سؤال عن بيننغ

[عاشقة السفر]

السلام عليكم يا بنات أحلى منتدى ..

الحين أبي اسال خبيرات ماليزيا عن بيننغ .. بيننغ أقدر أروحلها من كوالالمبور بالسيارة ولا لازم وبالسيارة ؟ وإذا يصير بالسيارة شكثر تبعد ؟
شنو أحسن فندق ؟
جم يوم يبيلها ؟
شنو الرحلات إلي تسوه الواحد يروحلها ؟ وشلون أروحها مكاتب سياحية ولا تكاسي ؟
شنو أسامي المولات إلي تسوه فيها ؟
أنا دايمن أسمع عن السوق الليلي شنو فييه هذا ؟

وفي إنتظار خبيراتنا

 

[MsMoonlight]

بيننق هذي جزيره ما يصير بالسياره .. يا بالطياره او باخره .. انشاء الباجي يفيدونج

 

[بعثرة محبره]

تقدرين تروحين من كوالا الى بيننغ بسياره عادي ..
احنا سكننا في الهوليدي ان بس ماحبيته .. حلاته ان بنفس الشارع يحطون السوق الليلي..

فيه فندق روووعه وراقي بس مالقينا حجز فيه
اسمه .. شانجريلا راسا سايانج
قريب من السوق الليلي

وبعد فندق بارك رويال حلوو وقريب من السوق الليلي

السوق اللي اذا جت الساعه 7 تقريبآ يجوون صينين ويفتحون كشكات ويبسطون بكل شي
شناط ملابس تذكارات اكسسوارات ساعه سيديات .. حلو يونس

بس تبين الصراحه ترا بيننغ مو مريحه ابد ابد ابد ..
اول ماوصلنا ضاااااقت خلوقنا انا وزوجي .. حتى ربع زوجي يقولون هالكلام

 

[شياكه]

عزيزتي

حسسب ما اعرف ان بيننغ جزيره وانا رحت لها من كوالا لمبور بالطياره

سكنت في الهوليدي ان البرج فندق عادي زحمه مليان اوربيين مويته لونها متغير ميزته انه وسط السوق الليلي تنزلين تلاقينه تحتك وبعد مطاعم عندك الطربوش حلو اكله
انا ما توفقت في السوق الليلي مشيت فيه اول يوم وكانو عيالي تعبانين و رجعنا الفندق و الليلتين الي بعهده نزل مطر فما حطو سوق ليلي لانه يبدى من الساعه 7 بالليل

روحي زوري الشلالات الصغيره حلوه
ومركز القهوه شريت منه لاهلي
هضبة بيننغ حلوه والجو فيها بارد تصعدين لها بقطار بس زحمه
عموما اغلب التكاسي حاطين معهم نشرات عن الاماكن

الاماكن الي ما اعجبتي و ضاع وقتي فيها هي محلات اللولو و معرض الالعا ب معرض خايس حاطين الالعاب في صناديق زجاج والدخوليه للفرد ب25 ريجنت حسافة الفلوس و التاكسي

لايفوتك المساج في المحلات الي في السوق الليلي حلوه الاسعار و فيه غرف خاصه للحريم ويقولون لوتبين نجي للفندق جينا

 

[ArEEj]

بيينغ تروحين لها اما بالطياره او بالباص او تتفقين مع تاكسي

وبيينغ حلاتها بقعدة البحر والالعاب البحريه والتمشي
يعنى جنج رايحه الشاليه
مالت استرخااااء ووناسه
لا تروحين رحلات هناك ما انصحج
حتى رحله جزيرة القرود رحله على الفاضي الا اذا تحبون صيد الاسماك
الفندق كموقع على البحر انا حبيت باى فيو بيتش
وكموقع بالنسبة للسوق الليلي الهوليدي ان اقرب

عموما انتى روحى وشوفيها بنفسج
الحياة تجارب وحلو انج تزورين كل الاماكناللى تقدرين عليها

السوق اما جورني بلازا او كومتار بس

 

[Samurai]

طريقها طويل بالسياره يمكن 7 او 6 ساعات .. روحيلها بالطياره احسن وارخص على طيران اسيا ..

انا عن نفسي ما حبيتها ..

 

[حبيبة حمد]

بالطيارة اريح واسرع احنا رحنا بطيران آسيا وله مطار غير عن مطار الطيران الماليزي
اذا بتروحين سكني بفندق شنجريلا راسا سايانغ يهبل روووووعة
عندهم سيارة الجولف يودونج للسوق الليلي مجاني وعندهم باصات يودونج رحلات للداون تاون مع جروب وينزلونكم ويردون لكم بعد جم ساعة بنفس المكان اللي نزلكم فيه وعندهم الشاطئ عجيب تمشي وألعاب حلوة
وأنصحج تروحين لمحل اسمه coffee tree عندهم كل انواع الشوكليت والقهوة مكان وايد حلو ويعطونكم ورقة وقلم تكتبون ذكرياتكم ويعلقونها بالمحل فتشوفين الطوفة كلها اوراق معلقينها ذكريات وكل اللي كاتبين عرسان :eh_s(6):
أنا أول مادشيت المحل ولا البياعة تقولي انتي من الكويت ؟؟ قلتلها شدراج ولا تقول لأن كل اللي من الكويت يدشون المحل ولابسين الشيلات اللي عليها خط شوارفسكي هههههههه:eh_s(6):
صراحة انا اكثر مدينة استانست فيها بيننغ والله تهبل ووناسة
أخذنا غرفة فيو بيش وريوقهم بوفيه يهبل وكبيييير
الله ذكريات والله حلوة...... ان شاءالله تروحين وتستانسين هناك واذا رحتي بيننغ راح تدعيلي

