بالج زعلي سوي اي شي بس لا تصرفين معاشج بس على البيت خاصة ان حريم نحب

نشتري اشياء حق نفسنا و نكشخ

الله يوفقج حبيبتي و يصلح زوجج يا رب :yaaaaaarb:

 

[جموووح الخيل]

انتي مشكلتج انج موظفه

صارت المشكله هذي مع اختي كان يجذب عليها زوجهاا يقول معاشي بس 800 وهو معاشه اكثر من الألف وكان يبخل عليها حييييل
وكانوا يحرشونه خواته وامه ان لاتصرف اهي وين اعانتها واختي مثل الاطرش بالزفه وكانت تقولها امي ترا معاشه الف وشي يجذب

واهي مصدقته !! فلما انصدم ابو زوجها اللي اهو خالي يقولها وين يروح معاش زوجج وفوق هذا يتسلف !! فالصدمه ان زوجة اخوه الكبسر فصفصت معاش زوجهاا لخالي واهي قاعده منصدمه فقالت امي شوف ترا مرت ولدك الكبير تعرف معاشه وزوجته ماتدري اهني انصدمت *زوجة الكبير

فإختي من القهررر والحره راحت وانفشته نفششش وعصبت عليه وكل هذا من القهر فقالت له احنا مو سالفة جواسيس تخش فلوسك عند امك انا مرتك انا اولا فيهم تصرف على ولاتصرف على غيري ليش تجذب على وزوجة اخوك الكبير تعرف معاشك وين يروح وانا مثل الأطرش بالزفه


وللعلم تررا بطاقة اختي مالت البنك عند امي قالت لاتطالبني فيها انا من قبل لا اتزوجك والبطاقه عند امي


يعني خلته يصرف عليها غصب


حبيبتي اذا زوجج يجذب عليج لاتسكتين يصرف عليج ويسلف عشانج ابرك من لايقط فلوسه على ناس غيرج

واذا بتحسسين الرجال انه متزوج اسحبي منه قد ماتقدرين خل يعرف شلون يتحمل المسؤوليه
باجر اذا الله رزقج عيال شبيسوي بيقول يالله انتي موظفه اصرفي عليهم


لا حبيبتي واجهي زوجج وقولي اني ادري عن كل شي وعن جذبك وانا زوجتك تصرف على اولئ من الغريب

ونصيحه شوفي وين يودي معاشه لاتصيرين غشيمه باجر يصرف على بنات مايستاهلون وانتي زوجته اللي لج الحق بمعاشه


والله يهديه لج ويرزقكم يارب *

 

[love love]

اذا صج ماعنده ويستاهل تساعدينه عادي تتساعدون حياه تعاون

ان ماعنده ولا يستاهل خل يدبر عمره

 

[*E.B.D.A.3*]

انا اقولج شنو فلسفة زوجج
اي شي انتي تبينه، انتي تحمليه !!
قاعد يمشيج على هالمبدأ !!!

 

[miss swan]

موبكيفه دامج تدرين جم عنده ويجذب نتفي ريشه
والخدامه عليه والسايق قوليله أنا مره ولي احتياجاتي الريال شمهنته
​

 

[قشطة بالعسل]

الله يهديه