سؤال اتمنى الكل يدخل ...

[dnyay_mll]

صباحكم ,, مساكم ورد

اليوم تكلمنـا عن موضوع

وحبيت اخذ رايكم فيـه

بس فكـرو عدل قبلهـا

ولحد يشن علي هجوووم .. مجرد سؤال

ان الريـال عادي يتزوج من اي جنسيـه

يروح الهند يرد معاه هنديـه

يروح تايلـند يرد معاه تايلـنديه

يروح اي مكـان ويتزوج من اي جنسيـه وعادي عايـش حيـاته محد يقدر يتكلـم

اما المـرأه لو تزوجـت هندي او بـاكستانـي او تايـلندي او اي جنسـيه ثانيـه

تسيـر منبوذه

ليــش برايكم ..

:080402ask_prv:

وحيـاكم الله ونورتـو

 

[la-balena]

رد : سؤال اتمنى الكل يدخل ...

لان الريال شايل عيبه وسواء الام هنديه او تايلنديه فالعيال كويتيين ويشيلون اسم ابوهم بينما المره بشيلون اسم واحد غريب

 

[G!RLooNa]

لان عندنا مقوله متخلفه اهيا الريال شايل عيبه و الريال ملاك منزل من السما تكفا اذا زنى يقولون عادي هالمره زواج على سنه الله ورسوله تبينهم يقولون له لا

بعدين عياله بتمون كويتيين غير عن الكويتيه اللي تاخذ واحد مو كويتي عيالها مو كويتيين و بعدين يزعلون ليش مايعاملونا معامله الكويتيين و مادري شنو

 

[قلبي القرآن]

رد : سؤال اتمنى الكل يدخل ...

لا حبيبتي مو عادي ياخذ من أي جنسيه
باجر اذا صار عنده عيال وامهم هنديه ولا تايلنديه
منو بياخذهم بيطيحون بجبده
وراح ياخذون طبايع امهم وذيج الساعه بيلعن
الساعه اللي خذاها فيها انا شايفه هالشي
بياخذها نزوه بعدين راح يتحسف
وليش تاخذ باكستاني ولا هندي اعتقد المجتمع الكويتي
له عاداته وتقاليده يعني اخذ من دوله خليجيه ماشي بس
برا لا صعبه حيل

 

[MISS-_-FLOWER]

رد : سؤال اتمنى الكل يدخل ...

مافيها شي بس تدرين الجنسيه الكويتيه مافي مثلها الله يعز ديرتنا

 

[tmtmt]

عشان اليهال باجر بصيرون هنود ولا باكستانيين على قولتج
مع احترامي لجميع الجنسيات

 

[dnyay_mll]

رد : سؤال اتمنى الكل يدخل ...

لان الريال شايل عيبه وسواء الام هنديه او تايلنديه فالعيال كويتيين ويشيلون اسم ابوهم بينما المره بشيلون اسم واحد غريب

جواب مقنع مشكــــوره

 

[dnyay_mll]

رد : رد: سؤال اتمنى الكل يدخل ...

لان عندنا مقوله متخلفه اهيا الريال شايل عيبه و الريال ملاك منزل من السما تكفا اذا زنى يقولون عادي هالمره زواج على سنه الله ورسوله تبينهم يقولون له لا

بعدين عياله بتمون كويتيين غير عن الكويتيه اللي تاخذ واحد مو كويتي عيالها مو كويتيين و بعدين يزعلون ليش مايعاملونا معامله الكويتيين و مادري شنو

هم جواب مقنع
مشكـوره على مرورج

 

[قطوووة]

رد : سؤال اتمنى الكل يدخل ...

......

 

[dnyay_mll]

رد : سؤال اتمنى الكل يدخل ...

لا حبيبتي مو عادي ياخذ من أي جنسيه
باجر اذا صار عنده عيال وامهم هنديه ولا تايلنديه
منو بياخذهم بيطيحون بجبده
وراح ياخذون طبايع امهم وذيج الساعه بيلعن
الساعه اللي خذاها فيها انا شايفه هالشي
بياخذها نزوه بعدين راح يتحسف
وليش تاخذ باكستاني ولا هندي اعتقد المجتمع الكويتي
له عاداته وتقاليده يعني اخذ من دوله خليجيه ماشي بس
برا لا صعبه حيل

صح كلامج مشكوره على مرورج

 

[ابدا يالغالي مانساك]

رد : سؤال اتمنى الكل يدخل ...

