زولية الصالة

[ام شيخوه]

السلام عليكم


بنات اتمنى تساعدوني



عندي سجادة للصالة عجزت انظف فيها ومافي فايدة


مشكلتي عليها خيوط صغار او نقط بيض ماتروح اذا خميت السجادة بالمخمة او المكنسة للي ماتعرف المخمة


ابي طريقة اشيل فيها الخيوط اللي مو راضية تروح


وشكرا مقدما :eh_s(7):

 

[قطوة@@]

يمكن نوعيتها تسحب خيوط والماتيريال مالها مو ذاك الزود
حطي باركيه انظف ة احلي

 

[ام شيخوه]

والله قبل كان سيراميك بس انا حبيت افرش الشقة علشان اخاف على بناتي من البرد


بليز بنات اللي عندها حل تفيدني

 

[jojo493]

جيبي علبه الرشاش حقت الماء .. واخلطي فيها ماء وكمفرت او داوني .. الي هو . اهم شي منعم اقمشه
وبالليل رشي الزوليه كلللها بهالمنعم .. واذا جاء من بكرة اكنسيها

هي ينشب فيها الشعر والخيوط عشان فيها نسبة خشونة . اذا نعمت من الكمفرت بينشال منها الشعر بسهوله ان شاء الله

 

[Om Rose]

جربي المكنسه اليدويه وبليها بشويه ماي وكنسي راح يطلع انشالله الشعر وحنى بدون الماي راح يطلع انشالله
وهذا الشعر عادي يطلع من السجاد الجديد لكن بعد الكنسه الاولى يختفي

 

[ام شيخوه]

مشكورين وجزاكم الله خير

 

[!! دلوعته !!]

ااااااااااب

 

[روح نقيه..!]

جيبي سطل وصبي فيه مويه حار وشوي كمفرت وجيبي مكنسه زي حقت الحمام وافر كي الفرشه
وبعدها بساعه كنسيها


ان شاء الله اكون افدتك

 

[كوفي لاتية]

8
8
8

نفس الكلام وتري هالزولية نوعيتها متعبة
يعني كل شوي تنظيف يطلع الروح

 

[نور مغليها]

ﻓﻲ ﻣﺨﻤﻪ ﺑﺎﻟجمﻌﻴﻪ ﺗﻠﺎﻗﻴﻨﻬﺎ. ﺻﻐﻴﺮﻩ ﺣﻴﻞ ﺗﻤﺴﻜﻴﻨﻬﺎ ﺑﺎﻟﻴﺪ ﻓﻴﻬﺎ ﻧﻔﺲ ﺍلمﺮﺑﻊ ﺩﺍﺧﻠﻬﺎ ﻣﺸﻂﻴﻦ ﺻﻐﺎﺭ ﺣﻴﻞ ﺣﻠﻮﻩ ﻭﻣﺮﻳﺤﻪ ﺗﺸﻴﻞ ﺍﻟﺸﻐﻠﺎت ﺍﻟﺼﻐﻴﺮﻩ
ﻟﺎﺧﻠﺼﺘﻲ ﺗﺒﻂﻠﻴﻨﻬﺎ ﻭﺗﻜﺘﻴﻦ ﺍﻟﻲ ﻓﻴﻬﺎ ﺑﺰﺑﺎﻟﻪ .
ﺣﻠﻮ ﺍﻧﺞ ﺗﺮﺷﻴﻨﻬﺎ ﺑﻤﺎﻱ ﻭﺭﺩ ﺍﻭ ﺯﻳﺖ ﻋﻂﺮﻱ . ﺗﻨﻆﻴﻒ ﻭﺗﻌﻂﻴﺮ

ﺍﺗﻤﻨﻰ ﺍﺍﻛﻮﻥ ﺍﻋﺮﻑ اشرح

 

[نور مغليها]

في مخمه بالجمعيه تلاقينها. صغيره حيل تمسكينها باليد فيها نفس المربع داخلها مشطين صغار حيل حلوه ومريحه تشيل الشغلات الصغيره
لاخلصتي تبطلينها وتكتين الي فيها بزباله .
حلو انج ترشينها بماي ورد او زيت عطري . تنظيف وتعطير

اتمنى ااكون اعرف اشرح

 

[نور مغليها]

ﺳﻮﺭﻱ ﻃﻠﻊ ﺭﺩﻱ مرتين

 

[اميره1980]

انتي زوليتج نفس زوليتي تجمع خيوط
اكون توني خامتها و تتوسخ بسرعه

طريقتي بالتنظيف اول شي اخمها بمخمة بروش تشيل كل الخيوط و الشعر اللي فيها بعدين اخمها بالمكنسة