سؤال عن فوط المطبخ

[om-7amod]

بنات بليززز ابي اعرف كم فوطه تستخدمون في المطبخ

بصراحه انا استخدم المحارم الورقيه واحس انها استهلاك واااايد


واللي يستخدمون شلون تنظفونها


ساعدوني الله يساعدكم دنيا واخرة

 

[الغريبة]

انا بعد استخدم المحارم الخاصة للمطبخ احسها عملية و انظف
ماحب الفوط بالمطبخ يطلعون ريحة و يسوون شغل لما اغسلهم و اجمعهم

و عندي فوطه وحدة من نوع معين طالبتها بس عجيبة امسح فيها بعدين اغسلها و اعصرها من الماي ترجع ناشفة مثل ما كانت اصفطها و احطها بالكبت

 

[طيرشلوا]

ليش بالعكس الفوط شحلوهم وفية شغلات ماتنظف الابالفوط
يعنى انا عندى بالمطبخ فوط والرول مال المطبخ اطلع يوميا فوطتين واغسلهم بالغسالة بالكلوركس الملون والاريال
وشحلوهم يطلعون جنهم جدد بس ترا انا مكودة من هالفوط ولاتجمعين الفوط كم يوم اغسلى الفوط بحزتها احسن
الرول استخدمة لتنشيف المواعين والصوانى من الماى ومسح شئ خفيف

 

[برونزية رشيقة]

عندي 3 فوط بالمطبخ ..

وأغسلهم بإيدي في ماي وصابون تايد .. وشوية ديتول ..

وأشرهم بالسطح ..

كل أسبوعين أقطهم وآخذ يدد غيرهم ..

تلقينهم في لوازم العائلة .. أو في الجمعيات قسم المواعين وهالسوالف من مخمات وجذي..

كلينكسات شتلحقييييييييييييييين ؟؟؟

 

[منارة الإيمان]

حبيبتى بالنسبة لفوط المطبخ .. والله ما بالغ .. فوط التنظييف غيير .. وفوط تنشيف المواعين غير وخاااصة لتنشيف المواعين ..
وفوط لمسح الأرض همن غير .. وما أخلطهم مع بعض أثناء الغسيل .. كل شئ بروحه ..
وفوط التنظيف أستخدم النوعية الصغيرة لسهولة استخدامها لكل شئ .. وأغسلهم بجل العملاق الأخضر واايد زين ..
وبالنسبة لفوط تنشيف المواعين .. فى نوعية ألي ما تطلع نسييج أثناء التنشيف .. وهذي الأفضل ..
وفوط الأرضية أخذهم من بومية فلس .. وااايد حلوين وأستخدمهم لتنشيف الحمام .. بس كل شئ بروحة يعني الحمام وأنت بكرامة الحمام .. والمطبخ المطبخ ..
وصج نسيت أذكر فى شغلة وااايد حلوة للمطبخ .. للتنظيف ومص السوائل الزايدة .. وهي الأسفنج ألي يكونون خمس قطع بمغلف واحد .. مفيدين جدا للمطبخ .. وفى بعض الأحيان أستخدمهم للأرضية ..

 

[om-7amod]

جزاكن الله الف الف خير

فعلا استفدت من تجاربكن ...

وان شاء الله اضيفها للمشتريات الاسبوعيه