زوچي ولبسي .......؟!

[ريوومتي حياتي]

صبآح آلخير & مسآء آلخير 

بقولگم سآلفتي مع زوچي حدهآمضآيقتني طبعآ آلسالفه گلهآ إذآ طلعنآ مع بعض سوآ بآلديره آو برآ آلديره*
گــل مآنطلع مع بعض يقولي ألبسي چذي يعني لبس مغري وحطي مگيآچ >>> للعلم آنا منقبه

وألبسي ضيق ومن هآلسوالف وبآلبيت مآيقولي چذي يعني ألبسي وسوي بس إِذَا طلعنآ وآلحين يقولي آذا سآفرنا دوله آوروبيه *آلبسي لبس سبورت وآفتحي شعرج ومن هآللبس آلعآري وآذا رحنآ شآطئ آلبسي بكيني ويقولي عآدي نبي نستانس شوي وبعدين نتوب وآنا طبعآ رآفضه وكله يقولي آنتي مآتصلحين تضيقين آلخلق وچذي يبيني آفصخ أنا مآعندي مشكله آلبس بدله مستوره بس رآفضه أني آفصخ ...
لمآ رحنآ دبي لبسة بدله مستوره وشكلي حلو بس هو مومقتنع يبيني آفصخ ....
وآنآ گله أقوله حرآم عليگ آنت مافيگ غيره ماتضآيق لمآ يشوفني آحد لآبسه چذي هو حآط بآله آنه آلآجنبي عآدي يعني مورجآل ...


منو فيگم زوجهآ يقول لهآ چذي ...؟!
لمآ تطلعون آو تسآفرون يگون عنده آهم شي لبسچ ...؟!

 

[Emanii]

الله يعينج
بس هذا ماينفع كلش
شلون بيربي بناتج باجر !

 

[صحكة الايام]

اعتقد مافيه غيره

 

[قلب زوجي وولدي]

غريب زوجج

طبعا لا اللي يطلب جذي اعذريني ديوث

وين الغاريه

 

[غنآآآتي]

لا طاعة لمخلوق في معصية الخالق .. حلات الرجال بغيرته وخوفه على اهله زوجج الله يهديه والله يعينج خلج على كلامج ..

 

[مييريآ]

مثل ما قالو البنات ، وين خوفه من الله ووين الغيره ؟

اللي اعرفه البنات يشتكون ان ازواجهم ما يسمحون لهم يحطون ميك اب ولا ما يلبسون لبس فاضح وانتي العكس ،

حتى الناس المتحررين بالزواج ينقلبون ويغارون ، قوليله خاف ربك ، ما ادري ما اقتنعت ان في زوج خصوصا عندنا بالخليج يقول هالكلام

 

[شوق الوليف]

لا تسمعين كلامه ابد هذا مايخاف الله والي مايخاف الله خافي منه

 

[miss youyou]

الله يعينه ويهديه لان الصراحة ما عندي حل
بس عندي كم سؤال كم صار لكم متزوجين ؟ و هو كان جذي من أيام الملكة ولا بعد الزواج ؟ وشلون لبس خواته ؟؟​

 

[عطور خجل بنفسج]

لدينا عطور انثويه مغريه

السلام عليكم الي تبي عطور ومرشات بارخص اسعار وبدون اضافات كميائيه :eh_s(15): مالج الا عطور خجل البنفسج لكل اذواق المركز وناعم وبورود وفواكه ومسك وبخور وعود
اسماي العطور سحرني حلاها بورد ومسك يومي ناعم ب 5 ونص والاثنين 10
وعطر خجل البنفسج لاغراء وجاذيه مسائي لا ن مريح لاعصاب بزهر البنفسج ومسك ب5ونص والاثنين 10
وعطر غرام اطفال بفواكه ومسك وخلطات ب 6 ونص
وعطر رجالي وحيد لزوجج ا اخوج وابوج كويتي وافتخر ب5 ونص والاثنين 10 بمسك وعود وبخور وورود رجاليه وخلطات

