سؤالي للحموات؟؟؟؟ شاركوني بارائكم

[sugar & spice]

السلام..حبيت اعرف سبب قسوة الحموات على الجناين..البعض طبعا مو الكل..معامله خايسه..حركات ماله معنى ..شنو السبب يا ترى فيني فضول اعرف..وايد من البنات اللي اعرفهم يعانون ويشتكون مع انهم يحاولون يصيرون من احس ما يكون مع حمواتهم؟؟ طبعا اذا كانت الجنه شريه هذا موضوع ثاني..جاوبوني بصراحه

 

[UK_Girl]

صباح الورد..
ماعتقد في شي ايي من فراغ ....المعامله السيئه وراها سبب ..ابحث عن فضولي p:

 

[يمة يادلبي]

يمكن يكون فيهم نقص

 

[لوكي 22]

شوفي بعطيج سبب اصلا اهما مالهم دخل فيه
حماتي اللي اصغر من زوجي بسنه خطبت له تدرين ليش
عشان ماحملت وزوجي ناقد عليها يقولي مسكينه عليها نقص ..
فماسويت مناحه ولا شي ولا حتى فتحت الموضوع مع احد غير زوجي وبالمنتدى
الله يهديهم ..

 

[(DL3)]

غيره اتوقع اذا كانو يحبون اخوهم وايد وانتي خذتيه منهم ... اما اذا بدون سبب اتوقع نقص

 

[هاجر الكويت]

المعاملة الزينه تكسبين حمواتج ومهما صارت مشاكل لازم اطولين بالج واتحسنين علاقتج لان راح اتعيشين طول عمرج وياهم وصارو اهلج وعمات عيالج يعني جذي جذي فيج فيج خليج زينه واكسبيهم بصفج بكل الطرق تكسبين زوجج واهله

 

[الحور العصيمي]

طبعا مثل ماقالت الأخت

مافيه شي يجي من فراغ

 

[حـوريـه]

والله انا حماة مؤدبه ولبقه لوول أنا عجيبه !
والله ماشفت بالعايله زوجه متأذيه من حماتها ..

.
تسلمين

 

[om-HaSsoOon]

مانقول الا الله يهديهم

 

[اميره بكلمتي]

على حسب الحماة واطباعها يمكن اهي ماتتقبل الجنه

 

[كوارين]

انا حمات حق ثنيتن من جناينا
بس معاملتي معاهم مثل ما اعامل اختي

الحمدلله

 

[كريستال ليدي]

المرة الذكية اللي تعرف شلون تكسب ريلها و اهله و اهم شي خالتها و حمواتها

و سالفة الجنة مكروهه هذا من عمر الدنيا جذي وحدةة غريبة و ياية ماخذه ولدهم اول شي بيداحرونها بس بعدين يطخون اذا اهيا عرفت تكسبهم

 

[حصووونه]

موشرط يقلبي
اصابعج موسوى الحمدالله انا وخواتي نحط الجنه على راسنا وامي تحوف حريم اخواني حوف وماقط اذيناهم بشي لا لفظي ولا حركي والحمدالله شايفين خير واللي نبيه لنا نبيه لمرت اخوي اصلا بالعكس نبي مرت اخونا احسن من كل الحريم ونفتخر فيهم وعسى الله يهديهم يارب

 

[sugar & spice]

كوراين وحصووونه وحوريه اشكر مروركم والله يتمم عليكم ويا بخت جناينكم فيكم واشكر مرور الجميع..وانا اكيد كا اقصد كل الحموات في حموات يبلوووون..بس وايد منهم يسوون حركاات مالها داعي علما بان الجنه تحاااول بكل الطرق تصير زينه وتحاول تكسبها..ولوكي 22 الله يصبرج عليها والله قويه حركتها وما اعتقد كنت راح اسكت لو مكانج..الله يعينج..واللي اقصده مو شرط تكون الجنه مو زينه عشان حماتها تصير مو زينه..واشكر مرووركم

 

[sugar & spice]

توضيح حق جمله "وانا اكيد ما اقصد كل الحموات في حموات يهبلون"

 

[غصن الغلا]

اكيد فيم نقص لو انه مافيهم نقص ماسوو كذا عطيهم أذن من طين وأذن من عجين نفسي ترتاحين ومع الايام يحترمونج

 

[بنت الحداد]

غيررررررررررررررررررررررررره

 

[[[ عيون جابر ]]]

مادري بس احنا ماعندنا جذي بعايلتنا سوالف حموات وجناين لا كلنا سمن على عسل كل وحده بشغلها وابيتها مالها شغل بأحد

 

[الرها]

مافيه شئ يجي من الفراغ
احيانا يطوون لسانها طووويل وشفت بعيونني وسمعت بأاذوني
ما فيه احتراام ابداااااااااااااااااااااااااااااا
برووووووووووووووووووووووووووووووووووود
على هذا بتنقهرررين صح ولا لالا

 

[ryona]

والله في حموات لو شتسوين لهم وتكونين زينه معاهم وعادتهم خوات ويدورون النجره والهواش الله يهديهم ويكافيننا شرهم