للأمانه انا راجعت عندها بالشهر التاسع مره وحده
وبعدها ولدت عندها
بس للأمانه ماكنت تبي تحضر الولاده لأن مساعدتها كانت موجوده وانا سامعه ان الدكتوره تعتمد مرات على مساعدتها وما تحضر
فلولا أن زوجي كان واقف على راس المساعده يقول لها نبي الدكتوره وما نبي احد غيرها جان ما شفناها
ولما احضرت كانت منصدمه ليش زوجي ألح أنها تحضر
المهم ما اطول عليج
أنا كانت ولادتي الأولى وتعسرت شوي
بس الدكتوره كانت حيل مستعيله وتبي تفتح بطني وقالت لزوجي اللي أحمد ربي انه كان ينطرني بره جان اعلوم من الدكتوره
ان لازم قيصريه الياهل مو راضي ينزل وقامت واشقطت جم مره موراضي ينزل البيبي
وزوجي يعاندها ويقول لها لا نطري عليها
وقامت حلقتني ولبسوني اللبس الأخضر
فكانت وحده من السسترات موجوده الله يجزاها خير مصريه واضغطت على بطني جم مره وحاولت تدفع البيبي والحمد لله ولدت طبيعي
والله لي يومنا هذا وانا والده صار لي سنه ونص كله قول لزوجي لولا انك كنت موجود جان أنا والده قيصريه
لو على الدكتوره جان ما انطرت على طول قيصريه
