سؤال عام ... ليش الزوج ما يحب يتكلم عن ماضيه ؟

[بنوتة أمها]

شلونكم بنات

سؤال

ليش الزوج ما يتكلم عن ماضيه و لا يرضى زوجته تساله عنه

معنه انا من وجهة نظري ان هذا شي من حقها تعرفه

و لكم الراي ... :eh_s(1):​

 

[توتا حمرا]

يمكن عشان مايبي يجرحها
ولو الزوجه عرفت ماضي زوجها شنو بتستفيد
اهي ما كانت موجودة يعني مايصير انها تغار من ماضي​

 

[مولاي الفرج]

لا هذا شي خاص فيه مو من حقها تعرف

خصوصا ان مو كل مرة تتقبل هالشي

انا عن نفسي قالي من نفسه ومرات اسئله بشكل عام لان اهو نوعه يقولي عادي عنده

بس حمدلله انا متفهمه وطوفت كانت اشياء عاديه اصلا

 

[فارسة خالد]

لا مو من حق الزوجة تعرف او تسأل زوجها عن ماضيه

عيل اذا جذي اهوه من حقه يعرف ماضي زوجته

وتزيد المشاكل ويدشون دائرة الشك وتنعدم الثقة بينهم

انا من وجهة نظري محد له حق لا الزوج ولا الزوجة انهم يعرفون ماضي بعض

يعني الزوج يقول حق زوجته كنت أحب وحده قبل لا اتزوجج والا كانت لي علاقات مع بنات بالمقابل الزوجة تقوله لي علاقات مع شباب ههه والله شي يضحك

 

[iLLuMinaTion]

احتراما لمشاعر الزوجه

 

[عروس فبراير]

اي شي يقولي عن ماضيه
مستحيل ارضى انه يكلمني عن ماضيه ولو حاول انه يفتح معااي هالموضوع بسكره على طوول
مابي اعرف بسووالفه قبل الزوااج << اصلا مو من حقي لانه هالسوالف كانت قبل لا يعرفني فماله داعي احاسبه ع الماضي
انا لي شغل فيه اللحين بسسسسسسسس اما الماضي مابي اعرفه
ما سألته عن الماضي ولا بسأل
والحمدالله انه ما ياابلي هالطاري وعساه ما إييبه

 

[fdeet_shosho]

لا ماحب اعرف
وش لي بالهم والتفكير مهما صار المراة حساسه ولو يقولى شي ببدى اشك فيه وانقهر فليش كل هذا لا خلنى على عماي واهم شي مواقفه وسوالفه عقب الزواج

 

[ورود كويتيه]

هو بدووون مايذكر الماضي مو مترقع :eh_s(4): ~~~ خليه ساكت أبرك


>>>>>>>>>> أهم شي المستقبل يكون زين :dfgl:

 

[ماحب اتدلع]

لأن ماضي الرياييل يفشل ههههه المهم انا مالي شغل بالماضي ولو بيقولي انعجب في وحدة بنقهر شلون لو طلع مع وحدة بعد وااااي لا تجيبين المشاكل لنفسج وشك وغيرة مالها داعي خلج بنت اليوم والمستقبل فقط :d والسلام

 

[q8rose]

خليها مستوورة احسن هههه ليش المشاكل وعوار الراس

 

[ScarletteO'Hara]

مثل ما اهو ماله حق يعرف عن ماضي روجته
اهي مفس الشي مالها حق تعرف او تسأل عن ماضيه
ماضي راح وولى ليش نتحجى فيه؟
اهي لها الحق انها تسأل عن الي يصير بعد ما اخذها القبل ما يأثر
اذا اهو يبي يسولف من نفسه كان بها
بس اهي تيي و تحن تبي تعرف تاريخه مالها حق

 

[الأميرة جوري]

مااااااااااااضي وانتهى ليش نبش فيه..........ايام مراهقة

 

[Tom ♥ Jerry]

,


الماضي رآح مع ايامه !
مو حلو لا الزوج و لا الزوجه آنه يتكلمون عن مآضيهم
و انا مآ آشجع انه الاثنين يتكلمون أو يصآرحون بعض الماضي ,،
لانه يمكن يآثر عليهم .!

 

[جنون الغيم]

انا سولف لي من نفسه
بس انا قلت له مايهمني قبل بالنسبه لي حياتك
عندي بدت ب ارتباطك فيني
وانا اشوف مو من حق المرأه تسأل ولا من حق الرجال بعد
يسأل

 

[انا لحبيبي .]

في فئه ما بتحب تحكي بتخجل من ماضيها ، وفي فئه بتحس انه هالشي مو ضروري لانه ماضي وانتهى ، وفي فئه بتخاف من ردة فعل الزوجه ، وفي فئه ما بتحب تحكي بالماضي عشان ما تتذكره يمكن كان قاسي بالنسبه الها ، كذا سبب

 

[جولينار]

لا مو من حقها تعرف ماضيه ولا هو من حقة يعرف


وسبحان الل شوفي الله في كتابه وش قال


( يا ايها الذين امنو لاتسألو عن اشياء ان تبد لكم تسؤكم )

 

[زوجة عزيز]

هو بدووون مايذكر الماضي مو مترقع :eh_s(4): ~~~ خليه ساكت أبرك


>>>>>>>>>> أهم شي المستقبل يكون زين :dfgl:

ههههههههههههههههههههههههههههههه

 

[بنوتة أمها]

اوك

و اذا كانوا البنات تعرفينهم من قبل معاج بالثنويه ولا الجامعه او من الاهل

هم مالج حق تعرفين ؟؟؟؟​

 

[بنت بني تميم]

ماله داعي يقول اي شي عن ماضيه وهي نفس الشي ،،
الماااااااااااااضي راااااااااااح وانتهى وش حقه ينبشون بسوالف مالها داعي ..

 

[كويتيه شماليه]

لا مو من حق الزوجه تعرف ماضي زوجها ولا من حق الزوج يعرف ماضي زوجته

لان هالاعترافات تسبب مشاكل وشك وغيره بين الطرفين واحتمال توصل للطلاق

*