سأذكر تجربتي مع دايت النقاط ! ان شاءالله

[نويّر-]

] "]بسم الله الرحمن الرحييم
لا اله الا الله محمدا رسول الله


قليل منا من قد سَمِع عن هذا النظام الغذائي الفرنسي العجيب ..
"نظام النقاط"

ولكن من منا طبقه فعلا واتى بنتيجة مبهرة لانزال الوزن بشكل تدريجي ؟

أنا واحدة من عاشقين هذا النظام ومطبقينه لفتره قليله جدا !
ولكن للاسف ليش الجوع هو من جعلني أهمله
بس الكسل في النظر للورقه يوميا واختيار ماأشتهي من الطعام حسب النقاط الموجود ..

ولكــــــــــن
التحدي شيء جميل
وها انا ذا سأكون ان شاءالله ممن طبقوا هذا النظام حتى وصول الوزن المطلوب
وحصلوا على وزن مثالي وجسم "منحووت" من غير الابتعاد عن مالذ وطاب من الطعام ..بإذن الله


- - - - - - - -

عزيزياتي هذي مقدمة للي حابة اتكلم عنه
والي اذا تبــــــــــــوووون تنزلون بصحة وعافية وجسم ولا أروع
تبعوا معاي هذا الموضوع وشوفوا النتيجةالي ان شاءالله يتعجبني وتعجبكم طريقة النظام ..

الي راح يتسكر تاريخ 2-10-2011
لأني باكون كاتبه فيه الوزن الي وصلتله بصحة وعافية باذن الله


تواجدي بالموضوع بيكون 5 مرات

تاريخ 22-7
و 8-8
و 8-9
و22-9
والمره الاخيره 2-10


والتطبيق بيبدى من 22-7 باذن الله
ومايفرق بارمضان بيكون نفس الشي بس مقاومه أكثر شوي



ولا تستعجلون بالاسإلة الدقيقة الا بعد ما اكتب النتيجة

- - - - - - -- - - - -- - -


المشكلة :
1- وزن زائد
2- دهون متراكمة
حول منطقة الورك
وال"زنوود"
3- بطن وانعدام للخصر
4- الترهل اثناء نزول الوزن
5- عدم الشبع بسرعه



الحلول :

1- انقاص الوزن 11-16 كيوا.
2- نحت الجسم بالزيوت والمساج شامل الوجه.
3- بطن ممسوحه ومشدوده
4- نزول تدريجي غير مؤثر على الترهل
و ربما مع استعمال كريمات مخصصه .
5- تصغير المعدة بحيث يتم الشبع بسرعه .








عشان تعرفون شنو ريجيم النقاط
فاهو سالفته طويله شوي بس تطبيقه رووعه
بس سووا بخث في قوقل بيطلع معاكم كل اكله ويمها نقطتها وفيه شرح بعد للطريقة .




أنا ماراح اكتب شيء الحين الا بالتواريخ الي ذكرتها
باكتب كل الي سويته بالتفصيـل بالايام الي قبل التاريخ نفسه





هدفي من الموضوع اني أفيدكم في تجربتي وتكون أمام أعينكم
بكل صدق وأمانه من غير أي تزييف وربنا الشاهد
ربما فيه من عندها نفس مشكلتي الصحية "الوزن الزائد " وتبي تتخلص منه
فهذي أنسب طريقه وأصح طريقه ...:eh_s(7):

وما أبي منكم غير
الدعاء بالتوفيق والهداية والصلاح وتحقيق طموحي ...
..وان ربي يخليلي والديني .



مع خالص ودي
اختكم
نويّر

:eh_s(17):

[/SIZE]

 

[كتكوته غنوجه]

مووووووووفقه

 

[نويّر-]

مشكوره كتكوته ع الدعوه الحلوه

 

[نويّر-]

....شجعووني بعد بدعوات حلوه ^

 

[الحراير]

موفقين

 

[نويّر-]

اجمعييين يارب

 

[قطوووة]

موووووووووفقة
​

 

[فواصل]

موفقة

 

[كيكه توفي]

موفقه

 

[نويّر-]

أجمعين يارب

 

[زنوبة الحلوة]

موفقة

وبانتظارج

 

[نويّر-]

باجي يومين على تطبيق الرجيم متشجعه ع الآخر الحمدلله يارب
وبس باجي اطبع اوراق النقاط والزقها بداري واجهز بعض الاكلات من الجمعية ...

ترقبـــــــــــوا بداية التجربة ..^^

 

[MayOumii~]

,,
وآآي بعد عمري جنج تدرين انا بطقبه من اليووؤم لين قبل العيد
وبتآبعج ان شاء الله..وآآيد بنآآت انزلو عليه بصحة وعآفية والأهم ان فيه بطآآط وكاكاآو و وجبآت
وآآآآآآآآآآآآي ونأأسة..الله معآج ان شاء الله

 

[غــلآ]

انا هم بطبقه من اليوم

اذا ممكن ابي جدول النقاط اللي عندج لو تسمحين

 

[ازهآر]

موفقيين

 

[نويّر-]

حياكم الله بنات وان شاءالله تستفيدون
اخت غلا ان شاءالله أكيد راح أنزله بس باجر عشان أكون مرتبته لان للحين مانسقته عدل .

