زيت الزيتون والزنجبيل للتنحيف

[^^ROSE^^]

السلام عليكم

بنات منو جربت خلطه زيت الزيتون مع الزنجبيل حق التنحيف؟

انا قريتها بمنتدى وشريت اليوم زيت زيتون وزنجبيل وكاني قاعده اسوي الخلطه
بس بعرف منو جربتها ونفعت؟ لان اللي بالمنتدى هذاك كلهم قالوا ان صغرت قياساتهم وايد شوقوني

الطريقه هي تيبون بطل زيت زيتون وتحطونه بجدر وتحطون معاه زنجبيل مبشور انا حطيت وحده كامله الطويله بشرتها وحطيتها تخلونه يطبخ 10 دقايق وبعدين تصفونه وتردونه بالبطل وتدهنون منه كل يوم عالبطن والفخوذ و تسوون رياضه او تشتغلون بالبيت

البنيه اللي كاتبه تجربتها تقول بشهر ضعفت 6 مادري 5 سم
وقريت بمنتديات ثانيه ان نتايجها تبين بسرعه و وايد ضعفوا عليها
شرايكم تتبرعون وتسوونها معاي لووول

انا من اليوم ببدي بس خل اخذ قياساتي عشان اعرف شكثر نقصت

بس ابي متبرعات معاي لو سمحتوا

وشكرا لحسن تعاونكم معنا

 

[كيكه توفي]

رد : زيت الزيتون والزنجبيل للتنحيف

وعليكم السلام

لا والله ما جربت ادهن فيه انا الزنجبيل اشربه وصج يضعف واايد

 

[مييسم]

رد : زيت الزيتون والزنجبيل للتنحيف

السلام عليكم ورحمة الله

بصراحة الزنجبيل فظيع انا افرمة واحطه على بطني والف علية نايلون والبس شورت السونا والنتيجة مذهلة

اخيرا شفت ضلوعي هههههههههه

 

[LUXURY]

رد : زيت الزيتون والزنجبيل للتنحيف

السلام عليكم
والله انا من زمااااان مشوقتني تجارب البنات وتكيسلت وماسويتها
مع ان بثلاجتي كرتون زنجبيل شكلي بافتح مصنع خخخخخخ
جنج شوقتيني اسويه اليوم وابدي استخدمه :/
انا باتبرع اجربه ونشوف اشكثر يضعف
انا راضيه سانتيبن للعيد <<<<قويه مصدقه عمرها
نبشركم بالنتايج ان شاء الله

 

[^^ROSE^^]

رد : زيت الزيتون والزنجبيل للتنحيف

يالله على ايدكم جان زين يضعفني ويوخر كرشتي
انا مافيني الا كرشه باجي جسمي راضيه فيه
بس عيزت مو راضيه تتزحزح

خل ابدي فيه واقولكم النتايج ان شاء الله

 

[^^ROSE^^]

رد : زيت الزيتون والزنجبيل للتنحيف

هذي تجربة البنيه اللي استخدمتها

أخواتي الفراشات :

طبعا انا راح احكيلكم قصتي باختصار شديد
انا كان وزني كبير مرة وكانت السمنة في المؤخرة والارداف يعني من فوق نحيفة
بس من تحت . وكان جسمي غير متناسق ابدا ابدا
وطبعا لما انزل السوق لازم اشتري التنورة مقاس والبلوزة مقاس ثاني
وما كنت ابدا اقدر اشتري طقم كامل ( و طبعا الحمد لله على كل حال)
عانيت من كنت بنت الى بعد الزواج الى 8 سنوات من بعد الزواج
طبعا كنت اسوي رجيمات وما كان يضعف الا وجهي وجسمي من فوق
وطبعا من تحت ( محلّك سر) ولا سنتيميتر واحد
ولما قررت قرار نهائي (يا أنا يا هالمؤخرة والارداف والجنوب طبعا)
جلست ادوّر على طرق لازالتها في النت وكلهم كانو يركزن على الرياضة والحمية
طبعا كنت امشي عالسير تقريبا ساعة لكن برضو كان ما تنقص المؤخرة كثييير

الى ان وجدت الحل والحمد لله
وبكل أمانة هذا من اختراعي انا فما أعرف إذا هو اصلا موجود من زمان او في وحدة
كاتبته في منتديات اخرى
لأنه كانت قاعدتي لما سويت هالخلطة انه الجسم محتاج لشيء حار نوعا ما عشان يسخن الجسم
ويساعد على حرق الدهون بكل سهولة

وللعلم ترى هالخلطة ماهي حارة على جسمك ولا تحرق أبدا لكن تسخن الجسم من الداخل

أدري طوّلت عليكم لكن حابة اوضّحلكم معاناتي وكيف حليتها
وقبل كل شيء إرادة الله ثم الإرادة والإرادة فالإرادة

والخلطة هي :

