شوفي حبيبتي بخصوص الدكاتره ماادري عنهم وماقصرت الاخت اللي فوقي
بس بقول لش اشياء تنفعش للدراسة
اول شيء خلي ببالش الدراسه وناسه اذا درست يعني درجاتي تصير عاليه معدلي يصير عالي ارفع راس اهلي فوق اذا احد سالني عن معدلي اجاوب بدون تردد
وانا راسي مرفوع فووووووق واهم شيء حددي لدخولش الكلية هدف مثلا تبين تصيرين ابله لازم تشدين حيلش وتجيبين معدل عالي ليش ؟! لان لو تخصصتي
وتخرجتي وقدمتي على الوظيفه لاتتوقعين انش الوحيدة اللي متخصصه هذا التخصص لا اهم راح يقبلون الافضل اللي معدلها عالي اوك الحين وش تسوين
عدلي نومش نامي قبل الدوام 8 ساعات لازم لازم لازم لاتنامين اقل من 8 ساعات واذا تبين تزيدين على ال8 ساعات زيدي بس تنقصين لا ؛) بعدين صلي
وصحصي واقري لش صفحه من القران وقولي الاذكار وافطري واشربي لش عصير حليب اللي تبين بس اهم شيء لازم فطور ؛) وتوكلي على الله وروحي للجامعه
طيبببب في المحاضرة وش تسوين تجلسين اول وحدة او ثاني وحدة غير كذا لا وجوالش خليه سايلنت وخليه في الشنطه لاتطقطقين عليه واحضري محاضرتش
ومعش الكتاب وقلم رصاص وحددي كل شيء يقوله الدكتور لانه يمكن يحذف اشياء وانتي مب منتبهه وتذاكرينها وتضيعين وقت عليها حددي بالقلم الرصاص
اللي يقوله وبعدين خلصتي من المحاضرة طيببب مثلا محاضرتش الثانية بعد كم ساعه مثلا قلنا ساعه او ساعه ونص تروحين الكافتيريا تشربين لش شيء
وتاكلين بعدين تفتحين الكتاب وتراجعين المحاضرة وتقرأينها واحفظيها بدل لاتضيعين وقتش على الجوال ولا سوالف مع البنات ترى والله محد يفيدش غير دراستش ومب لازم تخلصينها كلها لا احفظي اللي تقدرين عليه وروحي استانسي وسولفي مع البنات وروحي لمحاضرتش الثانية اهم شيء تكونين في القاعه
قبل المحاضرة ب10 دقائق
وتسوين مثل ماسويتي بالمحاضرة اللي قبل واهم شيء نصيحة مني لاتضيعين الوقت اللي بين المحاضرات لعب وسوالف لا ذاكري لانش اذا قلتي اذا رجعت البيت بذاكر بتتهاونين وترجعين تعبانه وتنامين وتقولين بالويك اند وبعدين تقولين لا قبل الاختبار لين يضيع عليش الوقت وانتي ماسويتي شيء لا ذاكري واذا رجعتي البيت بعد ذاكري وراجعي واذا رجعتي البيت حددي باقلام فسفورية عشان تفتح نفسيتش للمذاكرة واذا كان الدكتور يكتب
اكتبي معه ولا تقولين باخذة بعدين من فلانه واصورة لالالالالالا انتي اعتمدي على نفسش بكل شيء ومثلا انتي راجعه البيت بالباص ولا السيارة افتحي الكتاب وذاكري قولي المذاكرة وناسسسسه وشجعي نفسش وقولي يلااا اذا ذاكرت بطلع وبتمشى وبسولف وبفتح النت وبطقطق على التلفون يعني عطي نفسش عبارات ايجابيه لاتحطمين نفسش واذا رجعتي البيت صلي واكلي لش شيء واشربي عصير بارد واكلي لش شيء فاكهه يعوي كاكاوا يرد لش طاقتش وبعد ماتوصلين البيت بعد نص ساعه على طووووووول بدون تردد افتحي شنطتش وادرسي وذاكري وبعدهاا سوي اللي تبينه واذا جاء اليوك اند يوم الخميس خليه ترفيه عن النفس لاتذاكرين واذا تبين بعد تطلعين من اول ماترجعين من الجامعه لين تنامين بعد عادي هههه جد استانسي فيه
ويوم الجمعه قومي بدري الساعه5 وصحصي وصلي وافطري لش شيء ينشط ويجيب الطاقة مثلا حليب اي شيء وبعدين قولي الاذكار بعد الصلاة واقري لش شيء من القران وبعدين ابدي ذاكري وراجعي وصدقيني بتخلصين بدري لانش مذاكرة طول الاسبوع ؛) بس تراجعين وترتبين افكارش ومعلوماتش وعشان ماتنسينها
وبعدين روحي تروشي وصلي الجمعه واقري سورة الكهف واذا باقي ماخلصتي مذاكرة ارجعي لها وعلى العصر انتي مخلصه وباقي اليوم استانسي فيه والعبي وسوي اللي تبين واهتمي ببشرتش وبشعرش وسولفي مع احد يعني عندش يوم الجمعه باقي منه استانسي فيه ويوم السبت بعد استانسي ومراح تشوفين الشنطة الا الاحد مع الصباح بكذا تكونين مذاكرة ومستقبلش ضامنته والوناسه بعد ماخذة حقش منها والله يوفقش يااارب وترفعين راس اهلش فوووووووووق
دعواتش اني احقق حلمي
