زوجي يستحي مني

[ساااارونه]

السلام عليكم

اخباركم حبوبات

انا سالفتي سالفه مع هالرجال

متزوجه الشهر الجاي اكمل سنتين وفي رمضان اكمل سنه وانا في بيت اهلي يعني باختصار جلست سنه عند زوجي وسنه عند اهلي والسبب ظروف حملي وولادتي اظطريت اقعد عند اهلي



يعني صار لي سنه كامله ماصار شي بيني وبينه والد لي 4 شهور ونص سكت في البدايه بس لما طولت السالفه سالته شفيك علي في شي فيني مو عاجبك انا صج جسمي تغير بعد الولاده ومتنت بس الحين رديت وزني الحين جسمي حلو بس صدري طاح وبطني تشوه من الحمل عادي كل الحريم جذي المهم سالته تدرون شرد علي يقولي صرت استحي منك يووو شسوي شلون يعني تستحي مني غير السالفه ياناس فيني حره ليش زوجي مايبيني لاتقولون لي تقربي منه تقربت منه ويصدني والله يدفني بيده الرجال صار مايبيني والعذر اقبح من الذنب صرت استحي :eh_s(16):

شسوي من جد نفسيتي تعبت انتوا فاهمين علي ......................؟؟

ساعدوني شسوي معاه :bbbiu:

 

[قلبهـ 86]

الله يعينج ،،،

 

[بنوته رومانيا]

الله يعينك حبيبتي الغاليه

 

[M!sS.mar8adosh]

شي غريب
الله يعينج

 

[فرحة قلبي]

قولي لة نرجع مخطوبين وخلية شوي شوي يتعود عليك مرة ثانية وانشاللةما يكون شي ثاني

 

[ساااارونه]

فرحة قلبي يعني شنو شي ثاني خوفتيني

تتوقعون الريال عافني خلاص ؟؟؟؟؟؟

 

[ضايعة بدنيتي]

لهالدرجة !!!!!!

معليش حبيبتي بالصبر والعقل الامور بترجع ان شاء الله لطبيعتها

لصقي فيه لصقة .. حسسيه بانوثتج من غير ما تبينين له انج قاصدة ... اهتمي فيه بزياااااااااااادة من كل النواحي ... ولا جيتي تنامين شرطي عليه و قولي له طلبتك بنام بحضنك لاني مشتاقه له حيل < طبعا بعتها بس بوصل لك شلون تقدرين تتقربين منه شوي شوي ولا تتنازلين عن هالشي وكلش كلش نامي وانتي ماسكة ايده ولاا تنسين الروايح السنعه الي ترد الروح .


اما بالنسبة لبطنج ف خلج شاطرة ولبسي كل الي يظهر مفاتنج ويخفي عيوبج

وهالله هالله بالكشخة جدامه والاهتمام الزايد وتحممملي تجيبين طاري الحيا جدامه تصرفي وكأن كلللللل شي طبيعي
خليه يقرب منج عاطفيا بالاول قبل يقرب جسديا وكل شي بالصبر والذكاء. وتوكلي على ربج ولا تخلين البنات يأثرون عليج بكلمه تشككج وتخلين ابليس يلعب براسج على اوهام

والحمدلله على سلامتج ويتربى البيبي بعزكم ان شاء الله

والله يوفقكم ويسخركم لبعض

 

[!..القبله..!]

الرجال ما يصد عن مرته جذي الا فيه شي او شايف له شوووفه

وممكن السنه اللي قعدتي فيها عند اهلج صارت عكسيه عليج

 

[ماني من الناس]

يعني هل اهو يتكلم بشكل جدي انه يستحي

ولا يجذب وقط هالكلمه بالغلط ؟؟؟؟؟؟؟؟؟؟؟

 

[الحلللوه]

الله يعين الجئي لله وربي وحده بيعينك واستغفري كثييير

 

[مناير البيت]

اصبري وتكشخي ومصير ه يرجع بقدرت رب العالمين وكثري دعا واستغفار

 

[تعبت اداري...~]

الله يكون بعونج ويسخره لج

 

[المصممة سيتا]

فى شى غلط ولازم تعرفينه واعتقد انج تعرفينه الله يعينج ويرده لج

 

[amoona89]

الله يكوون بعووونج

 

[Miss FaToOoma]

اذا مايبيج لا تبينه طلبي الطلاق

 

[عجزت افهمهم]

دووري الاسبااااب مو معقولة يصد بدون سبب واذاا لقيتيهااا عدلي وعدلي وبالنهاااية بيرد لش
بس اناا مستغربة كلمتة
الله يسخرة لش يارب وتربووون ولدكم ياكريم

 

[زينب العقيلة]

الله يساعدج

 

[كادي2011]

مآدري ما أبي اشككج بس أخاف مريض ؟!
تأكدي بس مو تسألينه تقولين انت مريض ومن هالحجي
لا حاولي تتأكدين بأي طريقه ثانيه
وكل مره أدرى بزوجها
لأن مستحيل حتى لو الريال عايف زوجته اهو بالنهاية ريال لا بد تتحرك مشاعره جدام اي مره فما بالك زوجته حلاله !!

 

[رواضي قطر]

الله يعينك الله يسخره لك ياارب

 

[دلع انثه]

غريبه حالتج لا اكيد اهو فيه شي اول مرة اسمع ان ريال يستحي امبييييييه