سؤال عن د.سامي الحارثي لتجميل الانف

[فريـــــده]

السلام عليكم ورحمة الله وبركاته

اسعد الله مسائكم بكل خير <<


عفيه بنات الرياض اللي سوت تجميل انف او شافت على ارض الواقع احد تعرفه تجي تطمني وتقول لي
لأني ان شاءالله احتمال بسوي عنده

بليييييييييييز ادعوا لي

 

[ســــــارا]

اول مره أسمع فيه
اب لعيونك

 

[غاده بنت وليد]

..~

حتى اناآآآ بس لا تستعجلين

ابحثي مره واثنين واستخيري

الله يكتب لك الخيره


.~

 

[فريـــــده]

شفت بنات يمدحونه في منتديات ثانيه وحجزت عنده موعد <<<<<<<<<< /: مابي اتحطم الحواري الله يهديه زحمممممممممممممه

 

[DeemKsa]

فريده وينكككك ؟

أبي أتواصل معككك ضرووووري

 

[قطره]

بعد بحث وطول انتظار لاكثر من عامين :bbbiu: سويتها عنده قبل خمسة ايام ومنتظر النتيجه وقال لا اكلمه الا بعد ثلاثة شهور عن شكل الانف ,, والله يسهلها ​

 

[سور الفرح]

الي سووا عند الدكتور سامي الحارثي
شنهو نتايجكم

 

[سور الفرح]

قطرة أنتي سويتها بالحكومه
ولا على حسابك
وكم انتظرتي بالحكومه
ممكن أشوف أصور خشمك قبل وبعد
أ

 

[فريـــــده]

يوووه زمااااااان هالسؤال سويتها وعديت سنه و6 شهور الحين .. اول ماطلعت من العمليه حسيت انه مااشتغل في الرنبه زي ماابيه وطمنت نفسي وقلت ورم .. فك الجبيره وطلع خشمي جميييييييل بعدها بيومين رجع يرفع ضغطي ونزلت الارنبه وبان انه فعلاً مااشتتغل في الارنبه زي ماابي .. الحمدلله خشمي الحين احلى من اول بس قاهرتني الارنبه وبشوف شغلي معها بعدين

 

[فريـــــده]

كم مره قلت الارنبه <

 

[سور الفرح]

يمكن الي طلبتيه مايناسب وجهك يعني لو أشتغل بالأرنبه
أهم شيء طلع حلو بشكل عام

انا انفي عريض وممسوح يعني مافيه ملامح صاير مستطيل وعندي الخنافر جلدها سميك والأرنبه يبي لها رسمه وأذا ضحكت ينفرش

يعني يبي له رسم من فوق الي تحت

قال لي الدكتور
انه بيشتغل عليه اهم شيء يطلع حلو
وانا مو حاطه في بالي شكل معين
أهم شيء يزيل العيوب ويصير شكله أحلى من أول


يمك

 

[جواهرر]

فريده لبى قلبك بسالك بما انوه صار لك سنه وست شهور

الانف صحيح كلام الناس انه يمر بمراحل كثيره كل شهر له شكل وهل بعد ست شهور فعلآ يطلع الشكل النهائي ؟؟؟؟

لان انا صار لي الحين مسويه العمليه شهرين بالضبط الشهر الثاني احسه ماتغير باقي على شكله بس الشهر الاول اختلف عن الشهر الثاني كثيرر بس هل الشهور الجايه ان شاءالله يتغير بعدد اكثررر امانه رددددي علي فديتك

 

[سور الفرح]

جواهر عند مين سويتها
وشنهو مشكلتك
عوتحسين راضيه على النتيجه

 

[فريـــــده]

يتغير اكيد بس بعد ال 6 شهور يبدا يتغير ببطء وانا عن نفسي احسه الورم ينزل للارنبه بشكل عنيف

 

[قطره]

