سؤال عن دكتور تجميل انف ايراني بالامارات

[أم رنا]

السلام عليكم

عندي سؤال ابي افضل دكتور تجميل للانف

مالقيت دكتور بالكويت من غير ما احد يسب شغله صراحه ماودي اغامر بخشمي

ابي دكتور ايراني شاطر او لبناني بس يكونون موجودين في دوله خليجي

الاوضاع في ايران ماهي زينه للخليجيين وصعبه اروووح لهم

سمعت ان الدكاتره الايرانيين موجودين بالامارات

تكفوووون خواتي فيدوني

وراي عرس اخوي بعد كم شهر ونفسي اعدل خشمي

 

[دلالي23]

وااااي ام رنا خرعتيني عاد انا كنت مفكره اروح بعد العيد ايران اسوي خشمي :"(

 

[$نرجس$]

وانا بعد نفسج ودي وصارلي فتره اسأل البنات ياريت يساعدونا

 

[اماراتيه_دبي]

اخيرا حد تكلم عن الدكاتره اللي فالامارات لوووول ييتي والله يابج اختي انا من دبي وفيه عندنا دكاتره هنود في جميرا بس هب شي

ماديين واايد وعندنا دكتور غابرييل صعب ورحتله بس مارتحتله ابد شافني وقالي شو اللي حابه تغيرين فخشمج قتله اللي ابا قال

يالله هووبا بنسوي العمليه الاسبوع الياي قلت شو هذا صدق مادي ومارتحتله المهم اخر شي رحت عند دكتور برازيلي عيادته في

جميرا بعد وسرتله ويلست وياه وقلتله اللي ابا اسويه ومادري ارتحتله صراحه بس ماشفت شغله وحتى راواني عن طريق

الكمبيوتر كيف بيكون خشمي وقالي 80 بالميه جيه بيستوي خشمج نفس اللي فالكمبيوتر وهو مسوي كتب ومسوي لمشاهير وطلع

في برنامج جوويل انا بعدني متردده ومادري وين اروح وبالنسبه للدكاتره الثانيين ماسمع عنهم ابد بس هذيلا المشهورين فدبي

وخبريني شو بتسوين

 

[اماراتيه_دبي]

وينج ياام رنا؟؟

 

[اماراتيه_دبي]

وينج يا ام رنا

 

[$نرجس$]

شسم الدكتور البرازيلي وله موقع انشوف شغله قبل وبعد

 

[اماراتيه_دبي]

اسمه الدكتور لويس توليدو عيادته في دبي في شارع جميرا وهذا موقعه حبيبتي http://www.drluiztoledo.com/

 

[$نرجس$]

يعطيج العافيه قلبي اماراتيه

 

[$نرجس$]

بس موحاط صور قبل وبعد اشلون بعرف شغله اذا يعجبني ولا لا

 

[اماراتيه_دبي]

هيه هب حاط شي ابد وهذا اللي مخوفني محتاره وماعرف شو اسوي وفيه بنات مسوين عنده بس ماخبروني عنه اهى اهى بصيييح

 

[$نرجس$]

الله يعينج انابصراحه ما اثق بدكتورما يحط صورشغله قبل وبعد اشلون اقيم شغله واعرف انه مضبوط ولا لا انا عاجبني شغل بهزاد دكتور ايراني شاطر

 

[اماراتيه_دبي]

وين هذا الدكتور فدبي ولا وين خبريني عنه

 

[أم رنا]

تسلمووون حبايبي

وياليت اللي عندها خبره في دكاتره الامارات تقول تجبرتهاااا


ننتظر التجارب

 

[$نرجس$]

لا جاااااااااااااااااان زين جان رحتله قبلج لا بايران يمه شغله يهبل بس انا حدي خايفه البنات بالمنتدىيقولون الاوضاع عاديه ولما اكلم رفيجاتي يقولون انتي مو صاحيه لا اتروحين وحدي محتاره ودي بالامارات بدبي او اوبوظبي بس يكون دكتورايراني

 

[ملكة الأرجوان]

انا رايحه ايران من فتره قصيره وكنت مثلج متخوفه من كثر مااسمع كلام بس صدقيني الاوضاع جدا عاديه والاعلام مسوي تهويل اكبر من اللازم توكلي وروحي وبتشوفين الطياره متروسه بعد ولو في شي جان وقفوا رحلات الخطوط من صجكم انتو