المرشات
مرش بنت الديره مخلط يومي بورد وعود ومخلطات ومسك ب5 ونص والاثنين 10
مرش قهوه بهيل مركز جدا بعود وبخور ومسك وخلطات ب5 ونص والاثنين 10 ينصح به جدا
مرش ايفون 5 عدد محدود عصري بابي مميز ب 6ونص والاثنين 12

ضيفوني بانسغرام عشان الصور ومعلومات اكثر beautystore123
ولطلب وتساب مسج فيبر 60460050:eh_s(7):​

 

[عطور خجل بنفسج]

غيري ستايلج والوان اغراء احمر واصفر واسود وتيقر ومكياج كحل اسود برسم عربي واحمر شفاه واهم شي عقلج وقلبج وثقه بنفس

 

[mischocolat]

الله بهديه ان شاءالله وحاولي انج تنفذين طلباته بالبيت عشان عينه تشبع ويخف عليج
فيه رياييل يحبون يستعرضون حريمهم جدام الناس يحسون هذا فخر لهم .....ادعي بصلاتج الله يبعد عنه الشيطان ويهديه

 

[حلاوتي حلوه]

سالفتج ذكرتني بوحده خذت دكتور يدرس بامريكا اول ما تزوجوا راحوا امريكا و قالها قطي حجابج و لبسي بكيني
واقعدي مع ربعي و شربي معاهم و كان قذرررر


اعذريني بس زوجج مافيه غاريه و قبل لا تلبين طلباته تذكري ربج اهوا حسباله بنات ناس لعبه عنده يبي يفصخهم
قوليله يا تتسنع و تصير رجال تخاف ربك فيني يا تنهي العلاقه اللي بينا

باجر اذا جبتي بنات شنو يسوي فيهم هذا مو صاحي مكثر لحم خنزير شكله

 

[توتة UAE]

لا تسمعين كلامه خبريه عن عقاب اللي يكشف عورته
كل مرة يقولج تفصخي قوليله أخاف ربي ومابتفصخ حرام
نحن مسلمين بتعذب ف نار جهنم
لا طاعة لمخلوق في معصية الله، قوي علاقتج بربج
خليه يشوفج تصلين تقرين قران وشجعيه هو بعد
يتقرب من الله والبسي اللي يقولج عليه ف بيتج . .

ربي يوفقج

 

[زوجة عزيز]

حاولي تنصحينه وتاثرين عليه خوفيه من ربه والله يهديه واذا مافيه فايده ابد ولاتاب ولا رجع عن افعاله تركه اولى

 

[غآب نورك ~]

لا حول ولا قوة الا بالله !

ماقول الا الله يهديه والله يكون بعونج

 

[شطانه طفله]

الله يعينج والله يهديه

 

[ديووووومه]

استغفر الله ياربي
يقولك سوي بعدين نتوب
لو موتي وانتي مفصخه مافي احد بينفعج
اكثري من قيام الليل والاستغفار والصدقه

 

[ميريام فارسQ8]

شفييه هذا شكله يقلد الاجانب انتي مو رخيصه عشان تلبسين لبس فاضح جدام الله وخلقه يبي البسي له بالبيت مو برا البيت .... وشمعنى اذا بتطلعون قالج قطي النقاب والبسي جذي ولا جذي انا اللي اعرفه الزوج يقول لزوجته تتستر ماتتفصخ مافي الا انج تقعدين وياه وتصارحييييينه

 

[mrs.abk]

والله ريلج غريب .

قولي له ترا حتى الاجنبيات ما يتفصخون .. فيهم احترام لأجسامهم .. اللي يتفصخون هذيلا يعتبرونهم ( لوث) في المجتمعات الاجنبية

وبعدين منو قايل له في دبي يتفصخون عادي ؟؟؟ ما شاف بنات دبي الصدقيات ؟؟ الوحدة ما تعق عباتها ولا شيلتها أبدا .. تمشي بعباة وشيلة ..

 

[دانة_ دبي]

حبيبتي ادعي له بالهداية
و انصحيه دايما بطريقة حلوة قولي له حبيبي ما تغار علي ومن ها االكلام
و الله يهديه

و انتي بينج و بين نفسج شوفي لو هو كان معاج بها الطريقة من ايام الخطبة و كيف لبس اهله و خواته ؟
و حاولي تغيرنه بالنصيحة