سؤالي خاص لأخواتي المطلقات مع التحية !!!!

[a7eba moot]

حبيباتي واخواتي انا نزلت موضوع عنمشكلتي مع زوجي اللي للحين ما لقيت لها حل


http://www.q8yat.net/showthread.php?t=669233

ابي اعرف اذا طلبت الطلاق منه على عملته السودة وتعامله الزفت والمستمر هل راح اتحسف واندم على الطلاق بعد فتره

والا لأ؟؟؟

انا بيني وبينكم ابي اعطيه درس وبترك له البيت علشان يحس بعملته ...


اخاف اندم مع العلم ان كل من عرف سوالفه قالي تركيه مايستاهلج هو بمعنى الكلمه حقير حقير وعندة كل الناس قذرين

واذا مارديت على مكالمته بنفس الوقت قالي ليش تخليني اشك فيج ( من كثر مو مجابل الحقيرة مالته ويشوفها شلون تلف وتدور على ريلها يحسبني نفسها )

شوروا على يامن لها تجربة بالانفصال بنفس الظروووف ..

وانشالله بميزان اعمالكم ...

 

[صخر جلمود]

الطلاق شئ موسهل

مو أنتي بروحج بتشيل هالقلب أهلج كلهم

اذا ماكان نابع منج وبكل أصرار عمرج ماراح تندمين

أما اذا كنتي متردده كثري من صلاة الاستخاره

والدعاء

و ع فكره مرحله يبي لها تفكير بعقل مو عشان تآدبينه تطلبين الطلاق

 

[Čut!e Quèéи]

حبيبتي انا مو مطلقه بس سؤالج اهو الي خلاني اتكلم

حبيبتي مايصير تسألين هالسؤال

لان البنات ما يعرفون زوجج ولا عايشين معاه ولا معاج حتى انتي مانعرفج

يعني مايعرفون اطباعه وتصرفاته واخلاقه وتربيته عشان تسألين راح تتحسفين ولا لا

وبعدين مشكلتج تشبه وايد مشاكل بس الاحداث تختلف هذا ما يعني انهم عايشين مشكلتج

وغير جذي في زوجات بعد الطلاق تحسفو لانهم صارو تحت ضغوطات اكثر بالحياة وفي مطلقات تحسفو لان الشيطان دخل بينهم

و ازواجهم يستاهلون الي يسامحهم وفي مطلقات لو يرجع الزمن فيهم ما ياخذون هالازواج

يعني انتي بروحج الي تفكرين وتقررين مو البنات الي يقررون عنج اهما اشدراهم راح تتحسفين ولالا؟!!

حبيبتي قعدي مع نفسج شوفي حالج ونفسيتج قادره تسامحينه وتكملين حياتج معاه ولالا ؟

اذا قادره سامحيه وجابلي حياتج وبيتج وانتي عارفه طينته صار ما صار اشتري صحتج وطوفي وسكتي

اذا مو قادره تكونين جذي خلاص اتركيه والله يعوضج خير عنه جابلي حياتج ونفسج وعيالج اذا عندج عيال

انتي الي قعدي وحاسبي روحج و شوفي حياتج وانتي معاه و حياتج بدونه واهني راح تاخذين القرار

والله يهديه ويصلحه و يوفقج ويسترج معاه

 

[صديقتك ياليل]

رد : سؤالي خاص لأخواتي المطلقات مع التحية !!!!

ااااه يالطلاق لاا لا تتسرعين فيه انا مطلقه من3 سنوات كان وقتهاعمري 21 سنه البنات لاهين بالدنياا وانالا مطلقه والناس ماترحم حتى خواتي يقولون لي خلاص ترا الناس ماتبي مطلقه ااااااااه يالهم اللي اشيله الحين عمري 24 سنه وراح احلا ايام عمري بالهم حسبي الله وتعم الوكيل عليه وعلا امه الظالمه اختي فكري زييين الا الطلاااااااااااااااااااق انا بالناااار عااايشه

 

[انوثة مراهقه]

اختي..
نصيحه ... الطلاق مو سهل ...
هالكلام كلام امي !
صبري .. !
راح تتعبين مصيره بيردلج وبيتغر
ويجوز هذا اختبار وابتلاء من رب العالمين... صبري انشالله يتغير !
والله يهديلج زوجج

 

[زهراء الركابي]

رد : سؤالي خاص لأخواتي المطلقات مع التحية !!!!

