زوجي يصارحني بخاينته لي

[الريم اللعوب]

السلام عليكم ورحمه الله وبركاته
اشلونكم خووواتي
بدووون مقدمات ابي استشيركم
قسم بالله العضيم مووو جايني نووم من القهر الي فيني
اقولكم السالفه
الليله طلعنا انا وزوجي ورحت لزارا وكان الجو رايق وحنا اخر روقان الحمد لله
لاكن سبحان الله كأنها عييين وصابتنا حسبي الله ونعم الوكيل
تخيلوو بعد ماقضيت وتسوقت وكا ن زوجي ماسك بنتي وولدي ويلعب معهم عشان اخذ راحتي وشوي واجي عنده اتشاوره واخذ برأيه ورحنا عالكاشير وحاسبناا وطلعنا
اشوي نمر محل حلويات نأخذ حلا
وعقبها نتشاور ونمر مطعم نتعشئ وجلسنا والعيال يلعبون بالالعاب
وحنا طلبنا العشااااا
وهينااااا تجي المصييييييييبه اه والله مصيبه
قالي زوجي الليله صارلي موقف وبقولك فيه وترا انا اعمالك تعامل صديقه واخت والله
واحنا بزارا عاكست وحده بس موحب بوجهها لاكن عناد لزوجها قلت ايه قال والله بشوف الشوام والاجانب يغارون على زوجاتهم ولا بس الخليج قلتله بالله ممن جد قال ايه والله
انا اليوم قاري مقال انهم مايغاروو على حريهم والدليل انهم يطلعون بكل زينتهم وعبايات ضيقه وميكياج فقلت خلني اجرب واناضر لها
يقول والله كنت اناضر لها واناضر لزوجها بشوف رده فعله زوجها اشلوون يغار اولا قلتله وشنو شفت قال ولله كان وده يجي يرميني برصاص من عينه :eh_s(14): وحقد علي كثير قلتله بجد احمد انت كذا عقليتك معقوله قال ترى انتي صديقتي والله العضيم مابعاكسها والله العضيم حتى وجهها ماشفته ماشفت الا كرشتها المره حامل مسكينه تهاوشت معاه وقلتله انت ترضى احد يناضرني قال والله اذبحه قلت له انت متخلف وقسم بالله توقعت عقلك اكبر من كذا بكثير قالي لو لي نيه سيئه كان ماخبرتك كان خليت السالفه وماقلتلك
المهم تعشينا عشا الهم وردينا البيت يوم اوصل البيت يحضني ويتأسف ويقولي اسف وماقصدتها حقرته ولا عطيته وجه
الحيييين نام وناداني رفضت وتحججت اني مشغوله زعل ونام
بالله يابنات ساعدوني قسم بالله موقعه حسيت ان زوجي تافه مره ااااااه ياقلبي ويارب تهديه
المشكله العضمى انه راعي مسجد وصلاه وقانوون
الله المستعان

 

[الريم اللعوب]

ااااااااااااااب

 

[a7la_7b]

زوجج مايستحي على وجهه
سووري بس هذا الصج
الله يهديه

 

[*الناعمة*]

ماافهم وايد بأمووور الزوجية كوني للحين طموووشة

بس حركت زوجك ما عجبتني لو انا مكانك بسوي مثل ما انتي سويتي بطنشه

الين يعتذر ويحلف انه ما يعيدها

 

[حدى عنيده]

ماعليه طوفي حبيبتي هالمره وقوليله مره ثانيه ماراح اسكت الله يهديه لج

 

[انصاريه قمره]

شنوو بيسوي دراسه الاخ ولا باحث اجتماعي
شفيه زوجج مو طبيعي بس عادي طوفي الحمدالله انه صارحج ويقولولج المطقطق لا تخافين منه خافي من السكوتي تراا السكوتي لووتي

 

[أنسأنة غير]

تفاهمي معه ولا تخس ررينة صح حركتـة تقهر حيل بس تقربي منه وقوليله اوعدنيي واحلف ان هالحركات ماتسويها

والله يخليه لكك
ويخليك له

 

[ماني من الناس]

وهو شكووووووووووووووووووووووووووووو بالرجال غار على زوجته ولا ماغار


شنو مستفيد داخل بجيبه شي


المهم انج عرفتي الحين انه زوجج اوقات ما يحكم عقله ببعض الامور

اشتغلي على هالسالفه

 

[دلوعة صلوح]

زين انها اجنبية مو عربة والا كويتية .. بس زعلى على وى وخلى يوعدج انة مايعيدها.