السلام عليكم ورحمة الله ،،،
أسف على التأخير ولن أطيل عليكم ،،،
احذروا أشد الحذر من سامي الحارثي و الله الذي لا اله الا هو انه ما يعرف في التجميل الا اسمه . يا جماعه كان انفي مشوه جدا بروز في العظم وميلان في الغضروف نتيجة حادث قبل 10 سنوات يعني كانت توقعاتي مهما كانت النتيجه سوف تصبح أفضل من السابق لكن والله العظيم أنها أصبحت أسوأ من السابق .
الارنبه مرتفعه جدا وتظخم من المنتصف ولم يكحت العظم جيدا ويوجد مثل الحفر الصغيره في العظم بالمختصر ( عملية تشويه ) حسبي الله عليه عرضتها على أطباء أخرين فلم يجدوا الا الصمت أفضل تعليق لهم .
والله العظيم لم يارني أي شخص ويقول انفك أفضل من السابق هذا يعني أن انفك صار أسوأ من السابق كما قال لي بعض الاخوه .
نصيحه أخويه هذا توه متخرج جديد وليس لديه الخبره وسوف يجعل من المرضى فئران تجاربه ومأوى رزقه كما فعل بي ... هذا رأيي ونصيحتي ولكم حرية الاختيار

 

[سور الفرح]

قطرة ممكن صورة أنفك من الامامقط

 

[امل وألم]

قطرة انت كاتب ان كان عندك تشوه كثير قبل العملية ممكن التحسن ما وصل الي انت تبيه من وجهة نظرك.
انا والله العظيم شفت شغل الدكتر سامي على وحدة من زميلاتي وطلع روعة ما شاء الله تبارك الله.
وهو استاذ في الجامعة يعني خبرته وشهادته ممتازه. اذا ممكن صور انفك.
الله يسهل امر كل من يسوي عملية. ولا تنسون صلاة الاستخارة

 

[قطره]

قطرة انت كاتب ان كان عندك تشوه كثير قبل العملية ممكن التحسن ما وصل الي انت تبيه من وجهة نظرك.
انا والله العظيم شفت شغل الدكتر سامي على وحدة من زميلاتي وطلع روعة ما شاء الله تبارك الله.
وهو استاذ في الجامعة يعني خبرته وشهادته ممتازه. اذا ممكن صور انفك.
الله يسهل امر كل من يسوي عملية. ولا تنسون صلاة الاستخارة

أنا والله ما كان في بالي أي تصور للنتيجه ، الا أن اسمها عميلة ( تجميل ) وراح يكون الشكل مقبول ، لكن لﻷسف طلعت عملية ( تشويه ) ، وبالنسبه للشهاده والله اني درست عند بروفسور جراحه كان شغلنا أفضل منه واحنا طلاب . وان شاء الله بس يجي لي فرصه أنزل الصور ، ولك الميكرفون والتعليق ،،، وبالتوفيق

 

[سور الفرح]

قطرة
يليت لو تنزلين الصور بسرعه قبل وبعد
لأني ناويه أسوي عنده

 

[qwer11]

لاحد يروح عند الدكتور سامي الحارثي الله لايوفقه خرب انفي كان عندي كسر في العضمة ونحراف في الغضروف الانحراف زاد اكثر من قبل وانفي كان عريض وحلو ونا احب الشكل هاذا ونحف العضمة كثير بدون مااطلب منه وشال الغضاريف حسبي الله عليه والجوانب غير بعض بشكل ملحوظ وفتح غير فتحه والتفس اسوا من قبل الله لايوفقه وجهي كبير انفي صغيره مره كل من شافني انصدم يقول لي ليش صار انفك كذا صغير وشكله واضح انه عملية شوهني الله لايوفقه ومرفوع مره والفتحات طالعه والانف مايل بشكل قوي ليه مايقول انا ماني قد الشغل رح لدكتور ثاني ماقول الا الله لايوفقه