سؤال عن علاج اطفال الانابيب د. حازم

[أم رنا]

السلام عليكم
زوجي حالته صفر ويتعالج في مستشفى الصباح عند *د. حازم
وحده اطفال الانابيب

واخذ كورس علاج ابر ثلاث شهور وفيتامينات*
والحين معطينه موعد للعمليه فتح بالخصيه للبحث عن الحيوانات المنويه

اللي اعرفه و المفروض كورسين علاج يعني ست شهور مثل ماقالوا اول شي

ليش غيرو كلامهم وخلوا بس كورس واحد
وحتى ماطلبوا منه تحليل *يبون يسوون له العمليه علي طووووول

كأنهم يبون الفكه بسرعه

من صادفه نفس الحاله

لي اكثر من 15 سنه زواج من غير اولاد

وادعوا لنا بظهر الغيب**

 

[أم رنا]

وصحيح نسيت لا اقولكم

سويت بالمستشفى تحاليل مرتين ثاني ايام الدوره وال ٢١ من الدوره

وبس بعدها ماعطوني شي لا علاج ولا هم يحزنون

وطلع معاي غدة خامله و الحين آخذ لها علاج عند عياده خاصه
وعمري قارب علي ٣٧
ولا حول ولا قوه إلا بالله
دعواتكم بظهر الغيب

 

[ام دلال ومنال]

اختي في بنات الفريق البلجيكي يمدحونه راجعي عندهم بمستشفى رويال حياه واجد بنات ازواجهم صفر وعالجوا عند الدكتور فاطمي يمدحونه لحالات الصفر وربي يرزقج ويرزقني باخو لبناتي

 

[brat]

ما عندي فكرة
الله يرزقني ويرزقج ويرزق كل محروم الذرية الصالحة المعافاة عاجلاً غير آجل ياااا رب

 

[امواج الكويت]

حياتي خل زوجج ياكل عسل العويد للرجل خالي نفس حالة زوجج عندم الحيوانات صفر واخذ العسل وسوت مرته الانابيب بالصباح والحين عندهم توام
اما بالنسبه لج كم تاخذين علاج للغده ؟

 

[درة أهل الطولات]

الله يرزقكم

اب