سآن فرسيسكو كآليفورنيا هل من خبره ؟

[بنت^كآليفورنيآ]

مساء الخير
صباح الخير

انا كويتيه
عمري 22
متزوجة و لدي طفل والحمدلله

انقبل زوجي بعثة لدراسة الماجستير والدكتورا بإذن الله تعالى

بولاية كاليفورنيا سان فرانسيسكو

مبدئيآ عرفت ان الولاية زينة وفيها أمان

انا سويت لي نك جديد
عشان آخذ راحتي كث ما اقدر بالفضفضه

لاني راح اتعلق بهالمنتدى حيييييييل واحس اني بين الناس

أبي اعرف لو فيكم أحد موجود هناك
يقولي عن الوضع وبأي جامعة


أبي تكلموني عن الغربه
ليمتى واتعود عالوضع ؟

أبي اعرف اتم على طفل واحد بالسنين الاولى ولا الانجاب هناك سهل ؟

انا متحجبة خايفة يكون حجابي يضايق البعض
ومابي اغير طريقتي بلبسة

انزين بعرف لما نروح شهر واحد بنطول على الرده الثانية اللي اهي شهر 6
هل تحسونها صعبه والا شلون

أبي أحد يفتح لي قلبة :eh_s(2):

أحس اني اصغر مغتربة ؟ انا ما اتحمل عايشة عيشة اميرات



اللهم سهل على زوجي دراسته وبعثته يارب ياكريم
قولو امين وادعولي


لا اله الا الله محمد رسول الله

 

[Mrs Al-Nasser]

حبيبتي عادي ولا تحاتين كلش
بالنسبه حق الحجاب واللبس كلش كلش عااااادي واهما متعودين على لبسنا والحجاب
والغربه مو سهله بس هم بتتعودين عليها بسرعه
والكورس من ١ لي اول ٥ حبيبتي مو ٦
كل الكورس مدته ٤ شهور
يعني انشالله كل ٤ شهور تردين تزورين ديرتج واهلج

لا تحاتين ولا تخافين وكل شي بوقته بتشوفينه سهالات
وانا بعد ترا مثلج وعمري ١٨ سنه توني ويايه ويا ريلي

 

[بنت^كآليفورنيآ]

ياحياتي صغنووونه


انا كل االي اعرفهم وقريت تجاربهم كبااااار

من جذي عبالي بس انا


عيل اشوا طمنتيني

 

[حبيبه ببي]

اااااااااااااب

 

[مشتطـه]

اب اب اب اب

 

[البارونـه]

انا ماعندي خبره كافيه
بس نصيحه لا اتمين بالبيت
درسي مع ريلج منها شهاده ولغه ومنها تقضين وقتج
مارسي هواياتج شوفي الاماكن،مع الوقت بتتعودين
وولدج اذا مو وايد صغير وديه حضانه
وحلو لو حد من اهلج خواتج اخوانج زاروج بيخففون عنج ويونسونج خاصه اول الشهور
بالتوفيق

 

[Japanese]

انا تغربت و عمري 19

رحت بروحي وضبطت كل شي بروحي ماشاء الله علي ،، وكانت تجربه واااااايد حلوه وبالنسبه لي

احس ان اللي مايتغرب مايذوق طعم الدنيا صحححح ويتعلم شلون يعتمد على نفسه ويدبر اموره

وتبين الصج انا متآكده ان شاء الله انج بتستانسين اكثر مني

لآنج بتروحين مع ريلج وبيبيج ،،

البنات اللي اعرفهم هناك كلهم كانو ماشاء الله مرتاحين وبالعكس يعني مب انه ذاك الزود بيموتون يبون يردون لآهاليهم لووول

مب عن شي يعني

بس هناك الواحد يستقل بنفسه ويجوف شيبي ومايبي ،،، محد يضايق حد و بتنشغلين عن الكل

اي وعلى طاري الحجاب ،، الناس بكاليفورنيا وايد متفتحين ماراح تتخيلين شكثر الين تروحين

ف حااااالهم كلش ،، كاليفورنيا من الولايات العزيزه على قلبي وااااايد لآنها وايد شرحهه وتوسع الصدر

والناس اللي فيها وايد كول ودام بتروحين سان فرانس اكيد بتلقين بنات كويتيات وخليجيات وبتاع كلوه كلش لاتحاتين

