سؤال عن مستشفى التأهيل

[moone GRL]

السلام عليكم


عندنا مريض فيه جلطة بالمخ وتقريبا حاليا ما يتحرك فيه شي ..

ابي اعرف مستوى التاهيل بالكويت .. اتوقع اسمه مستشفى العلاج الطبيعي والتأهيل .. بما انه هالقسم اغلبه اهالي مرضى محتاجين تأهيل شرايكم بمستوى المستشفى وخدمته ؟ شلون تجهيزاته والآلات اللي فيه
هل فيه حقن بوتوكس للعضلات المتصلبه ؟

الأقسام اللي داخل إلى جانب ال Physiotherapy و Occupational Therapy هل فيه معالجين نفسيين للمرضى وهل فيه علاج تخاطب ( SALT ) سبيكنق اند لانقوج ثاربي

اللي عندها تجارب مع المستشفى .. اللي شافته من داخل خل تعطيني معلومات وانطباعها عنه ..

 

[مشاعل الشمري]

انشاءالله بيفيدونج البنات
والله يقومه بالسلامه

 

[نونا العتيبى]

هلا أختي آنا جربت المستشفي حق بنتي ممتاز لأن فيه علاج طبيعي وعلاج بالعمل كل يوم ,,,بس للكبار ماعندي فكره عنه ,,

ويعطون بوتوكس للعضلات ,,وطبعا مافيه علاج نفسي لأنه مو طب نفسي فيه علاج طبيعيphysiotherapy

والتخاطب مومفيد لأن مافيهم واحد له خلق يشتغل بضمييييييييييييييييييييييييير(هذا بالنسبه للأطفال)

 

[HearT ChocolaTe]

هلا حبيبتي أنا عالجت ولدي فيه العلاج الطبيعي للجسم فيه أسام ولدي عمره 3 ونص يوم أبدأ
فيه مرحله العلاج وكانت بلغاريه وممتازة بصراحه .. كانت مستشفى فهد ب
وهي قسم من مستشفى العلاج الطبيعي التأهيلي .. أما العلاج بالعمل فشل بالدرجه الأولى
وقايلتها لهم بلساني .. والتخاطب ما في شي شجعني على الإكمال ومثل ما قالت لج الأخت نونا

 

[العبدة أم كشة]

ارجو ان يكنو اللآخوات وضحو لك الصوره

 

[moone GRL]

الله يعطيكم العافية


انا حاليا في لندن في مستشفى متخصص للتأهيل خدمته فوق الممتازة وفيه دكاترة نفسيين يخضع المرضى كلهم لجلسات للتقييم والعلاج الاكلينيكي بشكل يومي إلى جانب التأهيل


مازلت ابحث عن تجارب اكثر عن مسشتفى العلاج الطبيعي للفائدة ..

 

[بنت الكويت1]

حبيبتي المستشفى مافيه مستوى نظافة مبنى قديم جدا يجيب الكآبة للمريض وبعدين علاج النطق موجود الاخصائي عبدلله ممتاز مثله مثل اللي موجودين بامريكا وأفضل والله عن تجربة مع بنتي وامي دخلت عند الكبار صرااحة ما ترتاحين الا بغرفة خاصة وطبعا اللي يدخل ما يطلع الا بعد كم شهر وهذي مشكلة

 

[moone GRL]

الاخصائي عبد الله !!

ياليت اسمه كامل ووين يشتغل ؟

وتسلمين على الرد

 

[الصابرة المحتسبة]

رد : سؤال عن مستشفى التأهيل

رفع

 

[الصابرة المحتسبة]

رفع