الله يهدي سركم ويهديه ويعقله يارب
الصبر زين يابنت الحلال

 

[اميرة-الاحجار]

سوي استخاااره عمري والله ينور قلبج وبصيرتج

 

[جوري 2007]

شنو يعني بتأدبينه ؟

يعني يتهددينه بالطلاق عشان يخاف ، والا انتي صج تبين الطلاق ؟؟

اذا صج تبين الطلاق وعلى قولتج حقير ومايتعاشر القرار قرارج

الطلاق موشي سهل

موشي سهل على المرة تهد شريك حياتها واللي عاشت وياه زمن وشاركته بالحلوة والمرة وخصوصا اذا كانت يايبة منه يهال

بس اذا اهوة موقايم بواجباته وخاين ومامنه رجى استخيري ربج وشاوري اقرب الناس لج وتريثي وبعدين اتخذي قرارج

 

[جلاديلياس]

الصبر زين يابنت الحلال الطلاق موسهل

عسى ربي يفرج همج

 

[افتخر كويتية]

رد : سؤالي خاص لأخواتي المطلقات مع التحية !!!!

اكره شي عند الله الطلاق .................
سوال اذا تطلقتي تبين تلقين الراحة او لا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[من يشابه ديرتي]

رد : سؤالي خاص لأخواتي المطلقات مع التحية !!!!

لاتفضحينها عند زوجها انتي الخسراااانه بتتطلق وماتدرين يمكن تعطينهم الفرصه وباجر ياخذها وانتي الي تموتين قهررر
كلش كلش كلميها وهدديها انج بتفضحينها عند زوجها وأخوانها بس كلام يعني بدون فعل >> الستر زين
مع اني أشوف ان زوجج هو البـلااااا كله صج قهرني

 

[.،:"$الـعـوبــــة$":،.]

الله يعينك ياربي ويسخره لك ويهديه يارب ،
والله مشكلتك تقهر ! ومفروض ماتسكتين ! بس ماتطلبين الطلاق ! انتي ماحاولتي فيه !!
وتوك اكتشفتي هالشي !! ترى أكثر المتزوجين اللي يكلمون ، تكون حركة طايشة وودهم يعيدون فترة المراهقة !!
بس بالنسبة له زوجته وعياله اهم من كل شي !!
واجهيه ،، وناقشيه ،، وازعلي عليه ،، دخلي أحد قريب منه بالسالفة ! يعني شخص يهابه ويحترمه !!
خلي الطلاق الله لا يقوله آآآآآآآآآآخر الحلول ،،
أما إنك تفضحينها ؟؟ أنا اقولك لاتنزلين نفسك لهالمستويات القذرة !!
يعني هي ماخافت من ربها ! ماظنها بتخاف من الناس !!
وأنا الله لا يقوله لو اصيد زوجي يكلم ، ماراح اشره عاللي تكلمه ! باشره عليه هو ! والا اللي كلمته استغفرالله تلقينها مكلمه 50 واحد قبله ! يعني من بنات الشوارع اللهم لاشماتة !!
وبالنسبة لأختي ( صديقتك ياليل ) ليه ياقلبي ؟ وربي ضيقتي خلقي على هالكلام وانتي ام 24 سنة بس! تعوذي من ابليس فديتك ! والطلاق مو عيب ! هذي قسمة ونصيب !
لا بيدك ولا بيد غيرك !! وعسى أن تكرهوا شيئا وهو خيرا لكم !
تفائلي بالخير تجدينه باذن الله ، واللي يقولون لك محد يبي مطلقة ! قوليلهم مع احترامي ( فلتقل خيرا أو لتصمت )
أنا أعرف حريم مطلقات وأكبر منك وأمهات بعد !وربي ماخذين شباب أول مرة يتزوجون ، وعايشين أحلى عيشة ،،
ماعليك بس من الكلام ، وخلك واثقة من نفسك ، الطلاق مو عيب ، ولا انتي أول ولا آخر وحدة ،،​

 

[انتظر حبه]

رد : سؤالي خاص لأخواتي المطلقات مع التحية !!!!

انا مع الاخت العوبه انتي حاولي معاه مره ومرتبن وان شاء الله ابهديه الله وادعي بالرمضان ان الله يسخره لج ويبعد عنه بناات الحراام