قارورة زيت زيتون + زنجبيل طازج (وفي ناس يقولون عليه اخضر) بحجم 4 أصابع اليد مبشور أو مقطع صغار جدا
الطريقة :
تحضرين قدر مناسب وتضعين فيه الزيت والزنجبيل وتضعينه على النار (العين الصغيرة)
وفي البداية خلي النار عالية ولما يبدا الزيت بالغليان خففي النار جدا وخليه يطبخ لمدة 10
دقائق تقريبا أو الى ان تظهر رائحة الزنجبيل وبعدين طفّي النار وخليه يبرد وبعدين
صفيه في نفس قارورة الزيت واحتفظي فيه.
وطريقة الاستخدام :
كل يوم ادهني المناطق غير المرغوبة وانتظري تقريبا نص ساعة وبعدها على طول امشي على السير لمدة
نص ساعة أو أكثر على حسب رغبتك لكن أنا كنت ما أزيد عن النص ساعة
يوميا وكنت اخلّي الخميس والجمعة راحة عن الرياضة وعن الزيت
والله يا بنات اني في الشهر نقصت المؤخرة 6 سم والشهر اللي بعده 5 سم
بلا إبر الميزو بلا قرف
لكن لازم لازم تكثرين موية عشان تنزل الدهون عن طريق الفضلات
والله الحين ما اعاني ابدا من المؤخرة ولله الحمد لكن محافظة على اكلي وبعدت نهائيا عن المقلي
ولا احرم نفسي شيء الا المقلي فقط

وسلامتكم

ترى الكلام مو منقول ولا شيء من تجربتي فراشة حنونة*
بالتوفيق حبيباتي

 

[ii DareeN ii]

رد : زيت الزيتون والزنجبيل للتنحيف

ان شاء الله انا بعد بسويها وياكم واقولكم النتايج بس ودي اضيف عليها زبده الككاو او الشيا

 

[^^ROSE^^]

رد : زيت الزيتون والزنجبيل للتنحيف

انا ودي احط فكس بس خفت ناس يقولون يسوي برص وناس يقولون مو زين
الله يستر اليوم بفجر بعمري واقولكم

 

[االحياة حلوه]

رد : زيت الزيتون والزنجبيل للتنحيف

ان شاء الله انا بعد بسويها وياكم واقولكم النتايج بس ودي اضيف عليها زبده الككاو او الشيا

وناااااااااااااااااااااااسه خااااطري اتخاص من الكررررررررررش

 

[نجلابنت ابوها]

رد : زيت الزيتون والزنجبيل للتنحيف

وانا معكم ببدا عقدتني الكرش

 

[jojo Eyes]

رد : زيت الزيتون والزنجبيل للتنحيف

والله انا ماشيه عليه حاليا مع تخفيف و رياضه

بس اشربه ومفعوله روعه

 

[miss angel]

رد : زيت الزيتون والزنجبيل للتنحيف

عجيب الزنجبيل انصحكم فيه

 

[^^ROSE^^]

رد: رد : زيت الزيتون والزنجبيل للتنحيف

امس لهيت وما استخدمته بس رحت اليوم شريت حبوب بذرة الكتان بطحنهم واحطهم بالروب
وبتدهن بالخلطة والعب رياضه ان شاء الله واشوف يا انا يا الكرشه

 

[iCe*]

رد : رد: رد : زيت الزيتون والزنجبيل للتنحيف

انا انا وياكم ابي كرشتي لازقه بشوف ضلوعي انا اشوفهم لانسدحت وامسكهم بس وانا واقفه ماكوو ويااج ان شاءالله
انا عزمت بشربه وبستخدمه 2

 

[ii DareeN ii]

رد : زيت الزيتون والزنجبيل للتنحيف

اذا تبون تخفون الكرشه خففو مع الخلطه العيوش والخبز وتوابعهم :eh_s(7):

 

[بطوووووطه]

رد: رد : زيت الزيتون والزنجبيل للتنحيف

جاري التطبيق ويعطيج العافيه او ماتقصرين اوربي يخفف اشحيماتنا وخلينا رشقات قولو امييييييييييييييييييييييييييييييييييييييييييين يا بنات

 

[زهره الجلنار]

رد: رد : زيت الزيتون والزنجبيل للتنحيف

انا جربت خلطه الاخت حواء الكون
زنجبيل مع 3 قفاش خل التفاح نخلطهم بالخلاط وبعدين نخلط العصاره مع كريم جيلوسوليد الاحمر واحطه على جسمي اول ماارجع من الدوام واتحرك اشوي صارلي اسبوع احس اني ضعفانه حتى كرشتي خفت وازنودي بس اشوي مو وايد وانا بعد امخففه اكل مع الخلطه

راح اجرب بعد الخلطه اللي حاطتها زيادة الخير خيرين نبي نضعف

 

[^^ROSE^^]

رد: رد : زيت الزيتون والزنجبيل للتنحيف

الحين حطيتلي مطاره شاي اخضر وزنجبيل وبشوف النتيجه
الزنجبيل من الداخل والخارج لوووووووول

 

[(عروسة حبيبي)]

حبيبتي سويها والله عجيبه
آنه بعد المساج كل يوم أخلص جلسة المساج
وقبل النوم أحط هالخلطه وألف بنايلون وأنام ​

 

[حرم_طيار]

رد : زيت الزيتون والزنجبيل للتنحيف

انا ادهن بزيت الزنجبيل من الحواي

وقبل ما انام اشربه مع عصرة ليمون واشويه كمون