مساء الخير
شلونكم بنات اخباركم
انا كنت مشتركه قبل بالمنتدى بس في ناس يعرفون نكي القديم وغيرته
والله متضايقه وحبيت افضفض لخواتي
صج مافي انسان مرتاح بهالدنيا لازم في شي يخرب الحياة الدنيا اذا الزوج زين تطلع الخاله واذا الخاله حبوبه وحليوه الزوج يطلع عيونج يالله انشاء بميزان حسناتنا
الله يسلمكم انا احب زوجي ومرتاحه معاه ومابي اخسره مهما كان الثمن واهو يحبني حيل ومو مقصر معاي كلش ويخاف علي ويحاتيني حيل ومايخلي شي بنفسي ومااذكر انه ضايقني
ومثل ما يحبني يحب امه حيل ومايزعلها كلش حتى لو يتضايق منها يشتكيلي منها ومن خواته وشلون اهما فضوليات ويتدخلون بحياتنه ودايما يقولي لا تقولين لهم اي شي عن حياتنا لان انا على نياتي وطبعي اسولف كل شي ودايما انادي اخته الصغيره تسهر عندي اذا نام والظاهر انها تنقل سوالفي واهما ما يعجبهم لان يقولي اذا شفته عندج طردتها ماابيها تدخل شقتي
ويتضايق شلون اهو يحب امه واهي ما تحب بناته وما تحبني ودايما تحب بنات بناتها وتتذكرهم دايما وكل ماراحت مكان تشتريلهم شي وتطرشه بيوتهم مع السايق وبناتي يطالعون بعيونهم
المهمممم
خالتي ماتحبني دم ضروسها انا
حاولت اكسبها ماعرفت شلوناشتريلها هدايا واذا سافرت احلى الصوغه وتدق تطلب مني شغلات شكثر اشتريهم ما انسى ولا شي واجيب لها هديه من عندي فوقهم
اذا صار عندها استقبال ارتز من العصر اقهوي واهلي بالحريم ودايما كاشخه ومشرفتها عكس حريم عيالها جنهم ضيوف وحتى بناتي اهي سمتهم مع ان زوجي مارضى وزعلت عليه ما تكلمه ودقيت عليها وسألته واهو لي يومكم هذا ما يدري وسميت بناتي عليها وعلى بنتها
هم انا لي خاطر اسمي بناتي اسامي حلوه بس ابي اكسبها الحمدلله انا زوجي كاسبته بس اهي كلش
واذا راحت العمره والا شي عزمت خواتها وحمواتها على بوفيه من حريم ومره قالتلي لا تعزمين حمواتي ,,,, اهما مو ذاك توها ردت علاقاتهم ببعض بعد ما كانت مقطوعه
لمن يقعد زوجي تمدح عنده بنات قرايبنا هذا الزين هذا الجمال وتفصل اجسامهم وكل شي تبط الجبد والا تمدحلج هالشاميات جدامه واهو يدري انا اتضايق ويقولي ميخالف تحمليها على شاني اهي مره كبيره امي شسوي بعد (اهي مو كبيره متشببه وتغاااار حيل)ودايما تقط نغزات علي بشكل مو طبيعي وتقولي فلان ما كان جذي انتي غيرتيه علينا اول كله قاعد عندنا ويودينا وين مانبي ويسفرنا
ولمن كنت حامل كل ماقعدت تقولي بنشوف اللي بطنج منو بيسيمه محد بيسميه غيري والحين انا حامل تقولي اذا جبتي بنت بنردها ما نبيها واذا ولد بسميه فلان على ابوها مو ابو زوجي ابوها اهي واسمه مو حلو شرايكم اسميه واكسبها والا اطنشها والله مايبين بعينها ولا حتى تمدحني بس تحلطم عند الناس مشوهه سمعتي
انا تعبت نفسيا منها
شلونكم بنات اخباركم
انا كنت مشتركه قبل بالمنتدى بس في ناس يعرفون نكي القديم وغيرته
والله متضايقه وحبيت افضفض لخواتي
صج مافي انسان مرتاح بهالدنيا لازم في شي يخرب الحياة الدنيا اذا الزوج زين تطلع الخاله واذا الخاله حبوبه وحليوه الزوج يطلع عيونج يالله انشاء بميزان حسناتنا
الله يسلمكم انا احب زوجي ومرتاحه معاه ومابي اخسره مهما كان الثمن واهو يحبني حيل ومو مقصر معاي كلش ويخاف علي ويحاتيني حيل ومايخلي شي بنفسي ومااذكر انه ضايقني
ومثل ما يحبني يحب امه حيل ومايزعلها كلش حتى لو يتضايق منها يشتكيلي منها ومن خواته وشلون اهما فضوليات ويتدخلون بحياتنه ودايما يقولي لا تقولين لهم اي شي عن حياتنا لان انا على نياتي وطبعي اسولف كل شي ودايما انادي اخته الصغيره تسهر عندي اذا نام والظاهر انها تنقل سوالفي واهما ما يعجبهم لان يقولي اذا شفته عندج طردتها ماابيها تدخل شقتي
ويتضايق شلون اهو يحب امه واهي ما تحب بناته وما تحبني ودايما تحب بنات بناتها وتتذكرهم دايما وكل ماراحت مكان تشتريلهم شي وتطرشه بيوتهم مع السايق وبناتي يطالعون بعيونهم
المهمممم
خالتي ماتحبني دم ضروسها انا
حاولت اكسبها ماعرفت شلوناشتريلها هدايا واذا سافرت احلى الصوغه وتدق تطلب مني شغلات شكثر اشتريهم ما انسى ولا شي واجيب لها هديه من عندي فوقهم
اذا صار عندها استقبال ارتز من العصر اقهوي واهلي بالحريم ودايما كاشخه ومشرفتها عكس حريم عيالها جنهم ضيوف وحتى بناتي اهي سمتهم مع ان زوجي مارضى وزعلت عليه ما تكلمه ودقيت عليها وسألته واهو لي يومكم هذا ما يدري وسميت بناتي عليها وعلى بنتها
هم انا لي خاطر اسمي بناتي اسامي حلوه بس ابي اكسبها الحمدلله انا زوجي كاسبته بس اهي كلش
واذا راحت العمره والا شي عزمت خواتها وحمواتها على بوفيه من حريم ومره قالتلي لا تعزمين حمواتي ,,,, اهما مو ذاك توها ردت علاقاتهم ببعض بعد ما كانت مقطوعه
لمن يقعد زوجي تمدح عنده بنات قرايبنا هذا الزين هذا الجمال وتفصل اجسامهم وكل شي تبط الجبد والا تمدحلج هالشاميات جدامه واهو يدري انا اتضايق ويقولي ميخالف تحمليها على شاني اهي مره كبيره امي شسوي بعد (اهي مو كبيره متشببه وتغاااار حيل)ودايما تقط نغزات علي بشكل مو طبيعي وتقولي فلان ما كان جذي انتي غيرتيه علينا اول كله قاعد عندنا ويودينا وين مانبي ويسفرنا
ولمن كنت حامل كل ماقعدت تقولي بنشوف اللي بطنج منو بيسيمه محد بيسميه غيري والحين انا حامل تقولي اذا جبتي بنت بنردها ما نبيها واذا ولد بسميه فلان على ابوها مو ابو زوجي ابوها اهي واسمه مو حلو شرايكم اسميه واكسبها والا اطنشها والله مايبين بعينها ولا حتى تمدحني بس تحلطم عند الناس مشوهه سمعتي
انا تعبت نفسيا منها
!
