سؤال عن ضرس العقل

[C'est La Vie]

قوة بنات شلونكم شخباركم؟؟
الله يعافيكم انا بكمل 22 سنة بس ليلحين ما طلعلي ضرس العقل
كنت حاطه تقويم بعدين ليما شاله الدكتور وحطلي تقويم متحرك ما كملت العلاج
هالكلام يمكن صارله اكثر من 4 سنين والحمدالله ضروسي زينه وكل شي تمام
بس هاليومين احس ان واحد من ضروسي اللي تحت (الناب) مأذيني
مادري احس انه تحرك جدام شوي وقمت اعض لساني بسبته
ويعوووور
المهم انا مادري ليش هالضرس تحرك هل اهو بسبت ان ما كملت التقويم المتحرك ولا تهقون بدا يطلعلي ضرس العقل؟؟؟
وهل هالشي طبيعي اني 22 وليلحين ما طلعلي ضرس العقل؟؟؟
وشنو اهو ضرس العقل اصلا؟؟؟ :eh_s(1):
اتمنى تفيدوني
ميرسييي :eh_s(8):

 

[جاي الضحى]

الله يقويج عسولة;


السبب الأرجح لتحرك ضرس الناب اهو عدم التزامج بلبس الرتينر. عدم الالتزام بلبس المتحرك يؤدي إلا محاولة حركة الاسنان إلى مكانها السابق والنتيجه تبين بعد فتره. كل ما كانو متزاحمين قبل التقويم كل ما زاد إحتمال حركتهم.
معتقد خاطيء إن ضروس العقل تسبب حركة الأسنان الأخرى.

هناك احتمالين عدم ظهور ضروس العقل عندما يتجاوز المريض سن 18. يا إما من الله ما عندج هالضروس أو يكونون موجودين ولكن تحت اللثه ما ينشافون إلا باشعه.

نوصي في شلاع هذي الأسنان إذا ما كان لها المكان الكافي بالفك وبالاخير تنتهي هذي الأسنان بالتسوس لأنها صعبة الوصول وغالباً ما يكون جزء منها مغطى باللثه -مكان جيد لبقاء الأكل وحصول التهابات. أفضل وقت للتخلص من هذي أسنان اهو تقريباً ما بين سن 18-25.

سموه ضرس العقل لأن يظهر في وقت متأخر عكس الأسنان الأخرى ويكون الانسان كبر ونضج- عاقل.

إلي ممكن تسوينه انج تراجعين طبيب تقويم ياخذ نظره . ممكن يسويلج متحرك يديد وينصحج بلبسه يومياً. لا تحاتين وايد وبالتوفيج عسولة.
​

 

[مر الايام]

انا لحد الآن ماطلعلي ضرس العقل وشكلة ماراح يطلع امبية يعني شنو اهو ضروري ولا لأ.