زوجي يحب اختي

[msiii]

السلام عليكم بنات أنا اول مرة اشارك ودي لو ألقى ردود على مشكلتي :eh_s(16):أنا صارلي متزوجة تقريبا 7 سنين وكان زواجي بالطريقة التقليدية أم الزوج واخته جو عند بيتنا يخطبون شافونا احنا البنات ما كان احد متزوج منا وختاروني بين خواتي وما ابي اطول عليكم بعد ما تزوجنا من اول يوم زوجي يسألني عن خواتي ويتلزق ولما ابي اكلمهم بالتلفون يقول حطي سبكر وانا كنت غشيمة توني صغيرة 20 سنه واسمع كلامة بعدين سألته ليش انت تسأل عن خواتي وخاصة وحدة منهم قالي لأن اهلي مادحينها وايد

وبعدين قمت اضايق وازعل منه واروح بيت اهلي ودخلت اهلي ووقف عن هالطبع وفجأه من جم يوم واهو معاي في وضع الجماع قالي (ياحلاتكم) وزعلت منه وصارحته جان يعصب ويقول انتي ليش تعيدين المواضيع وجان يبدة يمد ايدة عليه


مادري شسوي فيدونيالله يخليكم:bbbiu:

 

[ام الدرر]

حبوبة ((ياحلاتكم ))
مو معناه ان يقصدج مع خواتج
قلتي نسى الموضوع وحليتو الاشكال
ليش تردين عليه
اسمحي لي بايدينج تنسينه وبيدينج تذكرينه
وادعي ربج دايما يهديه ويسخره لج​

 

[فلنتينو]

والله ماادري شقوولج الله يعيينج
والله يسخره لج

 

[om 7sony]

لا حبيبتي لا تحطين ببالج هالشي

صج غلط انه يسوي مثل هالحركات ( سبيكر وجذي)
بس يمكن كان طيش او مجرد يبي يحرج ويخليج تحسين بالغيره
ولو صج اهله مادحين اختج له جان خطبوها هي مو انتي
انا اتوقع الموضوع ما يسوى ولا اعتقد ريلج يحب اختج ولا شي
واذا كنتي بوضع خاص مع زوجج ممكن يقول اي شيي
بس عذا مو معناته انه صج ،،، وخاصه انه ما ذكر اسامي
صدقيني حبيبتي ،،، الموضوع ما يستاهل
انا ما اقولج مالج حق تحترين ،، بالعكس لج كل الحق ،، بالاول والاخير انتي زوجته ولج الحق يكون لج بروحج
بس طوفي حبيبتي ،،، لانه مثل ما قلت لج بهالاوقات الريال يقول اشياء بس ما تكون صج ،،،

 

[*E.B.D.A.3*]

هالعين الزايغه مشكله !!!
و زين ماسويتي يوم دخلتي اهلج هذيج المرة
فعلا تصرف يعجبني !
اقل مافيها درى انج مو هينه...

واهوه مد ايده عليج ؟؟؟؟
ما مد ايده عليج الا و ماعنده شي يقوله!!!!!!!!
حرفياااااااااا!!
مايلجأ للعنف الا المفلس!!

انا من شوري عليج ،،
انتي سويتي كل شي تقدرين تسوينه
زعل و زعلتي، اهل ودخلتيهم، ومصارحه وصارحتيه!!

الحين الموضوع لا تكبرينه وايد،،يعني اقل مافيها ماخانج!! ماسوى شي جايد الي ممكن يخليني اقول شدي معاه اكثر !!
انتي خلاص، اذا قال اي كلمه تتعلق بخواتج مستقبلا
طنشيييييييي جنج ماتسمعين
لان تصرفج هذا قاعد يزيد اصراره وقاعد يدخلها بباله اكثر واكثر
الي مد ايده عليج يوم قلتيله ليش تييب طاريها!!
يعني طاريها كان يسوى انه يطقج؟
فشفتي اشلون انتي دخلتيها اكثر بباله!

انسي هالسيره موليه،
وزعلتج الحين خليها على مدت ايده عليج،،

لا تكبرين الموضوع ولا تزيدين اعناده...
هدي هدي ، ميخالف غيرة المرة مو سهله !
لكن اذا خليته يصر اكثر واكثر، الغيره بتذبحج امية مرة ...