ليه لوووووووول ليكون طاااري ببالج تجربين تجربه
هههههههههههههههههههههههههههههه
اضحك وياااج
شوفي لها كذا سبب وسبب مثلا لتزوجة المراءه علي قولتج هندي او شي بتروح وياااه وحنا ضروفنا المعيشيه ماتسمح لنا البنت تروح ومع واحد غير عن ديرته
وهذا غير عن سبب العادات والتقاليد
وايضا غير بااجر للي جااابت منه عيال وشلللون
احس حيل صعبه
اما الرجال علي قولة البنات شايل عيبه بنفسه وهي اللي تجي وياااه لديرته وعااادي رجال لاتحكمه ضرووف ولاشي غير انه مااخذها بالشرع وعلي سنة الله ورسولله صلي الله عليه وسلم
وبث

 

[عصفووورة دشتي]

رد : سؤال اتمنى الكل يدخل ...

رفـــــــــــــــــــــع

 

[أحـلآم . *]

رد : سؤال اتمنى الكل يدخل ...

مازيد على حجيهم !
بعد مايبيله

 

[قاهره عذالي]

رد : سؤال اتمنى الكل يدخل ...

لانها مراه

والرجال مهما يسوي محد ينقد عليه

وشايل عيبه وعادي

وعياله بيكونون مثله

بس اذا انتي خذيتي هندي عيالج بيكونون نفس ابووهم مو نفسج
وتصيرين مثل عيالج هنديه
وينسون انج كويتيه حتى الحكومه تنسى انج مواطنه ولج حق سكن بوطنج وحقوق ثانيه

 

[سنفوره8]

احسها صعبه حيل

 

[اسمي بين الاسامي]

بالعكس عندنا الرجال اذا اخذ وحده موكويتيه نقول اكيد فيه عله اللي مااخذ كويتيه

واذا الوحده اذا خذت واحد موكويتي نقول انها عانس وتبي الستر

طبعا هذا مايمثل وجهة نظري

وجهة نظري حلات كل واحد ياخذ زوجه من جنسيته وكل وحده تاخذ زوج من جنسيتها

موتقصيرا بالجنسيات الثانيه ابدا

انا حتى لو اشوف مصري ماخذ سوريه انصدم @@

 

[حبيبي مالكني]

رد : سؤال اتمنى الكل يدخل ...

الصراحة مادري ليش اهو مب حرام بس اكيد عيب في مجتمعنا

 

[حلوه ولمآحه]

رد : سؤال اتمنى الكل يدخل ...

عندنآ المقوله هذي ان حلال ع الريال حرام ع المراه
ماشيه في مجتمعنآآ،،
بس انا اشوف انها مقووله غبيه ،،ومالها تبرير شنو مايكون،،
ربي مافرق بين الريال والمره كلنآ سواسيه ،،
ومقال هذا حلال للرجل وحرام للمراءه،،
بس شنسوي بمجتمعنآ المتشبث بالهالمقوله ومستحيل يغيرها او ينسهآآ،، لان الريال شايف انها من صآآلحه،،
>>وسؤالج ان المره تصير منبوذه ،،
من الريال وتفكير مجتمعنا االعقيم دام انها ماخذته ع سنه الله ورسواله ماحد له حق ينبذه،، خل تعيش وتشوف حياتها ولا تجلس تنطر ليما يتشرف الكويتي ويمل من حيات اللهو الصخب الي عايش فيها ويفكر يتزوج،،

وي حدي انقهرت ليش مجتمعنآ جذيه،،
واالمشكله مستحيل يتغير ،،

 

[Sama Kuwait]

رد : سؤال اتمنى الكل يدخل ...






لان بعضها بتكون زواج مصلحه لان الزوج الاجنبي يبي اقامه و يبي يجييب اهله على ظهر المسكينه

الا من رحم ربي

 

[ضايعة بدنيتي]

طبعا مو بس الكويتيين الي يلجئون للجنسيات الثانية . عموما في الخليج ...

وهالشي عندنا مرفوووض اولا بسبب الجنسية الخليجية ومميزاتها . هالشي حيل كبير. يعني واحد ينولد اجنبي الاب ويعيش بديرة امه ينولد ويكبر فيها واخرتها يكون اجنبي . وما له اي حقوق من الي يحصلها المواطن . هذا اهم واكبر سبب

وغير طبعا الحسب والنسب وغيره . الي مسيطرة بشكل كبير على الخليجيين بشكل خاص والعرب بشكل عام .