سؤال عن الغسالة

[حيوته]

اشلونكم حبايب قلبي ..

غسالتي من ماركة وايربوول بابها دائري من الأمام حلو ؟؟

حبيباتي الغسالة الي عندي لها 3 فراغات حق الصابون الأول فيه مثل المشخال والثاني والثالث تجويف عادي سؤالي الصابون احطه بالثاني والثالث ؟؟ والكمفورت بالأول عدل ؟؟

بس الملابس عقب ما اطلعها ما يكون فيها ريحة الكمفورت لييييييييش ؟

ثاني شي الأزرة الي فيها مو عارفة حق شنو ؟؟

عندكم زرار مكتوب عليه 500 \ 1000
وزرار مرسوم عليه طشت فيه ماي
والثالث مرسوم عليه دش ماي
والرابع مرسوم عليه شمس ومكتوب يمه نص

سؤالي شنو وظايف هالأزرة واشلون استخدمها يعني لمن أكبسها تعطي المعنى المطلوب ولا لمن أخليها بارزة ؟؟

آخر سؤال لمن أشغلها كله توقف عند حرف d لازم انا احرك الفرارة عشان تكمل مسير الغسل تهقون ليش ؟؟؟

يلا ردوا علي بسررررررررررررررررررررعه ويعطيكم العافيه

 

[أغلى حبيبه]

حيوته شلونج

الصابون بالثاني والثالث

والمشخل تحطين فيه الكمفرت

بس على نظامها ماادري شلون

انا على الدقايق اختارهم يطلع بالشاشه جم دقيقه

 

[حيوته]

مشكورة يا أغلى حبيبة ما قصرتي

ياريت لي تعرف عن الدقم تقولي اشسالفتهم الكتلوج ضايع مني

ويعطيكم العافيه

 

[الغلاااااا]

حبيبتي انا غسالتي وايربوول انا عندي الاول والثالث صابون واللي بالنص كومفرت
وانا نفسج كنت ماعرف اضبط الارقام وجم م الملابس الوانها تخترب لما رحت الغانم ولقيت نفس غسالتي بالضبط وسألت الموظف المسؤول عن الغسالات وعلمني عليها والحين اشحلاتها ماتسيح الالوان ولا شي


وبالنسبه للكومفرت حتى انا مايبين ريحته لانساله تاخذ لها اكثر من دوره اول شي غسيل ماي وصابون بعدين ماي بعدين تنشيف وماي وكومفرت وماي وصابون واخر شي تنشيف عشان جذي ماتثبت الريحه بس اهم شي ان الملابس تطلع ناعمه حتى لو مابقت الريحه الغره

 

[بناتي زينة حياتي]

الله يعينج انا اول ماتزوجت كنت اتحلطم على هالغساله تقعد نص اليوم وهي شغاله الين عرفت لطريقتها بس عيبها تطول وتلاحظين لون الملابس يتغير بعد غسلتين علشان جذي لازم تختارين الزر حسب نوع الخام ..
اذا حرير ..........( شكل زر الحرير على رسمة ريشه)
اذا تبين كأنه غسيل يدوي ..........تختارين الزر اللي فيه رسمة طشت ويد
واذا ملابسج صوف ........تختارين اللي على شكل بكرة صوف
وفي زر مكتوب عليه 30 <<<هذا معناه غسيل عادي لمدة نص ساعه وهذا اقل شي واللي استخدمه حتى ماتخترب الوان الملابس
وفي زر رسمة طشت بروحة ......معناه تنقيع للملابس
ورسمة كانها مروحه ..............معناه تنشيف بس

وفي ازار على يمين الغساله فوق مكتوب عليها 400 - 800- 100 وغيره << هذا معناه قوة التنشيف شكثر تبينها اعلى رقم يعني ناشفة حييييل وهكذا


اتمنى فهمتي علي :ggdw::ggdw:

ومانبي غير دعواتج يالغاليه

<<< حاسه بمعاناتج

 

[حيوته]

حبيبتي الله يخليلج بناتج مشكورة يا لغالية تعبتج معاي

 

[nora77]

انا عندي نفس الغسالة بس ابي اعرف في زر مرسوم عليه اوتي اشلون استخدمه

 

[عمشه المنتفشه]

نفس غسالتي

معاها ورقه فيها جدول وكاتبين كل علامه ةيمها شرح مفصل

اذا مو عندج روحي الغانم اخذيها


المشخل هو حق الكومفورت ولاتحطينه من اول شي حطيه باخر دوره بس هم ماتطلع الريحه قويه مادري ليش