بعد ما اتراضون
حاولي تجذبين انتباهه باشياء يديده تسوينها
من صبغه شعر من لوك يديد ، من ستايل يديد باللبس وبقمصان النوم
يعني شي يشغل باله بصالحج..
شوفي شنو نقطه ضعفه بهالسوالف،، وسوي الي يعجبه ويشد انتباهه اكثر
هالفئة تدور الزين وين ماكان، فـ خلي الزين عندج والشين حولينج
لوووول

 

[ElN00R]

سكتي عن السالفه بعدين سوي نفسج في موضوع غير وقولي يغلطون بينج انتي وهيا نفس الصوت والستايل والجسم ومدحي نفسج وجمالج ترى الريال يصدق اللي انتي تروجينه عن نفسج يعني لو نفرض بعيد الشر انفصلتو تتوقعين يعني بيخطب اختج اكيد لاء
خلج واثقه ولا تبينين له تحسسج من الموضوع والله يرزق اختج ويصلح بينج وبينه لا توسوسين

 

[كايبه]

لا حول ولاقوة الابالله. قعدي معااااااة مرة ومرتين اسمعية وافهمية وقوليلة شنوووو انتي مقصرة معااااااهاااا تري والله الرجال جااااهل اذا اخذتي
بهدوء بدون عصبية بصرحة واختي الله يهديج انتي قلطانة ليش تخلينة يسمع سولفج مع خوااااتج قلط واهوووو رجاااال ورجاااال ماتشبع عينة الا التراااااب. راجعي نفسج وستخيرى ربج وقري سورة البقراء ان يهدي رجللج والله يسعدج ويهنيج ويبعد عنج الضيق والحزن

 

[نونو العصله]

يمكن مو قصده شي من اللي في بالج
ليش تذكرينه
بشطارتج نسيه
خليه تفكيره معاج
فاهمه علي

الله يسخركم لبعض
ويبعد عنكم عيال الحرام

 

[فوفو22]

الموضوع عادي

وخيالج كبّر الموضوع

واعطى العقل الباطني وهم ...وصدّق الوهم

الغلط يصارحج بهيك امور

وبالجنس الزوجه تتوقع كل شي بالفراش

واي تصرف وسلوك والفاظ من الزوج

(طول ما هي فقط فتره العمليه فقط)ليس فيها خطوره ابددا

موفقه

فوفو

 

[sosowaty]

ااااااب

 

[ياليتهم يشعرون]

شكو يحبها أنا ريلي قبل لا يأخذني كنت صغيره وااايد عليه كان يحب اختي الكبيرة وأختي زوجت واهو بعد عمر أخذني بس ما عمري فكرت هالتفكير خلاص مؤ كل شي نخلق منه مشكله

 

[msiii]

مشكورين بنات عالرد الحلو خاصة كويتية نشيطة

 

[حلاتي غير]

الله يهديه ويسخره لج يارب

 

[aloooya]

يتراوالج

 

[مضاويـ]

ملاااااااقه

 

[تبيني آرضى عليك]

الله يهديه ويسخره لج كما سخر العبد لسيده
حبيبتي البنااااااااات ماااقصروا
وعليج بصلاة الوتر وادعي ربج بسجودج اللهم ياذا الوجه الاكرم والاسم الاعظم والعطية الجزلى وسمي حاجتج

 

[دلوعة صلوح]

يمكن مو قصدة خواتج الانة بعض الرياييل يخورونها بالحجى وقت الشيسموونة.

 

[دلوعة أبوهآ]

يعينج ربي

 

[هذا مزاجي]

الله يسخره لج
ويشووفج ملكه ان شاءالله

 

[-_-Designer-_-]

حبيبتي مثل ما قالو البنات اكيد مو قصده يتهيألج لانه كنتي حاطه فبالج هالشي فأي شي بيقوله بتفكرين بهالشي الاحسن انج ما توسوسين ولا تخافين لان ماكو شي بطريقتج هذي راح يطفش منج لا سمح الله , و الله يوفقج و يسخره لج و ما يشووف غيرج