زوجي يزعلني ويزعل :( بليز ابغى حل غير التطنيييش

[vip_power]

سلام عليكم

بنات هذه المشكلة اشووف واجد من البنات يعانون منها وانا اولهم

يزعلني ولما اكلمه اقوله انت مرتاح يقولي اي وين المشكله ؟ تكلمي قولي شفيج

لما اتكلم له واقوله وين المشكلة اتوقع ان بيحس فيني ويراضيني او يبرر

ويطلع الاخ زعلااان وينتظرني انا اراضيه !!!

بالله شنوووووو الحل فيدونا اصحاب الخبره , لحد يقولي طنشي لاني لمتى بظل اطنش , انا ابي الشي يتغير والله تعبت :eh_s(2):

ابي نصايحكم

 

[همي رضى خالقي]

نفس طبع ريلي ودايما اليوم الي وراه ابلع موس واتقبل الموضوع جنه ماصار شي وساعات انا اقوم اراضيه

 

[بنت الثانوية]

نفس حالتي يزعلني وانا اراضيه بس احيانا احقر مو حقران الي ما سمع كلامه بس ابين اني متضايقه مالي خلق اتكلم

مثلا قاعده اطالع تلفزيون ويدخل الدار اروح المطبخ اروح اتسبح ,, يبي شي اسويله وانا ساكته ولا اقول شي بيطلع الله معاك من غير اضافات لا حافظك الله ولا بوسه ولا وين رايح

حتى مره كنت قاعده اشرب قهوه بالمطبخ يقول ترى اسلوبج معاي صاير خايس مادري شمسويلج انا وطلع وانا ساكته ولا علقت عالموضوع وقعدت اكمل قهوتي .. بعد جم يوم كان بيسافر قالي سوي جنطتي رحت اسويها .. جان ايي يقول يرضيج يصير فيني شي وانتي زعلانه علي .. 5 ثواني طاح الحطب هبال حدي

_____

بس هذي يبيلها قلب .. بس قبلها لازم تعرفين نوعية ريلج اذا تحسين انه من النوم الي بسرعه يطير من الايد ما ادري شلون اتصرف بالموضوع ,. انا ريلي وقت الي يتضايق كله يروح القهوه وخوي دايم معاه فأمان الوضع بإذن الله ههههههههههه

__________

 

[يا كويتنا]

انا طنااااش


واعطيه ريج بس على ادب ماقل ادبي كلش واحترمه بس اي اظافات نو نو

حتى ساعات يناديني وارد ويقولي جيبي شغله معينه اروح وارتبها ومثل كل مرة لكن وانا ساكته

لانه متعود علا شي وفقده


وبعد يعتمد عالموظوع اذا يسوى او لا


ساعات موظوع تافه اناقشه اما شي تشايد لا اسحب عليه ليمن يكلمني ويقولي شفيج

 

[حنطاااويه]

نفس الحاله ولا ينزل نفسه ويعتذر كله اهو مافي مثله وانا لازم احمد ربي على الكنززز الي عندي
يبيلهم قلب مايتعب

 

[Patcholli]

يعتمد على طبيعة ريلج شنو ..

انا ريلي نفس ريلج بالظبط بس ريلي نوعه اذا راضيته اكبر بعينه
وفي رياييل العكس لما تراضينه يشوف نفسه ويدوس عالمره
انتي لازم تعرفين زوجج من اي نوع اذا من النوع الاول مافيها شي انتي كري عقلج وراضيه وقصري الشر طبعا بالمواضيع التافهه والبسيطه طوفي كثر ماتقدرين بس اذا شي جايد اهني الوضع يختلف

 

[Um Tuki]

لان مايبي يراضيج يسوي روحه زعلان

طنشيه بعدين يتعود عاللحركة هذي

لين جافج اتطنشينه بعرف ان زعل مازعل مايفرق
الااذا كنتي ماتقدرين اتطنشينه روحي راضيه وتحملي بعدين

 

[مذهلة2013]

الله يعييينج

انا ريلي لا يحب انا اراضيه بس سبحان الله فيني عزه نفس ههههههههههه ماااراضيه لو شنووووو

بس ساعات اراضيه مع انه ودي اقوم وابوسه واراضيه بس الشيطان اعوذ بالله منه

قولي لريلج وقعدي وياه ناقشينه


ربي يسهل امرج

 

[زهراء*]

قلبي عادي ههههههههههههه ترا كل الرياييل جي

بعدين الحرمة الله خالقها أنها دايما أهي الي تبادر ..

