سؤال خطيبك عن ليلة ادخله

[رحماك ربي **]

السلام عليكم
كيفكم خواتي
بما انكم متزوجات وخبره ماشاء الله حبيت اسئلكم
اذا خطيبك فتح معك موضوع ليلة الدخله شنو تكون ردة فعلكم
اخاف اذا قرب العرس يفتح معي الموضوع وماعرف اشلون ارد عليه :eh_s(2):
وسؤال ثاني اذا ممكن بما اني لسى بنت شنو افضل غسول للمنطقه ابي اهتم من الحين​

 

[سمر20]

هلا اختي مممممممم موضوع ليلة الدخلة بدري عليه بس بآخر ايام خطوبتك قبل الزواج اكيد رح يفتح معك الموضوع بس كل واحد يختلف عن الثاني يعني ممكن يلمح لك او ممكن يتعمق وانتي واسلوبك تتمادي معه ويقول متهوره او توقفيه عند حده باسلوب دلع مو عسكري ويهج منك قولي له استحي وغلاتي عندك لاتحرجني خدودي صفر مدري حمر ومن هالدلع

افضل غسول : الصيدليات مليانه بانواع كثير في سيباميد بصراحه حلو مميزته انه ريحه حلوه ومايضر حلو للبنوتات وفي كير فري ومناديل نفسه

وعقب ليلة الدخلة استخدمي بودرة للمناطق الحساسه من الصيدليه ومليانه وانتي اختاري اللي يعجبك
ولو اني انصحك بالمسك

 

[Gifts&Occaions]

في بالصيديات أكثر من نوع غسول

 

[هِتاف]

هع هع
طبييييييعي اذا قرب العرس بيسأل ويتعمق شوي
لاتخافين وجاوبي ع قد سؤاله لكن بحيااااااا طيب

انا لسسسى مجربه شعورك هههههه
الله يوفقني وياااك حبيبتي

 

[Patcholli]

واعليا خليه يسولف اهو شنو طايل غير السوالف خخخخ
لا اتغشمر لاتعطينه ويه ولاتخلينه يتجرأ ويتكلم بالموضوع كل شي بوقته حلو والحين مو وقته وكلش ماله داعي ولا له معنى يسولف بهالشي يعني بيسأل عن شنو بالظبط وشنو بيقول ؟
فهميه ان فترة الخطوبه حق التعرف على بعض وعشان كل واحد يفهم الثاني ويتعود عليه اما السوالف الي تصير بعدين خل يخليها لي بعدين ويتكلم بعدين على كيفه :|
مادري احس شكو يعني بيسولف شنو بيقول لوول ؟