سؤال عن دراسة اليهال بأمريكا، استراليا وغيرها

[Sa7aBa]

السلام عليكم بنات

حابة اني استفسر عن اللي مبتعثين عن طريق اي جهة أو على حسابهم ومعاهم يهال

اول سؤال ..
الروضة من اي عمر ؟ يعني جم عمره الياهل عشان يدش أول روضة ؟

ثاني سؤال ..
اكيد في اجراءات عشان يدخل/ تدخل الروضة .. شنو اهي الاجراءات أو الأوراق ... الخ

ثالث سؤال ..
شلون طريقة الروضة بره ؟

وشلون راح يتأقلم كون المجتمع اللي فيه غير اللي تعود عليه وغير اساسا لغته !

وااخر سؤال عن التطعيمات لووووووووووووووول دشيت عرض
شلون طريقة التطعيمات

عشان ابدي اجهز كل شي قبل لا اروح !! وعشان ما اتوهق :eh_s(15):
حابه اني اخذ خبرة ومعلومات عنكم

:eh_s(17):

 

[زينة 66]

الروضة من اي عمر ؟ يعني جم عمره الياهل عشان يدش أول روضة ؟
4 سنين والاقل حظانة

اكيد في اجراءات عشان يدخل/ تدخل الروضة .. شنو اهي الاجراءات أو الأوراق ... الخ
سهلة اوراق التطعيمات و الاقامة و الاهل

شلون طريقة الروضة بره ؟
جناااااااان و يخلون الاطفال يلعبون ويتعلمون اللغة احسن

شلون طريقة التطعيمات؟
بامريكا اعتقد هم يعطوهم التطعيمات من توصلين بس اخذي اوراق التطعيمات اذا عندج (احتياط)
.
.
.
.
.
لا تخافين ابداااااا الروضة سهلة وتعاملهم حلوووووووووووووووووو

اتمنى اكون ساعدتج شوي !​

 

[Sa7aBa]

حبيبتي مشكووورة و ماقصرتي .. يزاج الله خير

كان ودي في تفاعل اكثر

 

[D.asmaa]

اولى روضه 5 سنين يعني لازم يكون كامل 5سنين اول السنه يعني شهر واحد باختصار انا ولدي اولى روضه بالكويت راح يدخل هني اولى روضه بالكويت عندنا 4 سنين وهني 5 سنين تبدي المدارس نص 8 تقريبا الاوراق اللي محتاجينها انا ولدي مواليد امريكا يبون شهاده الميلاد وانا رحت الصحه الوقائيه ترجمت شهاده التطعيمات حرصي عليها عشان المدرسه وعشان تكملين تطعيماتهم الدوريه وطريقتهم بالدراسه ما جربتها ليلحين شهر 8 يبين دخلته الحين مخيم اول ما وصلت عشان يتعود عالشعب اي استفسار انا حاضره
ر

 

[D.asmaa]

وعمر 4 سنين يصير بري كي عادي حكوومه بس اقل لازم تدفعين وتدخلينه خاص

 

[Australia girl]

حبيبتي ماعندي فكره عن الروضه بنوتي توها صغيره

بس بجاوبج عن التطعيمات اخذي دفتر التطعيم معاج ولو في دكتور يكتبلج بانجليزي زين على زين يكتبلج شنو اخذ البيبي 0 انا سويت جذي

وبس تيين (استراليا ) راجعي اقرب عياده عند سكنكم وهناك يتابعون

 

[Sa7aBa]

وعمر 4 سنين يصير بري كي عادي حكوومه بس اقل لازم تدفعين وتدخلينه خاص

معليش شوي مخي قفل
لما نكون هناك راح يصير عمره 3 يعني مايدخل .. ولو بدخله راح يصير حضانه وندفع لها طبعا .. صح جذي ؟

ولما يصير 4 سنين ادخله روضه ولاّ هناك مايدخلون الا لما يكمل ال5 ؟ صح ؟

يعني بالأحرى لما يرد الكويت يدش روضه وتكون طايفته سنه اذا اهما يدشون عال5 !!
لأنه مدة دراستنا هناك بتكون سنتين باذن الرحمن

صح ولاّ انا متلخبطة ؟

 

[Sa7aBa]

حبيبتي ماعندي فكره عن الروضه بنوتي توها صغيره

بس بجاوبج عن التطعيمات اخذي دفتر التطعيم معاج ولو في دكتور يكتبلج بانجليزي زين على زين يكتبلج شنو اخذ البيبي 0 انا سويت جذي

وبس تيين (استراليا ) راجعي اقرب عياده عند سكنكم وهناك يتابعون

مو غيروا التطعيمات فلابد من اني اروح اترجم التطعيمات واخذ اليديد
جنه قالوالي انه بمجمع الأوقاف يسوون هالشي ّ! تبع وزارة الصحة

 

[D.asmaa]

هلا والله ئي تروحين مجمع الاوقاف مكان كئيب بس والله خوش موظف جزاها الله خير خلصتلي اياها بيوم ولازم معاج صوره من الجواز وطابع بدينار حق كل شهاده ميلاد اذا ماني غلطانه برج 15 المدخل اللي ورا جبال سنتر بوينت تصعدين فوق وتلاقينهم فاضي ماعندهم احد

 

[D.asmaa]

بالنسبه حق الروضه راح تيين تدخلينه حضانه بفلوس وبعمر ال4 يدخل pre k حكومه عادي ولما تردين الكويت اذا بتكملين حكومه اتوقع يكملونله على نظام الكويت ويكمل 2 روضه انشاءالله لاتحاتين انشاءالله واسفه عالتاخير

 

[Sa7aBa]

بالنسبه حق الروضه راح تيين تدخلينه حضانه بفلوس وبعمر ال4 يدخل pre k حكومه عادي ولما تردين الكويت اذا بتكملين حكومه اتوقع يكملونله على نظام الكويت ويكمل 2 روضه انشاءالله لاتحاتين انشاءالله واسفه عالتاخير

ان شاء الله على يوم بروح اسوي الأوراق
مو مشكلة الفلوس_ اهم شي عندي انه يتعلم بس ولدي الله يحفظه عسر عساااااره الله يهديه
دخلته حضانتين بالديرة بس يشتكون انه يبجي واعد يخرب عاليهال
ويبجي متواصل ! فطلعته
ولما نمر بالشارع اللي فيه الحضانة يضيق خلقه يقولي مابي سكوول حياتي

الله المستعان
مشكووووره وماقصرتي :eh_s(7):

 

[D.asmaa]

حياج الله انا بنتي عمرها 2 مادخلتها بالكويت كلش الحين سجلتها حضانه الله يستر اهيا عسره بعد كيفهم يتصرفون معاها بس ولدي لا حليو ماعليه خوف انشاءالله الله يسهل امووركم يارب

 

[Sa7aBa]

اجمعين ان شاء الله
الله يحفظهم