بخصوص التعود انا اول مارحت اول يوم بس قعدت اصيح يوم جفت السكن لوووووووول مب عشان شي

بس على قولتج لان احنا هني عايشين بعز ويوم رحت هناك حسيت انه اوبيه وين قاطيني ذيلا :/

تعودت بسسسسرررعه ماشاء الله علي وماصادتني الصدمه الا يوم رديت لآهلي لووول هناك كلش ماصادتني

ف على حسب كل شخص ،،

الله يوفقلكم ان شاء الله ​

 

[بنك بااستا]

اب اب

 

[بنت^كآليفورنيآ]

انا ماعندي خبره كافيه
بس نصيحه لا اتمين بالبيت
درسي مع ريلج منها شهاده ولغه ومنها تقضين وقتج
مارسي هواياتج شوفي الاماكن،مع الوقت بتتعودين
وولدج اذا مو وايد صغير وديه حضانه
وحلو لو حد من اهلج خواتج اخوانج زاروج بيخففون عنج ويونسونج خاصه اول الشهور
بالتوفيق

انا 15 ساعه طيران
مستحيل احد يغامر واييني

اللغه من الجامعه ببلاش .... وبحاول ادرس ماستر ان شاءالله

 

[بنت^كآليفورنيآ]

انا تغربت و عمري 19​

رحت بروحي وضبطت كل شي بروحي ماشاء الله علي ،، وكانت تجربه واااااايد حلوه وبالنسبه لي ​

احس ان اللي مايتغرب مايذوق طعم الدنيا صحححح ويتعلم شلون يعتمد على نفسه ويدبر اموره ​

وتبين الصج انا متآكده ان شاء الله انج بتستانسين اكثر مني ​

لآنج بتروحين مع ريلج وبيبيج ،،​

البنات اللي اعرفهم هناك كلهم كانو ماشاء الله مرتاحين وبالعكس يعني مب انه ذاك الزود بيموتون يبون يردون لآهاليهم لووول ​

مب عن شي يعني ​

بس هناك الواحد يستقل بنفسه ويجوف شيبي ومايبي ،،، محد يضايق حد و بتنشغلين عن الكل ​

اي وعلى طاري الحجاب ،، الناس بكاليفورنيا وايد متفتحين ماراح تتخيلين شكثر الين تروحين ​

ف حااااالهم كلش ،، كاليفورنيا من الولايات العزيزه على قلبي وااااايد لآنها وايد شرحهه وتوسع الصدر ​

والناس اللي فيها وايد كول ودام بتروحين سان فرانس اكيد بتلقين بنات كويتيات وخليجيات وبتاع كلوه كلش لاتحاتين ​

بخصوص التعود انا اول مارحت اول يوم بس قعدت اصيح يوم جفت السكن لوووووووول مب عشان شي ​

بس على قولتج لان احنا هني عايشين بعز ويوم رحت هناك حسيت انه اوبيه وين قاطيني ذيلا :/ ​

تعودت بسسسسرررعه ماشاء الله علي وماصادتني الصدمه الا يوم رديت لآهلي لووول هناك كلش ماصادتني ​

ف على حسب كل شخص ،، ​

الله يوفقلكم ان شاء الله ​

ماشاءالله تبارك الرحمن
ان شاءالله يارب استانس
واتحمل الغربه

تسلمين ويوفقج ياعمري

 

[Bnt-USA]

عسى الله يوفقج حبيبتي

ويارب يوفقني انا وياج .. ويسهل على ازواجنا

:$

لا تحاتين انا يمج اذا تبين شي تعاليلي ههههههههههههههههههههههههه



^^^^^ بنت كاليفورنيا من اعز رفيجاتي :$ واحنا مع بعض بالبعثة

 

[عيون&الريم]

عادي حبيبتي سهالات انا جيت مع زوجي وعمري 18 وبعد زوجي بسبوع صج صعبه اول سنه بعدها عاااادي جدا وناسه وفله وامريكا ماينمل منها
واذا علي الحجاب عادي واجد متحجبات وفي بعضهم متنقبات فعادي بس ملفتين لنظر المنقبات ههههه مو نقاب مثل النينجا هههههه

 

[عيون&الريم]

زوجي= زواجي بسبوع