سؤال عن زراعه الجلد

[شندوخه]

السلام عليكم ورحمه الله وبركاته
ببليز بغيت اسأل عن عمليه زراعه الجلد مين جربتها او تعرف عنها اي معلومات
هل هي مؤلمه هل يحتاج لاخذ مسكانت الالم بعد العمليه ؟
وهل تعتبر عمليه صعبه

 

[زهور المحبة]

والله ما ادري

بس ماحبيت اطلع بدون لا ارد عليج

والله يقومج بالسلامه وتنجح عمليتج ان شاءالله

 

[شندوخه]

الله يسلمج وماقصرتي عالرد
بنات بليز اللى تعرف اي شي ولو بسيط تقوله لاتبخلون علي

 

[@ الرسامة @]

راح اسالج واشوف

 

[ii DareeN ii]

ياخذون من الفخذ ويزرعون في الجزء الي يبون يزرعون فيه رفيجتي مسويتها اسالها لج على سالفه الالم ​

 

[شندوخه]

اي والله تكفين ساليلي الله يخلييج وييسرلج امورج

 

[قـلب من ثلـج]

حبيبتى صح مثل ماقالت الاخت ياخذون من جلد الفخذ لانة الاقرب لجلد الوجة اذا بيزرعونة بالوجة ولاتحاتين لان عمليات الوجة سبحان اللة الانسجة تتداخل مع بعض فما يبين مكان الخياط اذا كان الدكتور فاهم شغلة عدل والمسكنات لازم يعطونج لان فى خياط والالم اعتقد فى بس انشاللة بسيط لانهم بيعطونج مسكنات اكيد وانشاللة اذا بتسوينها تقومين بالسلامة

 

[ii DareeN ii]

حبوبه تقول ان الالم عادي مو الي الم فضيح لايحتمل شي عادي حتى ولد اخوي عمره سنتين بيسونها له عشان عمليه تعديل مجرى البول بياخذون جلد من فخذه حق مادري شنو بس العمليه المها عادي يعني مو مثل شق البطن لالا توكلي على الله وانشاء الله ماعليج الا العافيه

 

[شندوخه]

شكثر يبلها ويلتأم الجرح بالكامل وانا الجرح بالبطن مو بالوجه
واذا شالو من الفخذ يشيلون وايد ؟ يحتاج يخيطون الفخذ ولا شلون الطريقه
تكفون بنات طمنوني الله يطمنكم دنيا واخره