سؤااااال مهم وضروري دخلوا جاوبو عليه عفية

[صديقه]

انا زوجي لما عمل تحليل السائل المنوي طلع عنده عدد الحيوانات المنوية صفر
حبيت أسألكم هل اذا عمل تحليل ثاني ممكن تتغير النتيجة ؟؟؟؟؟؟؟
انا قاعده افكر وقلت ما اعتقد تتغير النتيجة بس وااايد أقرى ان الحليل لازم الزوج يعمله 3 مرات
بس انا اعتقد انه يعمله ثلاث مرات اذا كان عنده حيوانات منوية بس الدكتور يبي يتأكد من عددها
انتو اشرايكم؟؟؟؟؟
تتوقعون ان حتى الي عندهم الحيوانات المنوية عددها صفر لازم يسوون تحليل مرة ثانية؟؟؟؟؟
علما ان كان عنده هرمون الحليب مرتفع ووصفله الدكتور حبوب وفيتامينات

 

[زنوبة الحلوة]

حبيبتي خليه يسوي التحليل مررة ثانية

وبعدين لا تحاتين اذا مالقو حيوانات منوية راح ياخذولة عينة من الخصية مكرم السامع

وانشالله يشوفون في حيوانات منوية

واذا لقو بالخصية حيوانات منوية راح يكون عنده احتمال كبيرر انسداد والانسداد علاجه عملية بس انا ريلي كل الدكاترة انصحوه ان يروح لندن يسويها لان عندهم اجهزة ومعدات ادق من الكويت ومتطورة اكثر



والله يسهل عليه انشالله ويرزقكم الذرية الصالحة

 

[صديقه]

مشكورة حبيبتي على الرد
بس انا ابي اعرف هل اذا سوا تحليل سائل مرة ثانية راح يكون نفس النتيجة ؟؟؟؟؟؟
يعني الحيوانات المنوية صفر؟؟؟

 

[@@@ام حمووودي@@@]

لا تحاتين حبيبتي توقعي اذا عاد التحليل راح تكون النتيجة صفر حالتكم نفس حالة زوجي بالضبط بس في أمل انشالله للحمل انهم يفتحون الخصية فتحة صغيرة ويطلعون حيوانات منوية من البربخ وهو المصنع وراح يلاقون فيه باذن الله بس بتكون
عددها شوية,,,, وموفقة

 

[زنوبة الحلوة]

يمكن كل شي جايز حبيبتي خليه يسوي مرة ثانية

انا ريلي يمكن سوالة التحليل 3 او 4 مرات عادي

خليه يسوي مرة ثانية علشان تتطمنون احسن بعد

ومثل ما قتلج انشالله ماعليه الا العافية ويرزقج الذرية الصالحة امييييييين يارب

 

[كويتيه مذهله 87]

الله يشافي ريلج يارب

 

[$غــ(ز)ــل$]

اذا زوجج محلل مره وحده
خل يعيد التحليل ماتدرين يكن سبحان الله التحليل اللي طاف غلط

والله يرزقج الذريه الصالحه عاجلا غير آجل

 

[صديقه]

مشكوورين خواتي على الردود انا حاطة في بالي ان النتيجة ماراح تتغير
بس انا قعدت اتسائل هل الي حيواناته المنوية صفر اذا عاد التحليل ممكن يتغير؟؟؟
فحطيت الموضوع

 

[أحلى عيون]

اختي مالج الا العسل تروحين لعسل عويد وقولي لهم ابي عسل لزياده الحيوانات المنويه سعرهم على 150 دينار ماادري هل الحين بعد زادوا السعر


لانه عندي ولد عمي كان عنده ضعف شديد بالحيوانات المنويه وماشاء الله ما كمل شهر الا مرته حامل

الله يرزقك يالغاليه


واذا ما يبي انصحج تسافرون عند زيد الكيلاني بالاردن معروف وممتاز شويه عليه ابحثي وشوفي عنه

 

[ام يارا]

الله يرزقج بالذريه الصالحه و يشفي ريلج

 

[ام حمد انشالله]

خل يعيد التحليل ماتدرين يكن سبحان الله التحليل اللي طاف غلط

والله يرزقج الذريه الصالحه عاجلا غير آجل:eh_s(8):