فتحاملي على نفسج وراضيه منها تكبرين بعينة ومنها تاخدين بعد أجر شتبين أكثر ههههه

بس ترا الوضع جدا عادي كلنا نعاني منة ..

 

[lulu_q88]

واااي الله يعينج كلهم جذذذذذي

:/

 

[امـ خــزامـى]

قوووي قلبك خلي نفسك طويل



ماضيعنا الاالعجله والحراره


تبينه يراضيك تكتكي كلامك واثقلي لا تعطينه وجه
كلمه ورد غطاها بس
انشغلي عنه




وبالاخير بيطفش ويراضبك صدقيني


هو يدري انك ماتصبرين عنه وبتراضينه
فعشان كذا

مايراضيك ولابعد يقلب السالفه وهو اللي يزعل ًً





اثقلللللللي واركدددددددددي



وبيصير مثل ماتحبين

 

[~ بنت الهدى ~]

نفس الحاله

دايمااا يقول انا اقلب السالفه عليه

مع ان احيانا اهوا الغلطان و يقلبها علي

تو احنا فترة ملجه

مادري الحاله طبيعيه ولا لأ ههههههه ؟!

اريد حلا ً :d

 

[M!SS.LOBY]

الله يعينج
لا تشدين مره وحده حاولي وسط تراضينه اذا انتي غلطانه
واذا هو غلط لاوالله لا تتنازلين عن حقج عشان لا يتعود يغلط وانتي تسامحينه مع الايام تتطور هالحاله

 

[حيث الامارات]

ههههه طلعوا الرياييل كلهم شراة بعض

الله يعينح ويعينا يآربْ

وهو مثل ما قالن بعض الحريم كل وحدة وطبع ريلها

عيل أنا ريلي من اقل مشكلة يقول نحن ما نصلح لبعض اقوله زين ههههه وعقب كم يوم ينسى

الله يسخر لنا هالرياييل ويهديهم لنا ويهدينا لهم يآربْ

موفجة خير فديتج

 

[جوري الصالح]

:rerrerek::rerrerek:حــــبوبــة..

انتـــي لا تسـوين شئ يضـــايقه..................
كــــــوني انســانه فطــــنه وذكــــــيه وبـــــأذن الله
بيكـــــون هو ســـــمن عــلى عســــــل مـــــــعاج
ســــالفة الـــــــــــزعل هـــــو طـبع مـــن اطبـــاع الانســـــان

لازم تتكــــيفين وتتـــقألمين مـــعاه

 

[dreamY nono~]

نفس حالتي و انا اطنش وتكبرر السالفه
ي جماعه اذا لقيتو حل علموني (×_×)

 

[نُوف~]

ثآآآآني مرآآ ازعلي وو لآ سألج وش فيج
لآتردين قولي و لآ شي !!!!
مو ضروري تقولين له
بيني له بطريقة معينه انج زعلانه من شي بس مو تقولين
ذآ اول شي


ثآني شي آذا انتي ماتقدرين ماتقولين له
غيري اسلوبج !!
يمكن انتي اسلوبج يززززعللل
حاولي بدلع اول ب اسلوب ذوق تقولين وش الي مزعلج

والله يسخره لج ^^

​

 

[عاشقه رويشد]

الله يعينج

 

[حبيبه جاسم]

حقريه وطنشيه بتجوفينه مثل ....... يمشي ورآج صدقيني آحسن حل آلحقرآن وآلتطنيش ًً لكن لو آنتي غلطآنه لآزم تدوسين ع نفسج وترآضينه لان انتي آلغلطآنه ً آلله يهدي سركم يآربً

 

[حبي حبيبي]

كلنا بالهوى سوى��لما أزعل ينفس و يخليني اعتذر ليش زعلت -.-
ليش الرياييل مايحبون اللي يعاتبهم !!!!!!! :/