 

[عمشه المنتفشه]

احنا رحنالها من لنكاوي بالعباره وااايد استانسنا

عندج ثلاث عبارات

البطيئه 4 ساعات

المتوسطه ساعتين ونص

السريعه ساعه ونص

خذينا المتوسطه وكانت سرعتها زينه ووناسه مريحه جنها طياره

قعدنا 3 ايام او جن 4 ماذكر بس صراحه تونس

قعدنا بهوليداي ان اللي يطل عالسوق الليلي وفي هوليداي ان مجابله يطل عالبحر فظيع

الفندق يهبل وهادي روووعه

يمكم مطعم اسمه لبنان غدانا وعشانا فيه

بيننغ فيها اماكن وايد

حديقة الفواكه : مانصحج فيها حر وماتسوى

حديقة التوابل : مارجتلها بس مايمدحونها يقولون كلها حشرات

حدية الفراشات : حلوه احلى واكبر من اللي بكولا

الشلالات

هضبة بيننغ

معبد بوذا النائم يهبل روحيله تشوفين اشياء عجيبه غريبه

 

[همسه@@]

انا رحت لماليزيا 3 مرات وكل مره نسكن فنادق غير عن المره الي قبل وكلهم حلوين
احسن فندق في بننج هو اما سنجريلا أو موتيرا (ناس يسمونه موتيارا)
واكيد روحيه بالطياره شلج بالعذااااب
اتوقع 4 ايام تكفي فيها يعني 3 ليالي
والباقي وانتي هناك سألي لأن كل سنه يفتحون اشيا جديده

 

[*_^ arrwa]

حبييبتي انا رحت لها وحلو لجو العائلة تصيدون سمك وعلى ما اعتقد ان الصيد بـ 500 ريجت او واحد بخمسين رينجت يعني

هي يبيلها 3 ايام وما انصج ابد بجيتقج تحوم الجبد ووووصايرة جبلية وصغيرة وبررد بس احسن شي لمن ينزل الظبااب وبعدة مطر

اذا بتروحين لبيننغ بالسيارة حدود الساعة سااعتين وانصج نصيحة روحي للمدن الي بماليزيا روحي لسلنجوس وبيننج وكوالا لمبور

يعني هم الي ينراح لهم بس لمن رحنا لجينتق ابدا ابدا مو حلوة واقعدي اكثر شي بسلنجوس وكوالا لمبور اما بيننج حلوةبس حقت

يوومين ثلاث واتمنى اني كفيت ووفيت

 

[qema87]

احنا رحنا وتحبطنا !!! استغفر الله الخليجيين اللي اهناك بس يخزووون فينا جنه يايين من القمر و لي تكلمنا قالوا كويتيين والله قلنا اسبان !! زين شكوو فيناااااا .. و شارع اليل رحت و تحبطت زباااله و كله تقليد !! ماحب جذييييي

و البحر مايصير تسبحون كله جلي فش !! عاد شلنا قشنا و رحنا لنكاوي يووم واحد وردينا بننق لان دافعين و خالصين !!

يعني ماكووو مقارنه بينها و بين شرم للشيخ و بين ماربيا و بلغاريااا

 

[باتشا لوتشي]

بيننق محد مدحها لانها حيل زحمه وصينيين واجانب زحمه

تبين نصيحتي روحي جزيرة لينكاوي اوني واحلى وارقى وانقى واهدى

يسمونها جزيرة الاحلام

سكنا بمنتجع لينكاوي لاجون بالكوخ امبييييييييييييه المكاااااااان مو صج

فيها عدة امكنه الشلالااات والتلفريك والمتاحف وحديقة القرود صراحه لينكاوي احلى بواااااايد بنت خالتي راحت لبيننق تقول بايخه

وعاديه ما استانست انا رحت لكوالامبور وجنتنق وجزيرة لينكاوي بالطياره وفيه همن بالعباره بس يقولون تعب مادري

استانست بجنتنق بس مو حلو اتطولين فيها حدها يومين لانها بجبل مرتفع ومافيه الا حديقة العاب كبيره يعني حدج يومين

والجزيره نصيحه طولي فيها ونيسه وحلوه

ولج الاختيار

.
.
.

 

[Judy abbott]

واي بننق اتينن ما ادري ليش حبيتهاااا

احنا سكنا بهولدي ان وما اعرف فندق ثاني وانا حبيته لانه تحت السووق ويمج البحرر

واذكر انه احنا رحنا بننق بسياره لا بطياره ولا باخره ؟!

وفي مجمع حلو ما ادري شنو اسمه بس في كلمه بلازا والتكسي اهناك يدلون كل مكان بس قوليلهمم ابي مجمعات حلوه اهما يودونج احنا كنا نسوي جذيي

 

[مشمشه76]

اختي انا رحت من سن واي لاجون الى بننج مع زوجي وعيالي بالسياره وتبعد اربع ساعات وماراح تحسين في الوقت من المناظر الحلوه وسكنا في بارك رويال انا متعوده كل سنه اسكن في وبانسبه للمجمعات عندك جيرني حلو ومجمع قريب من المطار قمه مجمع جديد توه مبطل والسوق الليلي يونس تحصلين في شغلات حلوه ورخيصه وروحي حق مصنع ا لقهو والكاوكاوcoffee tree وحديقة الفراشات حلوه