سؤال ساعدوني ضرووووري

[اشتقت للكويت]

_




-



_







مساء الخير كيفكم ياحلوات
ودي استشيركم بشي انا زواجي بعد شهر رحت الدكتوره استشرتها وباخذ حبوب الحمل لمدة ثلاث شهور بس
بس سؤالي متى تبدا الاعراض الجانبيه حقتها يعني مثلا السمنه على طول اسمن ولا شنو خاف اسمن حييل وملابس اللي شريتها ماتدخل فيني

شكرااااااااااااا

 

[هيبة ملك]

والله مادري ماجربتها

لكن أخاف تضر على الحمال بعدين!!

 

[اشتقت للكويت]

مشكوووره هيبه على الرد
سألت الدكتوره قالتلي عادي اذا استخدمتيهم لمدة بسيطه ماراح تضر
بنات بليييز تجاربكم سمنتوا بسرعه ؟؟

 

[bint_looda]

انا ماحب الحبوب ابداية الزواج فسئلي كذا دكتوره واخذي كذا راي وعقبها استخيري وتوكلي على الله ربي يوفقج ويرزقج الذريه الصالحه

 

[addict to me]

اذا سويتي رياضه ماتسمنين

حتى لو تمشين داخل البيت

بالصاله او بالاستقبال او اذا في سرداب امشي ودوري الصاله 10 مرات

ترا المشي ينسق الجسم

 

[فاقده حنان ابوه]

ليش تاخذينهم اخاف اضرج حرام

...

 

[كويتية بروما]

والله انا كنت اخد ياسمين وضعفت عليهم
وانتي بكيفج انا عندي ماتاخدين احسن خليها ع الله

 

[صخر جلمود]

حرام تأخذينهم وأنتي توج بآول عرسج

ماتخافين من الاضرار من اللي راح يصير بعدين

اذا انتي ماتبين عيال على مايستقر فيج الحال تفاهمي انتي معاه

احسن ماتلعبين بعمرج بالحبوب

 

[منيرة خالد]

ببداية الزواج ما يحتاج تأخذين حبوب منع الحمل


اذا متفقه مع الزوج انج ما تحملين من بداية الزواج اهو يتصرف والافضل تعرفين ايام التبويض وتمتنعين عن ........... ، اما اذا زوجج ما يدري فهاذي مصيبه وحرام وغش


ديري بالج

 

[Cinderella]

ana knt ma7`that`hm o masmnt o ma2thr 3ly 3la al7amal bs lata7`theen 7aram bnhaia ahia 7bob y3ny mafeeha mnf3a mo mn mwad 6be3ia

 

[كرز حالي.]

رد : سؤال ساعدوني ضرووووري

والله مادري ان شاء الله البنات يفيدونج
اب اب

 

[ftana]

رد : سؤال ساعدوني ضرووووري

لوول لا اشدعوا مو جذيسالفتهم
عادي لاتخافين مايتغير شي

 

[روحي تحبه غصب]

مبروك الزواج والله يوفقج ويسعدج

بس حبيبتي لاتاخذين الحبوب صدقيني راح تسبب لج ضعف بالمبيض
وبعدين اذا بتاخذينهم بدون مايدري ريلج حرام والله مايرضى

راح تجيبين لنفسج مشاكل انتي في غنى عنها اذا درى ريلج انج تاخذين الحبوب وراح يفهم السالفه غلط

انا اقولج لاتاخذين الحبوب وفي اشياء ثانيه تقدرين تسوينها اذا ماتبين الحمال بسرعه

 

[اشتقت للكويت]

مشكورات حبيباتي كلكم على الرود
والله خوفتوني احترت اخذهم !
اما من ناحية التفاهم ماقدر اتفاهم معاه بالموضوع هذا على طول صعبه استحي ماعرفه زين وخاف يفكر تفكير مو حلو
يعطيكم العاااافيه