سؤال الله يخليكم

[^توجان^]

السلام عليكم
اليوم وأنا قاعدة اتعبث بالماسنجر ضغطت على الصورة وبعدين عرض ملف التعريف الخاص فيني وبعدين بروفايل ولى انصدمت :eh_s(1):
طلعلي كل الرسائل السريعة اللي كتبتها من قبل بالماسنجر(فوق تحت الاسم)
اشلون الحين ابي امسحهم مابي احد يشوفهم
لا تقولون لي من قائمة السماح اقدر اختار اللي ابيهم يشوفون الرسائل .. أنا ابي امسح الرسائل القديمة اللي كتبتها؟ يصير؟
الله يجزاها خير اللي ترد علي

 

[jod.q8]

ما اعرف

انشالله البنات يفيدونج

 

[شآعرة الخليج]

روحي لبروفايلج

تلقين كل رساله شخصية كنتي كاتبتها يمها مثل علامه دائريه صغيره لما تضغطين عليها تطلع لج

( أزالة هذا التحديث )

مثل هالصوره توني سويتها لج ..

هذا بروفايلي وهذي رساله شخصيه الحين انا بشيله وضغطت على ازالة هذا التحديث

واذا ماتبين احد يشوف رسايلج بالمره حرري الاذونات مثل هالصوره

وتحكمي بمنو يشوف الرسايل :ggdw:


.. موفقه حبيبتي

 

[^توجان^]

شاعرة الخليج مشكورة يا عسل عسى الله يوفقج يارب