سؤال: خلفيات التصوير؟

[الشقردية المزيونة]

السلام عليكم

بات بما انن مبتدئات ولا عندي افكار خلفيات

يعني الصورة شلون نحط خلفيات حلوة؟؟

شنو افكار الخلفيات حق الصور

مرات نشوف تكون بيضا سوداء او ملونة

شنو تستخدمون؟؟


علمونا بليز لان ماعندي فكرة ولكم الاجر

 

[juliie]

اهلين اختي

والله انا الصرااحه اذا كان الشي حده الوان او مهم ومابي اشي يخربه اختار خلفيه بالاسود او الابيض او الالوان الهاديه

اما اذا كان الشي عادي ويحتاج عليه لمسات اختار الخلفيات الملونه تعطيها حياه شوي..

وانشاء الله يفودونج الباقي

 

[عاشقة ديور]

عادي عمري على حسب الحجم الي انتي بتحطين المنظر عليه ممكن اوراق وممكن الي نفس الوسيله بالمكاتب وممكن خامات انتي عاد تفنتكي فيهم وتطلع لج شغلات حلوه اما اذا تبين فناتك التصوير وخيمه تلقينها بمركز العجيل بالمثنى

 

[aak_q8]

أنصحج بالخلفية البيضة وايد تبرز الصورة

 

[a7la tooota]

حبيبتي فيه كذا طريقه ,,

فيه خلفيات جاهزه وملونه وتقدرين تشترينها من محلات التصوير مثل عالم التصوير ,, العجيل ,, أشرف ( هذيلا الموجودين بالكويت )

أو تطلبينهم من بره ,,

وفيه خلفيات تقدرين تركبينهم عالصوره بواسطة برامج المعالجه مثل الفوتوشوب ,, ولو كنتي محترفه بالفوتوشوب بتقدرين تركبين الصور ,,

ولو تدورين بالنت عن الشي اللي تبينه بتلقين درووس ومواضيع وايد

وبالتوفيق ,,

 

[أميرة بحسنها]

انا عن نفسي
احب اصور بالخلفية السودة

بالبيت احط عبايات

او على خلفية بيضا سااااااااااااااادة

 

[No0oNh]

هلا حبيبتي بالنسبة لسؤالج في أنواع من الخلفيات منها الجاهز الي تباع بمحلات التصوير ونوع ثاني الي أهو أوراق a4 ملونه أو وسائل حسب حجم الشي الي بتصورينه اذا كان تصوير داخلي وتقدرين تستخدمين الخام وأنا عن تجربة استخدمت خام الجوخ الأسود كخلفية لتصوير الدخان وطلعت بنتايج حلوه ,,