زوجي يقول لي ياتافهه ..... وش الحل ؟

[سومه ال فارس]

سلام عليكم بنات

ادخل بالموضوع على طول :هذا موضوع لوحده من رفيجاتي وراح اقوله بلسانها :
انا متزوجه وعمري 24 سنه ودايما احب الضحك والفرفشه لدرجه اكون احيانا سخيفه حددددددي
واحيانا اضحك على اشياء ماتضحك والمشكله اذا كنت بيمعه وتقال سالفه واضحك اقوى شي واتفاجاء مااحد يضحك غيري وكلهم يطالعوني بنظرة استغراب !!!
ودايما زوجي يقول حلاة البنت بثقلها ورزانتها .
حاولت اكون ثقيله ورزينه بس مااقدر تعودت اكون هيك اضحك كثير لدرجه ان زوجي يعصب منى بالسبب ويطلع ويتركني بروحي بالبيت << قبل مايطلع لازم يقول سخيفة او مليغه واحيانا يقووول ياتافهه .
وانا مااحب اسمع هالكلام من زوجي خصوصا .. بس يجي يعتذر مني يقول طلع هالكلام غصب بس حاولي تعقلين .....
تكفون كيف اصير ثقيله ورزينه وعاااااااااااااااااقله بليززززز .... وشكرااا:eh_s(11):

 

[شادن33]

اقري بلاوي الناس وبتخف حالتج ههههه
يمكن اهي فاضيه ماكو شغل خليها اتثقف نفسها تقرا كتب

 

[((غلاي))]

يعني حاولي ماتضحكين على كل شي

 

[سوسانا عسل]

انا اشوف كلمة تافهه او مليقه ما تخلي الوحده تضحك شهر
يبا وين الكرامه والاحساس
هالشي ما يتعلمه الانسان هذا فطره فيه
الله يعينها على هالطبع,بس ترى اذا ما خلته بتطيح من عيون الجميع
خلها تطالع الحريم حولها وتتعلم
والله يكون بعونها

 

[ياليتهم يشعرون]

امبيه تذكرني بوحده من زميلاتي بالمدرسة لدرجه الكل ينفر منها لان تضحك ع أشياء سخيفه ولمن تعرفينها عدل تلاقين مشاكل الدنيا بداخلها بس تعطي عكس جذي انتي رفيجتها حاولي تفهمينها ان ضحتها مؤ حلوه عشان تتعقد وماتضحك وأتوقع لو ضحكتهاا حلوه جان الريال مانبطت جبده هههههه

 

[حب حب]

انتي السبب وجايبه الكلام هذا حق روحج شفيج تضحكين على اي شي الضحك بلا سبب من قله الادب حبيبتي تراها مقوله ومااقولها عليج بس اللي قاعد معاج يقول عنج جذي
حاولي لاتضحكين على كل شي
مره وحده كانت معانا كنت اكلم رفيجتي عن شي فيني قامت هي تضحك مع ان الموضوع كان مرض وهي ضحكت جرحتني وماتحملت وطلعت وقلت لها ياسخيفه شفيج وماكان قصدها بس نفس حالتج بس هي تكون تفاهه وسخافه والبنت لازم تكون ثقيله ورزينه ومع احترامي من حقه زوجج ثقلي شوي.,...... وبعدين ممكن الناس تنفر وتبعد عنج لانج بتصرفج تضايقيهم
موفقه

 

[فدوووو]

اب اب

 

[قـــــمرهم]

اوك انتي مثلا أذا قعدتي مع زوجج حطي ببالج انج تضحكين بس مو بشكل منفر ورددي بقلبج انج تكونين ثقيله وأذا تبين تطلعين وانتي تلبسي عشان تروحين كرري انج ما تضحكين على اتفه الاسباب وتكونين ثقيله

 

[So Sweet 88]

تقدر تغير من نفسها بس قولي لها : يبيلها محاوله واصرار
راقبي تصرفاتج حاولي تحاسبين نفسج أول باول
وحلاة المره بثقلها
يعني بصراخه انا ما احب الي يمصخونها بالضحك والغشمره لانه كل شي زاد عن حده انقلب ضده

 

[om-3azo-83z]

مع اللي فوقي !

