سؤال عن امتحان القبول للي عيالهم بروضة أكاديمية الابداع

[hanham]

خواتي اللي عيالهم بأكاديمة الابداع ,ودي اعرف شنو نو ع الاختبا راللي يعطونه لليهال اللي بيدشون مرحلة الكي جي 1 ويركزون على شنو بالضبط في متحاناتهم ؟ لأن حسب ما فهمت من اولأراق انهم يمتحنون الياهل أكثر من امتحان ومايصير ولي الأمر يدش وياه لمكان الامتحان .
امتحان المقابلة لولدي بيكون الأسبوع الياي ان شاء الله

ياليت اللي تعرف تفيدني وجازاكم الله خير خواتي

 

[hanham]

up

UP


UP​

 

[حلم الطفولة]

تركيب بسيط اللي موجود بالمكتبات ..: لوحة خشب وعليها قطع يحطها الطفل مكانها الصحيح

مهارة استخدام المقص : يعطونه مقص ويطلبون منه قص شكل معين أو القص على خط منقط >> مو ضروري يعرف عدل بس خلس الطفل يمسك هالأيام مقص خاص بالأطفال ويقص بمراقبتج حق تتعود إيده شوي.

يقرون له قصه وكل شوي يسألون الطفل عن محتويات موجوده بالقصه .. هذي شنو ؟؟؟ سمكه .. هذا شنو ؟؟ مربع ...

يشوفون مسكته للقلم وقدرته على التحكم ,, بالرسم فوق النقط .. : يعطونه مثلا دائره منقطه ويطلبون يرسم فوقها.

معرفته للألوان .. والأشكال البسيطه ..

(( بس حتى لو ماعرف إلا بعض الأشياء فالأهم بالنسبه لهم إن يكون متجاوب واجتماعي ... ))
يعني ممكن تكون مسكته للقلم مو زينه .. ويمكن يغلط بشكل أو بصوره .. بس الأهم إنه يتجاوب ويتفاعل مع اللي بتقعد معاه وتسأله.

- تقدرين تطلبين إن الاختبار يكون بالعربي بس احتمال إذا كان عندهم ضغط وايد يسوونه فقط بالإنجليزي .
- تقدرين تطلبين وقت الاختبار لما تروحين معاه ويدخلونه قولي ممكن أدخل معاه .. يدخلونج تقعدين على جانب الغرفه .

وسلامتج ,,

 

[حلم الطفولة]

ضغطي كليك على هالعنوان هنا : ** جهزي طفلج لاختبار المستوى أو شغلي وقته بالبيت : مواقع -(أوراق عمل للطباعة)- **

 

[hanham]

ماقصرتي حلم الطفولة كفيتي ووفيتي ويزاج الله خير عاد دعواتكم يطوف الاختبار

 

[حلم الطفولة]

موفقين ان شالله , ربي يكتب لكم الخير وين مايكون .. آمين.

 

[نطوووعه]

لو سمحتي بغيت اعرف شلون ولدج مقابلته الاسبوع الياي و بموقعهم كاتبين ان التسجيل اول مارس! انا مارحت الحين اسجله لاني التزمت بالموعد اللي اهما حاطينا! تكفون فهموني شسالفه!!

 

[حلم الطفولة]

اختي الاسبوع الياي يوم الأثنين القادم يعني بعد عطلة العيد الوطني مباشرة يكون التاريخ 1 / 3 ويكون أول يوم للتسجيل .. بس انتي روحي حجزي مكان.
روحي باجر أو عقب باجر ودخلي عالتسجيل وقولي آنا أبي أعبي أوراق لولدي مستجد ,, وسئلي متى تقدرين تاخذين له موعد للاختبار .. ومتى تحجزين مكان لولدج ... وشنو الأوراق المطلوبه .....

 

[نطوووعه]

hanham
بليز بسئلج انا رحت اليوم الابداع عشان اخذ ابلكييشن لولدي حق الكي جي 1 قالولي ان الكي جي 1 فل ماكو مجال لانهم عطو الاولويه حق اللي اخوانهم طلبه عندهم و حق اللي كانو بحضانتهم

و ان المقاعد امتلت خلاص وقالولي تعالي ب 2 مارس و يصير خير يمكن نخليج وييتنغ ليست اذا كان في مكان يعني احد طلع من اللي كان لهم الاولويه


فشلون انتي سجلتي ولدج؟؟ اقصد شلون رضو يعطوج الابلكيشن و حددولج موعد الامتحان؟؟ انا مارضت تعطيني الابلكيشن و ماتظالع ويهي واهيا تحاجيني اصلا !!

ياريت توضحينلي يعني انتي عندج عيال فيها او انتو مساهمين المدرسه؟؟ لان اذا وضعج نفس وضعي و اقبلو ولدج وانا يقولونلي مايصير فمادري بصراحه شفيهم !

 

[hanham]

اختي نطوعة فعلا الأماكن عندهم فل من قبل مدة بس ظلت اماكن حق اللي مسجلين في حضانتهم أصلا اللي حضانة سمارت كدز وانا ولدي بهالحضانة عشان جذيه له أولوية في التسجيل وقالولي عندج ليوم 24 فبراير عشان اسلمهم اوراق التسجيل وفلوس حجز الكرسي وفعلا وديت الأوراق والفلوس ووحددلولي موعد المقابلة

اما اللي مو من حضانتهم ففعلا يكون ردهم ان ما كو اماكن وكل الكراسي فل ويمكن عطوج لأول مارس عشان يشفون الكراسي اللي ما ما احد خذاها للحين لأن مو كل اللي بحضانتهم يبون يسجلون بهالمدرسة واكيد في ناس ما ينجحون في امتحانات القبول فتتوفر عندهم اماكن للناس اليدد

 

[نطوووعه]

صح قالولي اول مارس يبين معاهم


صراحه قفلوها بويهي حسيت ان ماكو امل شدعوااا وانا حسيت اني ارتحت للمدرسه

الله يكتب اللي فيه الخير و مشكووره و الله يوفق وليدج و ينقبل ان شاء الله

 

[jegrom]

وين صاير مكانها بناات؟