سؤال الى المعلمات من ولية امر

[دبدوووبة]

السلام عليكم ورحمة الله وبركاته

ابلاتنا الحلوات ليش تمسحون السبورة بسرعه

انا ولدي يقول اقعد اكتب يطق الجرس تيي الابلة اللي بعدها تمسح السبورة بسرعه ويرجع البيت مو كاتب كل الدرس بالدفتر هل العيب في الابلة اللي قبل ماتعطيهم وقت يكتبون ولا الابلة اللي ماتنطر عليهم ومن تدخل الصف تمسح

شنو الحل لان جذي بييني ولدي وايد ومو كاتب الدرس كامل

 

[^ حـلـــــوى و رهـــــش ^]

هلا حياتي ..

أول شي ولدج في أي صـف .. ؟؟

لان هالشي يعتمد على المرحله اللي فيها ولدج ..
ممكن ولدج يكون ضعيف بالكتابه .. أو بطيء الكتابـه ..
بالتالي الابله ما تقدر تنطـر .. يعني غالبا ما نعطيهم تقريبا 5 دقايق عشان يكتبون من 4 لى ست كلمات مثلا ..
بس هذا لرابع وخامس ..

لان في شغلات ثانيه الابله تبي تخلصهـا بالحصـه .
انتي حاولي تعرفيـن .. بس هو ولا حتى الصبيان اللي معاه ..

 

[e.ngland]

رد : سؤال الى المعلمات من ولية امر

شسمة
اي والله انج صاجه
يمسحونه بسرعه انا بالثانويه انزين
ومالحق واذا كتبت بسرعه ما يطلع مو مرتب
والكشاكيل مهمه :/

 

[أمواج^الكويت]

رد : سؤال الى المعلمات من ولية امر

في حالة إذا الطلبة كلهم قاعدين يلحقون إنهم يكتبون وولدج لأ اهني معناته الخلل في ولدج لازم تراجعين الأخصائية وتتابعين حالته هل مع كل الأبلات جذي ولا بس مع أبله معينة ..

أما إذا الصف كله فالعيب من الأبلة نفسها موقاعده تعطيهم وقتهم للنقل والكتابة .. ولازم تكلمين الإدارة على هالشي علشان ينبهونها ..

شسمة
اي والله انج صاجه
يمسحونه بسرعه انا بالثانويه انزين
ومالحق واذا كتبت بسرعه ما يطلع مو مرتب
والكشاكيل مهمه :/

انتي طالبة ثانوية يعني كبيرة تعرفين تتصرفين لاتقارنين روحج بطلبة الابتدائي
وإذا شفتي نفسج كل مره مو قاعده تلحقين بالذات في المواد العلمية اللي يبيلها فهم حطيلج دفتر مسوده وكتبي فيه على السريع وبعدين لي صار عندج احتياط او بالبيت نقليه على الراحة وبخط حلو ومرتب

 

[حرم يوسف بيك]

رد : سؤال الى المعلمات من ولية امر

المفروض الابله مالت الحصه الي طافت تحط حساب الوقت تكتب على الاقل اخر ٥ دقايق مو اخر دقيقه تكتب ويطق جرس الحصه. والابله الي وراها هم بعد عندها حصه وتبي تشرح وماتبي اتضيع حصتها ودرسها وزين منها تعطيهم جم دقيقه يكتبون والغلطه غلطة الابله مو غلطت الطلاب او يمكن يكون ولدج بطئ بالكتابه وبلغي الاخصائيه بهالنقطه

 

[دبدوووبة]

رد : سؤال الى المعلمات من ولية امر

مشكوووورييين عالردود بالنسبة حق ولدي فهو في خامس ابتدائي

اول الايام كتب كل شي من السبورة وانا اتابع ولدي كل يوم شنو يكتب لكن يوم قالي الابلة مسحت السبورة وانا مامداني اكتب خفت ان يتكررهالشي وكان ودي اعرف من منو الخلل عشان جذي سالتكم لان ماودي ولدي يكون بدفتره شي ناقص