 

[حب حب]

فدوو حبيبتي شلونج عساج بخير يالغلا
اشكر اهتمامج بس ابي اقولج مافي سحر مافي مس مافي عين مافي حسد الا مايروحون بسوره البقره وانا جربتها سوره البقره المانعه تمنع كل شي يارب يحفظج ويحفظنا من الشياطين والجن والعيون اتمنى كل اللي عنده مس او سحر يقرا سوره البقر ولله ولله نتائجها هائله وابي اقولكم شي اقتربوا من الله زايد ياحبيباتي لان المؤمن الصج ماتصيبه لا سحر ولا مس واذكار الصباح والمساء وصلاه الفجر بوقتها مافي احسن منها ولله تمنع كل شر والله يحفظ الجميع ومشكوره حبيبتي فدوووو فديتج على اهتمامج

 

[سفيره الكويت]

حاولي تكونين بالحديث مستمعه وتعلقين بالموضوع وان احتاج الموضوع لضحك ضحكي ولكن بشكل معقول مو انسدح بالارض وارافس

انتي محتاجه تعرفين انه هناك فروقات بين جلستج مع اهلج واهل ريلج وجلستج مع زوجج ورفيجاتج كل مكان يجب ان يكون اسلوب

حوارج مختلف حسب الشخصيات وتجاوبهم وياج ..!

 

[Gifts&Occaions]

مو حلو الواحد يضحك على اي شي .. خلي كل شي له معناته وقت الضحك ضحك وقت الجد جد

 

[نونا حلوه]

اول شي هذا طبعها وصعب الواحد يغير طبعه بسهوله الا اذا تعقد او كره الشي اللي فيه لان الطبع يغلب التطبع
وثانيا اتوقع السبب اللي يخلي زوجها والناس تتضايق طريقة الضحك والصوت
خل تخف شوي وراح تعود بروحها

 

[رقـة الاحسـآس]

تنتبه عالكلام اللي ينقال
لان مب كل شي ينضحك عليه
والكلمه اللي قالها سوري بس في محلها
يعني شو تبا تكون رده فعل الناس؟
الشي اللي يضحك تضحك فوقته و اللي ما يضحك ما يضحك
بالمنطق يعني

لازم ترص على عمرها
مب حلوه شكلها جذيه لا جدام الناس و لا جدام ريلها

 

[فديت غلاهم]

اضحكتي بحدووود مو كل شيء تضحكين عليه

 

[ya al3rosa]

يمكن فيها حزن من الداخل لان مرات انا اضحك بدون سبب وافصل بروحى لمن يكون داخلى حزن ومابى اقول حق احد ولمن تقعد بروحها ودها تبجى جذى يمكن حزينة من شغلة قوليلها انا مرات بس مو دايما لا
اما اذ دايما جذى دايما دايما لا لازم تحاول كثر ما تقدر انها ما تضحك عشان مايقون عنها خفيفة

 

[لمى الهاجري]

ولاشي اقري كتب خلج ساكته سولفي سوالف عادية بس اذا ضحك هو ضحك

 

[ديانا سبنسر]

مع البنات غلط الواحد يضخك على كل شي يوووه ذكرتيني بوحدة ياغثها تقول سالفة وتبينا نضحك عليها والسالفة سخفية وهي تضحك وانامليت وانا مبتسمة واجاملها وبقلبي اقووول يرحم والديج سكتي تراج اسخف من السخافة خل تقرا ردي وتشوف نظرة الناس لها واكييييد ماراح تحب ان الناس يقولون عليييها جذي

 

[أعشقه]

انا قبل كنت اضحك وكثيررر ومعروفه عند اهلي
بس بعدين حطيت كنترول ع تصرفاتي وضحكي مو الكل يتقبل هالشي
انا حتى بالمدرسه صارت لي مشاكل المعلمه تشرح ولو حصل غلط تلاقيني اضحك لين اقول امين تطلعني المعلمه من الفصل
ابوي اذا قام يهاوش اخواني او خواتي تلاقيني اتسدح ضحك مدري ليه كذا وابوي يهاوشني ووده يذبحني
بس الحين تزوجت وحتى اذا تزاعلت مع زوجي والله المفروض ازعل ومااكلمه انا وانا اتهاوش معه اضحك
واقوله ترى لا تفكر اني اضحك اني ر اضيه انا زعلانه بس انا كذا
بس اشوي اشوي ابتغلب ع هالشي