زوجي يقلدني بكل شي@@ اللي تعرف تحلل بس تدخل plz

[مولاي الفرج]

ههههههههههههههههههه

بالعكس شي حلو

يشاركج بالاشياء اللي تحبينها

 

[Gatwa DaloO3a]

لووول ذكرتيني بزوجي .. يقلدني بطريقة كلامي .. ( يا خوفي يتحمس وينعم صوته هههه ) .. :d

وو مراات اذا رديت على موضوع نتكلم فيه وكان ردي منطقي ومقنع .. هو يتفلسف غصب يبي يطلع كلام يبين انه فاهم اكثر مني ،، (وهو ماعنده سالفه:d ) بعد عمري ههههه يكسر خاطري صرت اسكت عنه عشان يحس نفسه اقوى المخلوقات بالعالم هههه

و يووم الهنا والسعاده عنده اذا حس اني غبيه ومو فاهمه ( طبعا اسوي نفسي غبيه متعمده :d ) وينبسط وهو يشرح لي ويتكلم .. ههههه


والله مساكين خذوهم على قد عقلهم :d

 

[شيخة الحلوة]

بالعكس ام مريوووم هالشي حلو حييييل ليش تشوفيننه من ناحية سلبيه


الحين انتي اذا تحبين شخص مو تحبين تقلدينه ساعات
مثلا وانتي صغيرة مو تحبين تقلدين امج او خالتج بطريقتها والا شي
انا بنظري وتحليلي المتواضع>>>>فديت الاسلوووب

لا صج صج بنظري ان زوجج لان مستانس عليج ويحبج فا يحب يسوي كل شي انتي تسوينه وانه يشووف ان كل شي تسوينه حلو ومفيد وزين وما تسوين الشي الا وانتي داريه ان هالشي زين فا يسوي مثلج
شوفيها بناحية ايجابية والله يوفقج

وتذكري شي وااااحد بس
ان الشخص اذا حب شخص ثاني يحب يقلده او يسوي اشياء اهوا يسويها

 

[chatterbox]

انا اشوف الموضوع حلو
والحين انتي عرفتي السر اي شي تبينه يسويه روحي سويه قبله واهو راح يقلدج هههههه
ويمعودة اذا الموضوع بس تقليد يهووووون انشالله
والله يخليكم حق بعض انشالله

 

[coralia]

اب اب

 

[مناير ...!]

سأليه

 

[om-s3oodi]

لووووول

يا حليله ..

الرياييل غالبيتهم جي على فكرة !

ليش ؟ مادري !!

 

[pusy cat]

عادي مافيها شي

وسالفة الليزر هم عادي لان في رجاجيل يشيلون الشعر اللي بصدرهم او يحددون اللحيه بالليزر فعادي مو شي مقتصر عالحريم

ولا تنسون صيف الكويت مع الشعر يأذي ويعرق وحالته حاله فواجد يشيلون بليزر

الله يخليه لج انشالله انا اشوفه طبيعي واحسن من غيره

يمكن يكون اصغر اخوانه او في احد فوقه مقتدي فيه فمتعود على انه يقلدهم

انا عن نفسي اقلد خواتي بشغلات واجد حتا زوجي اقلده ساعات آخذ منهم الافكار الحلوه

 

[om MaRyooM]

مشكورين وايد



اتضحت الصورة

 

[خااالديه]

عاااااااااااااادي مشاركه وجدانيه

 

[بحر الرمال]

حبوبة بخبرج شيء ..

بعض الرجال ما يعرفون يخططون لحياتهم .. بمعنى ما عندهم حدس إختيار الأفضل

وهالنوع عادة يكونون مرتبطين بالشخص الأقرب .. مثلا .. في المراهقة يرتبطون بالربع .. تلاقينهم يقلدون ربعهم .. ويسوون مثل ربعهم ويلبسون مثل ربعهم


في البيت يقلدون الأخ الأقوى شخصية .. سواء كان أكبر أو أصغر ..