 

[الريم اللعوب]

قلبي انتوووو انا قالبه بوووزي من امس
حضرت الغدا ونضفت بيتي وجا تغدينااا
وجا يسولف معي قلتله موفاضيه
قالي براحتك دام ماتبيني اسولف معك خلاص
وراح نام
اش رايكم بيقوم عالمغرب ويش اسوي اخلي اسلوبي نفسه
بس الله يهديه هوومستحيل يعترف بالغلط
والرجل وزوجته مصريين اعتقد

 

[توتا حمرا]

جوفي انتي أكيد مستغربة شلون يسوي جذي ويقولج
ياانه ندمان ومو قادر يسامح نفسه عشان جذي اعترف لج
او يبي ايحطج بالصورة او يجوف ردة فعلج لوصارة هالامور الله لايقوله
اذا صحى من النوم سويله قهوة وتفاهمي معاه بهدوء وقوليله ان هالتصرف ماعجبج وانج تتمنين ان مايكرر هالموضوع لأنج ماتتوقعين منه هالاشياء
والله يهديه

 

[lady 33]

انا اشوف انه صراحة ماسوى شي كبير كبير ( هو سوا شي غلط صح بس نيته صافيه ) ولو نيتة مب صافيه ماكان قال لج اكيد ... حبيبتي خلي زوجك ياخذ راحتة معاك في الكلام ما تتحسسين وايد بس فهمية ان هاذا الشي ضايقك عشان ما يتعود .. يعني هو الحين عرف اهم يغارون قولي له خلاص نتيجة بحثك انهم يغارون ماله داعي تسوي دراسات ثانية ..


كل الي بتسوينة العصر لما يقوم انك تبتسمين وتشربين معاه المشروب الي يحبة بهدوء و الله يهدي سركم انشاء الله ترا والله العالم تصير لهم بلاوي و مشاكل بس المرة بطريقتها تلف السالفه وتخليها من صالحها تنكد على الرجال كم ساعة عشان يندم شوي بس بعدين تعود المياه لمجاريها

 

[انا لحبيبي .]

الله يهديه يارب العالمين ،

خلص مشي الامور ، لا تعملي مشكله على شي صاار

بكره ببطل يحكيلك بحجه انه ما بتتقبلي الحكي

ويمكن زوجك اصلا ما عمل هيييك من اساسه بس مجرد حكي بدو يحكيه

 

[Queenleo]

لوووول
زوجج فلته
تراه عالنيه قصري الشر ووسمعيه كلمتين
وقوليله العرض دين اذا مسيت عرض الناس ربك بيسلط عليك احد ياخذ هالدين من عرضك

 

[الريم اللعوب]

قسم بالله بجد خوات ربي مايحرمني منكم

 

[FDET NFSY]

اااااااااااااااب

 

[روح مغليهاM]

الله يكون بعووونك
بجد زوجك مو كفو قهرني حيييل
لاترضين وتمشينها له
لازم يعرف انك ماترضين هالتصرفات وغير كذا حرااااااااام
والله يسعدك ويسخره لك

 

[sosowaty]

خلاص دام تاسف وصارحج يعني معناتها صج مو قصده

و لا تفتحين عيونه

و لا تخلينه يندم يصارحج مرا ثانيه

و حرام ينام زوجج واهو زعلان عليج

 

[اصايل كويت]

حبوبه لو له نيه مو زينه جان ماقالج وزعل من امس للحين كفايه

 

[كـ غلا ــلي]

شكله قاعد يستخف دمه عليج ويبي يشوف ردج فعلج ما اعتقد انه في ريال بالدنيا يغامر ويغازل مره ولا جدام

زوجها بعد شكله يشلخ عليج انا اقول كبري عقلج وعطيه اكبر لانه لو يخون صج مستحيل يعترف على نفسه

لو موبس اعتبرج صديقه لو شنو يكون