زيت كبد الحوت & الاوميغا 3

[حرم راشد الماجد]

بسم الله الرحمن الرحيم


انا سمعت واااااااااااااااااايد عن فوايد زيت كبد الحوت الي هو يحتوي على الاوميغا 3

ودي اجربه بس سمعت ان في انواع مغشوشه وهالشي قاله الدكتور المطوع وحط تجربه معينه


بس مو معقوله اشتري كل الانواع الي بالسوق واقعد اجرب على واحد واحد عشان اكتشف النوع الزين

فاللي استخدمت نوعيه زينه فادتها فعلا اكيد هي من النوعيه الجيده فياريت تفيدوني بنوعيتها وسعرها ووين احصلها



وشكراااااااااااااااااااا مقدما

 

[نور78]

رد : زيت كبد الحوت & الاوميغا 3

صباح الخير حروومه اشلونج عساج بخير
والله انا سمعت علي حبوب زيت كبد الحوت وانهاااا مفيده لتقويه الشعر فقلت بسال الدكتور اللي بالصيدليه وبشوف ماعتقد ان اللي يبيعونه بالصيدليات مغشوش

 

[&موناليزا&]

رد : زيت كبد الحوت & الاوميغا 3

عزيزتي رفع لعيوووووووووونج

 

[راعية الطويلة]

رد : زيت كبد الحوت & الاوميغا 3

هلا حرمرم:eh_s(9):

اشلونج حبيبتي:friends:

اخذيها على وصفة الطبيب

لأنها أنواع و شركات
و بالتوفيق




ملاحظة :

((مدري اشفيج حرمرم على صور العجز.. تشيلين صورة عجوز و تحطين جدتها....

ليش؟؟!!

شككتينا فيج ..

أخاف إنج عجوز و عامله حالك صبية)):sfg:​

 

[kit.kat]

حبوبه اذا تبين زيوت الاوميغا (3.6.9

اشربي عصير فاكهه الاساي

افضل لج من الحبووووب

من جد واو للبشره

والله العظيم عن تجربه شخصيه وفوق النضاره فتحت بشرتي درجتين

 

[دلع الكون]

انا شاريه من بوتس لندن فضيع تاخذين علبتين والثالثه مجانا

ومافيهم ريحه عكس اللي بالكويت شريت ماركتين غير عن بعض بس تحسين بالزفر

 

[الحبيبه الدبيبه]

انا استخدم النوع الجديد وايد زين ولافيه طعم الزفره اسمه omega-H3

 

[bibi]

حبيبتي لاتاخذين زيت جبد الحوت لأنه يفتح الشهية ويسمن وهالكلام من نجربة .وأخذي أوميغا 3 صافي 1000ملغم ماركة 21 سينشري ،
وعلى فكرة تحرق الدهون وتساعد فتنزيل الوزن .

ومنتي محتاجة تجربين لأني الحمدالله جربت وطلعت مو مغشوشة .

وفي نفس الماركة لكن كومبلكس اوميغا 3،6،9 لاينصحج الصيدلي ويقولج أفضل من الأوميغا 3 .

لأني خذيتها وأحس زادت وزني ، وحسب الكلام أم امتصاص الجسم للأوميغا 3 الصافية أفضل من الخليط .