زوجي يزعل اذا نمت عند أهلي

[ما نسيتك..!]

السلام عليكم

آنا الحين حامل بالشهر الخامس و اتعب
احتاج ارتاح عند أهلي يومين ثلاث
بس المشكله عندي زوج اذا نمت عند أهلي يزعل و يطنقر .... شالحل ؟؟؟؟؟

 

[فاطمه..]

هلا اختي
يمكن أنتم لساتكم معاريس
شوي شوي وبعدين يتعود وهو اللي بيقول روحي نامي عند اهلك
الله يكون باالعون

 

[معبوجه]

خلاص لاتنامين عند اهلج وخل يقعد يجابلج وتنتهي السالفه

 

[Ēŋѕαnħ ツ]

تبين الصدق
من حقه يزعل
هو تزوج عشان زوجته تقابله تعيش معه
مو تروح لأهلها
راحة البنت في بيت زوجها صدقيني
أهتمي فيه و حافظي على بيتك و حياتك
بكره لا سمح الله يتعود على نومتك في بيت أهلك
و يلعبون بعقله بنات إبليس
إنتبهي أختي
الله يوفقك

 

[M!ss CoLoRz]

ولما تولدين بتروحين عند اهلج حروة الشهرين وتهدينه

يعني من احين قاعدة تعودينه انج تكونين بعيدة

كل النسوان يتعبون في حمالهم بس يتمون في بيوتهم .... ارتاحي في بيتج وعند زوجج ولي ولدتي روحي لأهلج

شي طبيعي يزعل!!!!! لو اهوه زكم وراح عند امه وهدج انتي شنو بيكون شعورج؟؟؟

لا تقولين انا حامل غير ... تعبي في بيتج وجدامه عشان يقدر ويساعد ويحس واهلج ما بيقصرون بيونج لعندج ويجابلونج

 

[حكآية قلب]

شدعوة يومين ثلاث


انا من تزوجت مانام الا اذا راح الدوام ونام هناك

بيتي احسن و مو على بالج ماوووودي انام امووووت ودي انام

بس الريال يبي خلاص

عااااديه السالفه

انتي شكلج بجر

باجر يمج بيبي ثاني ويحوس يمج و ببطنج بيبي وين بتنامين!؟؟؟

خلج ببيتج و سويلج جووو اشغلي نفس اقري كتب مفيده و طالعي برامج مفيده تونسي

وترتاحين

 

[لذه السكر]

المفروض تستانين ان يبيج يمه لو واحد ثاني مايهمه

دام هذي نوعيه ريلج خلج على طول معاه مالها داعي النومه ببيت الاهل

الا اذا تعبانه حييل الله لا يقوله نزيف او شي جايد

غيره قعدي بشقتج وقوليله ايبلج خدامه نص دوام لو مرتين بالاسبوع اذا ماعندج

ولاتطبخين خلي امج والا خالتج تطرش لكم او مطاعم

حلو الدلع بالحمل خصوصا عالبجر بس مو معناته تهدينه وتروحين عند اهلج خلج معاه خليه يشوفج ويشبع منج وانتي حامل تره هالمرحله حييل حلوه وانشالله بيتعلق فيج اكثر ويحس بمعاناتج

 

[مآيكبرني نك]

المفرؤض تستآنسين

لنه يفتقد وجؤدج

عشان جي لآ تعؤدينه ع البعد

انا نفاس وبجر وف بيتي وريلي عندي

^.*

 

[Tom ♥ Jerry]

بيت ريلج يعني بيتج
اكو مره ما تعرف ترتاح في بيتها ؟

لا تتحجيين بالحمل ترا كلنا تعبنا و حملنا ما رحنا بيت اهلنا و خلينا رياييلنا

و سلامتكم

 

[الجادل الخشف]

من تزوجت مارتاح الا بشقتي ماحب انام عند اهلي خلاص واهو بعد يفقدني اذا بعدت عنه تعود علي
بعدين ارتاحي ببيتج والخدامه تسويلج شغلج واهو خل يوكلج يدلعج تدلعي عليه خخخخ

 

[اهذريبك~]

بالعكس استانسي انه يبيج جنبه و لاتعودينة عالبعد شخصية زوجج اتوقع انها شخصيه الولد اللي يحتاج لزوجته و مايستغني عنها

 

[حبيبي مالكني]

دام ريلج يزعل
بس خلاص قعدي ببيتج
ادري الحمال تعب بس هاي حال الكل مو كل الحريم يهدون
بيوتهم وسبب تعب الحمال
ولا تنسين انتي بالنفاس بتخلينه وبتروحين بيت هلج
جابليه اللحين احسن لج

 

[Om_HoBi]

يا بختج بهالريل هههه
خل يزعل اهم شي راحتج دامج حامل المهم انتي ما تزعلين و خليه يتعود بعدين

او خل اهو معاج ينام ابيت اهلج اذا في مجال منها انتي ترتاحين و منها اهو معاج
الا اذا كان اهو سبب اللي مايخليج مرتاحه

 

[Om_HoBi]

يا بختج بهالريل هههه
خل يزعل اهم شي راحتج دامج حامل المهم انتي ما تزعلين و خليه يتعود بعدين

او خل اهو معاج ينام ابيت اهلج اذا في مجال منها انتي ترتاحين و منها اهو معاج
الا اذا كان اهو سبب اللي مايخليج مرتاحه

 

[Jana123]

دامه موراضي لاتنامين وترتاحين من شنو نصييييحه لاتهدين بيتج مهما كانت ظروفج والله نصيييحه باجر تندميين

 

[شادن33]

لا تعودينه ع النوم بيت الأهل

ولان توكم متزوجين الطبيعي يحتاجج الله يعينج حبيبتي

 

[دلال الكويت q8]

شدعوه يومين ثلاث يزعل!!!
انتي تعباااانه اهم شي نفسج ..خلاص يعني علابو بدور رضاه ما نام فبيت اهلي كلش

الواحد ترى يشتاق احيانا لاهله ويشتاق يسهر مع خواته وهم الرياجيل على مزاجهم
هم عادي احيانا يتاخرون بالدوانيه مايفكرون اذا هالشي يضايق المرة او لا

 

[دلال الكويت q8]

وبعدين اذا الرجال حاط فباله بيخون راح يخون حتى لو كنتي يمه انا اصللا كل خميس انام عند اهلي وارد الجمعه حتى هو يكون مشتاقلي

 

[فتاة الكوخ]

الله يصلح بينكم

 

[زين ودلال]

من حقه هالشي