سؤال عن مشروع وقف ؟

[f600sh]

..





..




..




..
















السلام عليكم
كويتيات ودي اسوي وقف حق امي وابوي شلون ؟ لانه بصراحه ودي اسويه بدون مايدري احد
ماكو طريقة من النت او الفون لان انا كل طلعاتي مع اهلي ما اروح مكان بروحي
وشنو يعني قيمه السهم ؟ وهل كل فترة احول لهم مبلغ ولا كاش ولا شلون
والله مو عارفه شي بس حيييل خااطري فيه و ابيكم تفهموني عدل جزاكم الله خير

 

[ياحُبِي لِلكويت]

وعليكم السلام ورحمة الله وبركاته ,, فيه عن طريق الجمعيات الخيريه او اذا عندج حساب فبنك التمويل دقي عليهم عندهم مشاريع خيريه ,, او اذا ماعندج حساب هالجمعيات يجونج شهريا للبيت ياخذون قيمه السهم او اذا تبين كاش عادي المهم اللي تقدرين عليه وعسى ربي يوفقج واذا تبين أرقامهم حاظرين لج أبحث لج وارد لج خبر ,, وكثر الله من أمثالج

 

[f600sh]

حبيبتي والله مشكورة ع الرد
اي عندي حساب شلون من خدمه الو بيتك ؟
وجزاج الله خير ياقلبي

 

[f600sh]

ياحُبِي لِلكويت


حبيبتي دقيت على الو بيتك ماكو المشاريع الخيريه بس تبرع ماكو مشروع وقف



بليييييييييييييز احد يرررررررررررد علي !!

 

[f600sh]

ردووووووووووا علي بلييييييييييييييييييييز

 

[bent_nadia]

http://direct-aid.org/cms/

باذن الله هالموقع يفيدج وموشرط اختي اتسوين وقف عودي نفسج كثر ماتقدرين انج كل يوم تصدقين وانويلهم الصدقه وربي سبحانه يجزاج الخير ووفقج في حبه وطاعته وذكره وحسن عبادته ويتقبل منج اللهم امين يارب العالمين

 

[f600sh]

حبيبتي انتي والله جزاااااج الله الفردوس الاعلى ما قصرتي مشكورة واااااايد ..

 

[ياحُبِي لِلكويت]

سوري حبيبتي توني اشوف ردج أبشري ابي ابحث لج وارد لج خبر

 

[تبسم لمغليك]

حبيبتي الغاليه الوقفيات معناته استمرارية المشروع يعني ياخذون مبلغ ويحبسونه بمشروع يعني عمارة اجار وووالمهم ان اجارها ينفقونه بالمشاريع ومن ناحية السهم معناته مشترك معاك احد يعني نفرض بير ماء بألف دينار ويتكون من اربعة اسهم اذا دفعتئ سهم يعني 250 وغيرك يكمل المبلغ واذا تقدرين الملغ كله عادي بس هذا توضيح السعر علشان تفهمين حبيبتي واذا تبين دقي على اللجنه يدزون لك مندوب بالمكان الي تبين بس لازم تأكدين من ختم اللجن وعندك لجنة احياء التراث الاصلاح والعون دون المباشر هذه اللجان ثقه وسألي عن مشروووع الوقف الكبير احياء التراث وافضل الصدقه سقيا ماء يعني بير وانصحك سوي مشتركه ببير ارتوازي حللو وايد بع الله يوفقك ويحبب الخير لقلبك كثر الله من امثالك ولاتنسين نفسك بعد حبيبتي

 

[تبسم لمغليك]

اي نسيت اقول شغله بلغيهم عن التقرير ان عن طريق الهاتف انللوصل تقرير يدقون عليك يجيبونه لك بالمكان الي تبينه احيان والله اخليهم يجوني بالجمعيه اذا ماعندي وقت وحلو لما تشوفين الي سويتيه حبيبتي *مثل الذين ينفقون اموالهم كمثل حبه انبتت سبع سنابل في كل سنبله مئة حبه والله يضاعف لمن يشاء والله واسع عليم الله يوفقك ويبارك فيك ويسدد خطاك للخير

 

[ياحُبِي لِلكويت]

شوفي هالرابط جمعيه العون المباشر موجود ارقامهم واعمالهم وحتى لهم حساب بالتويتر http://direct-aid.org/cms/ ان شاءالله تستفيدين لأن اكو عندهم استقطاع من البنك ,, وبشرينا شسويتي اذا مافادج بلغيني وابشري بعد من عيوني عسى ربي يكتب لج الاجر

 

[أم عمران]

السلام عليكم اختى الفاضلة اللي تبي كفالة أيتام جمعية فهد الأحمد الإنسانية بالكويت تساعدكم على كفالة الأيتام والأرس الفقيرة والمحتاجة في مصر واليمن والفلبين وألبانيا والصومال وفلسطين ولبنان وكذلك بناء المساجد وحفر الآبار وبرادات المياه - وتتميز الجمعية بمشروع السبع المباركة وهو عبارة عن بناء مسجد مع كفالة الامام وحلقة تحفيظ قرآن وحفر بئر وبراد مياه ووقف قطعة زراعية بجوار المسجد وهذا المشروع مشروع فيه سبعة ابواب من الصدقات الجارية في مكان واحد في اكثر المناطق حاجة - وكذلك مشروع بناء دار الأيتام في الفلبين وألبانيا والصومال لتربية الأيتام تربية اسلامية - وهناك صندوق الأيتام وهذا الصندوق عبارة عن صندوق لجمع الأموال لكفالة الأيتام المتوفقة استقطاعاتهم - وهناك وقف الأم ووقف الحاج ( وهذه الوقفيات يدخل ريعها في المشاريع التنموية المستمرة الأجر والعطاء التي تدخل في الصدقات الجارية وقد استطاعت الجمعية بناء محطة سقيا غزة ومركز طبي في غزة ومزرعة دواجن ومخبز ألى لتوزيع الانتاج على الاسر الفقيرة هناك - والجمعية تزود فاعل الخير بتقرير شامل دورياً ليعلم ثمرة عمله - واللي تبي اي استفسار استطيع ان اساعدها - تراسلني
ممكن نبعتلك رقم حساب البنك وتبعتى عليه مباشر

 

[الذووق]

ط¹ظٹط¯ظƒظ… ظ…ط¨ط§ط±ظƒ khaironline.net

 

[أم عمران]

[/QUOTE]