سؤال عن المنحه

[خبيرة اعشاب]

اول شي عليكم بالعافيه المنحه و ان شاء الله تستفيدون منها

بس حبيت اسال ..سوعاال مهم ..الحين اذا وحده عندها عيال اكيد منحه العيال نازله بحساب ابوهم ..فاشلووون ؟؟


تناصفينه ؟

يعطيج منهم مبلغ معين ؟؟


تاكلين تبن و تسكتين ؟؟

:eh_s(13): :eh_s(13): :eh_s(13):

 

[aBoOoRa]

والله انا عادي عندي ابوي اذا يبيهم عليه بالعافيه لاني راح اخذ دبلهم حق ملابس الكليه والعيد قرب وسيارتي داعمه فيها وبيصلحها وعيدميلادي بيشتريلي هديه يعني 200 ولاشي بالنسبه للي راح يشتريلي ويعطيني ....
مشكوره حبوبه عالمشاركه الحلوه ​

 

[ياشايل الظبى]

ههههههههههههههههههههههههه سكتى احسلج .. لان ما اتوقع يعطيج من منحه العيال

 

[دكتوراة بالذوق]

خخخخخخخخخخخخخ

وراي مستشفى وولادة وخرابيط وتجهيزات لازم اتكلم واخذ لو شوية منهاااااااااااا



؟؟؟؟

 

[منورة الكويتية]

ماادري احس هالفلوس مو من حق لا الابو ولاا الام هالفلوس تنحط بحسابات العيال (التوفير)

 

[سنا الفضه]

لا والله شكو اطلبهم هو الله يتمم عليه مايقصر مسئول عن بيته وعياله فأكيد المنحه بتكون بنفس المصرف يعني بيرد يصرفها على العيال

فالموضوع كله راح يصير خذ من جيسه وعايده

ليش بتضيق عيني على 200 دينار بناشبه عليهم وهو بيصرفها علي وعلى عياله

 

[yasmina]

أنا الي أشوفة أن تتحول بحساب الياهال.... هذا حقهم ...

 

[Boochy]

انا من راي منوره وياسمينا

 

[$الـــحـــلاوه$]

صح انا اشوووف ان هالمنحه
من حق كل كويتي كبير او صغير

بس عليهم بالعافيه امي وابوي اذا خذوهم
ما يقصرون علي بشي

 

[رفرف]

انا اخذها كلها ..
اما اشتريلها فيها ذهب .. او احطها بحسابها ..
بس مو من حقي اصرفها هاذي حق اليهال ..

 

[الله يرحمك بابا جابر]

احسن شي تنحط بحساب اليهال

 

[أنا وين ؟؟]

لا لي ولا له حق اليهال طبعا







ينقل لقسم بلاد الخير والعطاء

 

[Q8-Lady]

انا مع راي البنات اللي قالوا تنحط في حساب اليهال

 

[خبيرة اعشاب]

ماشاء الله عليكم

انا من امس مناشبته نص لي و نص لك
نبي نجهز حق رمضان و نبي مواعين و نبي و نبي ...



بس حلوة هاذي خذ من كيسه و عايده

 

[Om_RayooMa]

عليه بألف عافيه
لاني متأكده ماراح ياكلها علينا
هيهيهيهيهي لاني ساعتها راح:eh_s(13): :eh_s(13): :eh_s(13):

 

[أم جوري]

السلام عليكم ورحمة الله وبركاته

المنحة جمعناها ودفعناها للتسهيلات علشان نفتك من الاقساط ....

والفلوس وسخ دنيا ما راح اتخانق وياه عليها يعني لو اخذها كلها عليه بالعافية ... فلوسه وفلوس عياله ...

 

[^^دموع الكويت^^]

انا من رايي لا حق الابو ولا الام

تنحط بحساب اليهال :eh_s(6):​

 

[نجمه*]

اي والله اهي من حق اليهال

 

[MaYoOoma]

والله لا حقي ولا حقه بنحطهم بحساب ولدي

 

[خبيرة اعشاب]

ابشركم ...ناشبته ياما خذيتهم منه

ابشتري للبنات ذهب و الصبيان ابكشخهم حق رمضان و العيد ...

و انا الله لا يوريكم هي كلها 200 دينار و ناويه اشتري فيها كل اللي باسواق الكويت

هههههههههههههههه