و أبي أوضح لكم بعض
*الاحتياطات والتعليمات المهمة الي راح اخذها بعين الاعتبار:

1- شرب شاي الريجيم "العويّد" (لحالات الامساك لاسمح الله ) أو يوميا بعد الغدا بنصف ساعه عشان تمشي البطن .

2- الشاي الاخضر الاصلي كواليتي او العويد يوميا لكن مو أكثر من قلاصين باليوم .


3- يوميا عصير طبيعي تعويضا لنقص الفيتامينات وللمحافظة على رونق البشره ولكن تكون محدوده ( عصير برتقال- كيوي وانناس- فراولة)

4- المشي يوميا نصف ساعه لشد الجسم هذا الى جانب بعض الخلطات أو الكريمات الي ممكن استعملها والي واثقه ان لها نتيجه .

5- في حالة اني شفت الوزن نزل ثم ثبت فجأه أو موراضي ينزل راح أطبق حمية ديتوكس لمدة اسبوع المخصصه لتنظيف الجسم والجلد والي من ضمن فوائدها : " كســـر ثبات الوزن " وهي مدتها الاساسية 7 أيام مقسمة الى 2| 3 |2 وسووا سيرج بس كتبوا حمية ديتوكس راح تطلع لكم الطريقة ( بحية ديتوكس اذا طبقتها ممنوع وضع اي شي ع البشره من مكياج أو كريم أو غيره أو سنفرات كيميائية وممنوع تناول الشاي بانواعه) عشان استفيد من تنظيفه للجلد والي باعدها بيكون الاحساس كأن منولدين من جديد d .

6- لي نظام ثاني خاص بالبشرة وصفائها والي باطبقه طول شهر ارمضان والي يساهم بشكل كبير ويشجع على ان اشوف مظهري الجديد جميل بجميع النواحي ( راح أفتح موضوع خاص بعنوان ((تجربتي المختصره للعناية بالبشره )) بشهر رمضان ان شاءالله ) .







باجر 22-7 ان شاءالله باكتب شالي بديت فيه كـ نموذج تشوفونه + أعرض جدول النقاط الي راح امشي عليه ان شاءالله وبتكون بعدها لي عوده بتاريخ 8-8 ان شاءالله وأقولكم شصار معاي وشكثر نزلت وجم صار وزني و شكثر طولي ( خاشتهم لكم مفاجئة : p) .​

​

أتمنى لكم استفادة جيدة
وأسألكم الدعاء بظهر الغيب

 

[قطوووة]

بصراحة انا متحمسة اللي مزهبته

 

[كت كااات]

يالله يالله يا نوير احنا متابعينج انا قاعده اسويه بعد خوووش رجيم والله " وعشان ما احس بالجوع مسويتلي شوربة فطر مع بصل مع حبة ثوم مع نص حبة ماجي كل ما حسيت بالجوع شربت منها يقولووون فيها صفر نقطه

 

[نويّر-]

أهلا قطــوه وأنا نفسي متحمسه جدااا عسى يظل هالحماس دوووم
وحياج الله بالموضوع موضوعج خلج متابعه وان شاءالله يارب تستفيدين ويستفيد الكل

هلا كت كات
صح كلامج شوربة الخضار اللي مافيه اولانقطة دهن تعادل صفر نقطه واذ عشان الطعم ضيفي بعد بططه مسلوقوه وحطيها بالخلاط مع ليمون ترى رووعه بس راح تزيدين النقاط! الي يعادلها البطاط المسلوق والي توقع نقطه / انا باحاول أكثر شوربة الحارقة والي اذا شربتها باليوم مرتين اقدر ازيد نقطه اضافية هديه لي لان طعمها مر شوي ولانه تحرق بعد بعض السعرات الحرارية .
وكملي عليه ان شاءالله ينزل وزنج بصحة وعافية بس اهم شي الشد مع ان النزول التدريجي بهالدايت مايرهل لكن بيظل فيه نسبة قليله من الترهل ..
واستفيدي بعد من النقاط الي راح اذكرها بتجربتي ان شاءالله

 

[ام علاوي ومريوم]

وووايد عجبني ريجيم النقااااااااااااط وشكله صدق ينحت الجسم الحمدلله انا بخفف من اكلي بس بحاسب للنقاط يعني اتذكر سعراته الحراره تساوي كم واقلل منه يعني ماشيه ع الخفيف والنقاااااااااااااط وراح اكون متابعه لكم باذن الله ..وياريت تنزل يالجدول بسرعه علشان نستفيد منه ,,