وفي الحياة الأسرية يقلدون الزوجة .. ومع الوقت يقلدون حتى طريقة كلامها

وهالنوع تلاقينهم يحاولون بكل قوة إثبات تفردهم وتميزهم وإنهم أصحاب الأولة مثل ما يقولون

بمعنى ...

هو شرى الايفون المرة الأولى مشيا مع الصرعة ..
حس إنه ما انسجم وياه + إنتي ما كان عندج .. ويمكن إنتي تكدرتي لأنه شراه .. فحس إن هالجهاز فاشل.. باعه

انتي شريتي أيفون .. ( طبيعي البنات يفهمون في الكنولوجيا وميزاتها أكثر من الشباب) .. حس إن فيه شيء مسلي .. غير جيه حس إن هالمرة ما بتتكدرين .. وطبعا حب يستوي مثلج .. (موب يقلدج لاحظي .. يتميز مثلج ) .. فشراه

مع ذلك تلاقينه يقول للجميع : شريته وما عجبني وبعته .. وعقب حسيت اني ممكن أتعلم عليه .. وشريته ! (يعني ما اييب طاريج موووول)


نفس الشيء الليزر .. حس إنه تجربة يديدة ومفيدة وحب هو يتميز فيها

والاي سي دي ال

وغيره وغيره


هالنوع من الازواج طيبين .. وعندهم حس تعلم .. ويحبون يطلعون على اهتمامات الزوجة (حتى لو ميك أب ) .. ما عندهم مشكلة يشترون لها أي شي أو يسألون عن أي شيء

بس لما حد يسأل هم يريدون يوضحون إنهم أصحاب المبادرة .. وإن الزوجة خذت بشورهم ,. وهالشيء يسبب يعض المشكلات ..

صراحة ردج مبين انج حيل مثقفه بموضوع العلاقات اول مره اقرا رد يلفت انتباهي لدرجه اني ارد (من الاغلبية الصامته) اختي ياليت تنزلين مواضيع عن انماط شخصيات الرجال

 

[اخاف اقول تتغلى]

مشكووورة

 

[بنوته كيكه]

عادي اصلن هذا من زود حبه لج انا اخوي يقلدني بكل شي اقوله ليش يقول علشان اخلي كل شي يذكرني فيج

 

[عاشقة هواك]

وناسه

 

[بربيره]

اشكثر فرق العمر بينج وبين زوجج ؟

 

[swanyway]

بالعكس هالنقطه لصالحج , الحين خذ الشهادة بيترقى بشغله ان شاء الله

يعني لبغيتيه يسوي شئ وهو رافض سوية اول وهو بيسوية

مثلا لمتن وانت نحفيه تشتركين بدايت ونادي عشان هو يشترك مثلا يعني
اشوف الموضوع عادي و مفيد لج اولا واخيرا

 

[amami al-kuwai]

صراحه حاولت استوعب الفكرة ماقدرت

يمكن واعليا بيحاول يتقرب منج اكثر وبيفهم شعورج او بيصير اكثر قرب منج ويمكن يسوي اكشن وتحدي

 

[شادن33]

انا اللي اعرفه ان اللي يقلد تكون ثقته مهزوزه لان مايعرف شسوي وشلون يتصرف ويخاف الناس ينتقدونه على شي سواه فيقلد الله يسخره لج

 

[ريم خانم]

نفس وحده اعرفها تقول حتى كريم اساس يحط واذا حنيت شعري يقول حنيني
زوجي مرات يسويها عادي احس معجب بشخصيتي ومايبين يخاف اتفوق عليه بشي

 

[حواء ناعمه]

في شغلات يكون اهوا موعارفهم فيتعلم منج عالاقل احسن من اللي يوقف بطريجج مايبيج تسوين لانه موفاهم هالشغلات

انتي مدحيه بشغلات يسويها ومن اختصاصه بيرضى عليج ويشجعج بعد


بصراحه عنوانج خوفني داشه بشويش على قولة اخواننا المصريين خفت تقولين يحط كريم اساس ولا مسكرا


ياششيخه وقعتي قلبي!1